(Fun Yesus latage ipo ni betar awal) ======= 3 (Vun Yesus Latage ipo Befar awal >>>>>>> 4363073a51ed62454650b5c0ec5c4ef37338bb9f 1 Fun Yesus sato ni murid ipa lasun be ni Kaliu. 2 La nyan pa lai lanvan sabat, sunbe nasui po Sinagoge / nom ari. Met mabu natano meipa lagahui, labine iyone napen gurumun one poloti, Gurumun one ana poloti mitta mbi anapa, qibe mba koka pabi lei sibe jayibe. 3 one tukung ai inya o Maria, inu ipa ato, Yacobus, Yoses, Yoses, Yudas, dan Simon, ini nou binni pauto lato kaliu one, ilapo nyenni mam nyal lasol, ibe nata bul / latagei. 4 Ido Fun Yesus binbe meipa, iya de kaliu yo hana mei lano ine, tayi Fun. Ape mankun nak kaliu, nuk nik nou, abev mangku atum nebe noulo. 5 Ilapo be posa Fun Yesus sa nin mujisat poto mba koka pabe meiyo lamsi apa, ido bitin sifei. 6 Na heran kukurto laparacai poapa, be posa hausiber be de kaliu-kaliu asal be najar. (Yesusa sol ni murid-murid ipa) 7 Yesus nagaga ni murid lahemai loupa, be saput sulmet lou-lou. Be sapul mbi ni gurumun pabe asi, bisara la kuasai madu-madu kama. 8 Be pose mbi gali be asi wei, ima ido imut liisana-liisana ari de limpon ari, lita imut til, cunpo, kalimpo, imdaki pip be waliyo sibe imlehun ipari, 9 imtan kolom ape imsun tansun loupo 10 Yesus mbin mbe asi wei , ima aibe imsun ndu isana, imto polopaibe imduk polopa. 11 Ape ilo abe lasin meupo, tumtu latano meipo, aibe ima, imabil bat ikamukut to imkakan bat ipapa, bisara ambe ba dir be asi. 12 Besapul asinolah lasui labinbe meipabe imamdo / lamdo. 13 Besapul latage kabyo mabu, beapul lakaloe meiyo lamsi abe milik iyo meipa bitin ifei. (Herodes natano mei lamten Yesus) 14 Thun Herodes natano kukura Gain Yesus one na rameto, mei labine Yohanes Pembaptis yo nabin suipo mit imat. Onto mujisat sisan ia pa. 15 Meisya labine opa Elia, mit ilalal labine opa met nabi, tem tadi ia nabi. 16 Ape ilo Herodes natanelopa, ido binne Yohanis, o yakapao kegalan pauna yo nabin sui apa! (Yohanis Pembaptis labunni) 17 Herodes awa nsal met apa, naparenta be lakabu Yohanes. Lasan nibbui ilo yella Herodias, bin wane inata Pelipus, ape Herodias nanikatu Herodes. 18 Wanto, Yohanis mbin wai asui/gali, be Herodes, nyamtolonpo nyal bi wapa numpa nibin wapa. 19 Ilo lapa Herodias nye ana kabun Yohanis, nabe mbunni apa campo, 20 kukura Herodes namcat Yohanis della ia nun Yohanis wane met tafei met narou, wanto Herodes nanyalli. Ilo Herodes natano Yohanis, ia beletem nahahulu, ape Herodes namarim natano Yohanis. 21 Ape antok lanyan ilopo, Herodes ni lanyan ulan taun nin hahan ben ni pejabat-pejabat mane, ni perwira-perwira ipa, tumtu kai-kai Galilea. 22 Ilo Herodias ini ibinpa nsunbe nama, be nalhei Herodes ynaipa tua meiwa lakatoun tu iapa, wanto funpa natun bisopa, nyasiubi leta nya marin anapa, antabi le wabe awa. 23 Ido Herodes nasasi amatti, leta nya siu ampo inapa anta ji ambe awa, aibe ipal apo nik karajanne. 24 Ido, biso wapa tan nasui amat nyanna, ine leta yasui anapa? Inyapa tabulli, Yohanis pembaptis kegalangpa. 25 Wapto ido bisopa haranat, bisopa ntan amat vunpa be nasui, ine ya mou de wa neto awa njibe ine Yohanis Pembaptis kegalan pabe gansa ipom. 26 Ilopido vunpa beletem nawar, ape del nisasipa tumtu meiwa lanantu iapa, ia lupa ansube natol biso nepo. 27 Ilopa, ido vunne aigalbe asola met babun tumtu parenta be nut Yohanis kaipan wanto met babun wapa nabe nakat Yohanis kagalan papo bui. 28 Beposa metpa nut Yohanis kagalan pabe gansa ipanpa be mbi lahinbe bisopa, ido bisopa mbi ambe nyanna. 29 Haranyai tu wabi, murid-murid wa Yohanis apa latanoi, meipa ladok be lal Yohanis biti pabe labi ambe lob iloi. 30 Beposa ni rasul sararu be tumtu Yesus be labidon amat la. Lio lin nasyabei tumtu lio lakarejan asyapa. 31 Ido Yesus mbin amat meipa, Iamama nin taboy, tem ilota amnyat be imti meo haranyai, wane met mabu ladok tu lasui, aibe lanan mantu lanan campo. 32 Ido Yesus a tumtu ni murid-murid ipa latan taboy lasa wannipa be ilota amnyat. 33 Ape ilopa, kawasa ipa lema meine la apa tumtu lahai meine. Ido me maba waipa lati beto latum limpon lil po kota ipa beito. Ido ladok lohana, labon Yesus a tu ni murid tipa. 34 Ido Yesus a ntan de danou ibitpa, nemla nei do kawasa, ido nye amdol del meipa kukura meipa labet tadi domba iasa la ni metta nem asipo. Yesus nakapui asui najar meipabe hal mabu. 35 Ido lanyamta nabe gamto, murid-murid Yesus ladok be Yesus abe labin, ilone ilata amnyepo mansope laua gam pakto. 36 Sol meneibe latan de iloine tumtu kaliu-kaliu ihina bisara meipa lasiri lebe lei. 37 Ape Yesus nasui biasi, meua mbi asibe lanan, ido meipa labin amati, alopa amne amtan be amsiri roti ipil dinar utun lou/200, be mahan meine? 38 Yesus nasui amat meipa, lopa inan roti ipa vitta? imtan be imim! Ilopa masope mei lunni, meipa lasui, roti lim tumtu dun lou. 39 Beposa, Yesus na parenta mei pabei bisara lakatoun dalam kelompok-kelompok po abris iponiwa sibyau apa. 40 Kawasa waipa lakatoun be laber kolompok, sia ido met utun siaido met lahelim. 41 Beposa ido Yesus nalla roti limpa tumtu dun nitamten loupa, natalai siy napaptia, nul barakat beposa nakasu roti ipa, be posa mbi asibe ni murid tipa, 42 Ido meipa lanan aibe nyen ni matun beito. 43 Beposa, meipa lal karanjang lahe mai louw, ipa sifun tu anan imaipa roti tumtu dun. 44 Wapa man ribu lim wa lei roti apa. 45 Ido, Yesus a wapto naparetah murid-murid tipa lasa be wan nipa bed lala palbe Betsaida, natapin be nsol meipabe lasui. 46 Ilo hausi meipabe posa, ina tan lail be iuwpon pabe nasambayan. 47 Ido nabe gampakto, wan pa aniwa danou isoromto, mi ape Yesus nsai lobi. 48 Ape ilo nem murid-murid tipa la dein taya lamgai kukura moro pa nau po wanta mana la wan meipa, kira-kira jam jaga gam ifat, Yesus ndok mei pa ido ntan de danou ipon tamma ntan kal meipa. 49 Ido meipa lem Yesus ntan de danouw ipon tama, ido la borompo ia jin tasiloi, ido meipa latagagaim. 50 Della meipa bei lem Yesus aito lamcat. Ape Yesus aigalbe na sui amat meipo, be mbin amat meipa, imanyat one ine! Imam cat ari. 51 Be posa ido, nsa lai be mei pabe wan lopa, ido moropa anale, ido meipa nabe latapliu. 52 Della meipa lun hei mujisa wa anin nasibe roti lim papa, kukura, nyemni tamtemrin. 53 Beposa, Yesus atumtu ni murid-murid tipa la belek, meipa la sun baten Genesaret ido lawbol. 54 Ilo, meipa lale powaan, meipa tadi lahai Yesus abeito, 55 Ido, anati ilo beido lut lanin mei wa lamsi po bol zak ipon yapa, antan aibe ilota mei latano tentan kuasa Yesus. 56 Jadi, Yesus na kakok de kaliu-kaliu, tumtu bendar-bendar tumtu li-ilo, meipa lapolla mei wa lamsibe ilo sinarame apa, be lul po ia bisara meipa lasau ni jumbaipa. Bisara metta imbe lapa nturuk ni jumbaipa ido biti afei.