¹ Mei ipa latutulpo lainsarabit doi Gadara. ² Ido Yesus nalepo wanlopa, nalalil napena metwa napen morowa anheipo apa topolo lopiponpa ido harit Yesus sa. ³ Metwa tolop apa lasel camipo. ⁴ Kukura wahana laselito ape wali rante ipa sitamtu, ape lasellibe walirantepa matoul. ⁵ Gam lanyang ido nagaga naharanaupo pon tumina lopiponpa mansope naleng hitipabe silomo kukura katingpa. ⁶ Mansope metpa nem Yesus, sa polilauhi ido natihe som Yesus sapo luntalaipa. ⁷ Mansope nagagabe galipa anlalbe mokomine leta anselhe ine tumina aulapa Yesus mahai Allah, wa coponkal yasiupo awa halogambe Allah momininebe yasusui ne are. ⁸ Mansope Yesus mokomine "Joletabol" metwane madu kama apa. ⁹ Yesus natung metwana Gaimwate? mokomine gaikwa Legion, kukura amamabu. ¹⁰ Metpa nasiu waiwai nue po Yesus sa bisara nataje sitabol lopare. ¹¹ Lohana kayao ipa lamabu lanan harit iponpa. ¹² Morowa anheipo apa anasiupo Yesus sa ambine sol aminebe amsungbe kayao imana. ¹³ Yesus sa tubulsi rani Yesus sol morowa anheipo apahe ansung kayao imabu ipa ranni kayao imabu ipa utung lou latihe lamdol dolo ilo anasalah apua sagadu lomajurung welopa. ¹⁴ Mansope mewa lanin kayau ipa latibe labidon mewa lato bendar tumina kaliu apa be latanbe lemlewa aomsiapa. ¹⁵ Meipa latangbe Yesus sabe lemmi idometwa moroanheipoapa. Legion nakaton, suntansunto tumina kaprapa anheiwei ido melamcat. ¹⁶ Mewa lemmbe tajiniapa lasiube meipa kukura metwa moroanheipoapa tumina kayauipa. ¹⁷ Meipa labidon Yesus sabe titabol laning nyande. ¹⁸ Mansope Yesus sa, saibe wanlopawei, ido medwa hana moro kama ansuni apa? nsui bedel Yesus sa. ¹⁹ Ape Yesus sa sinipo, ape sol libe sui yamata inu waina. bisara lasui lewa binasiapa kukura Hun nihaheiwana beia. ²⁰ Mansope metwana tanbe bidonna mepo Dekapolis kukura lewa Yesus sa ninambe iyapa rani metimabu ipa lahahayap. ²¹ Mansope Yesus sa abilakarou tu wanipa be lul wei ido melabu lararu harit Yesus sa, tumina Iya harit danaopa. ²² Mansope metwa bi kapita be nou aripa gainwa Yairus sa dokbe nem Yesus sa, iya som katobatpa. ²³ Tumina nasiu malopo Yesus sa be, mongkone, "Nikwebin pa namingkirin wana abi mato. Jokbe jakatompa bisara namuw tumina hei. ²⁴ Ido Yesus sa bedellah Yesus sa. Illopa met lamabu labedel Yesus sa be labi iponi. ²⁵ Tumina ilopa bin gana namsibin lowo ni taun lahemai lou. ²⁶ Binpa nasengsara wai-waipo methararu lamabu ido nodok aroa ni leweina, ape sibeleganapo tumina bitipa anhei po bi ²⁷ Kukura natano Yesus sa to, binwapa tandel Yesus sa po mul ilo sorompa ido melaba ibon be lamabuapa ido sau nitansung ikatarapa. ²⁸ Binpa mongkone, yabi sau nim tansungpa bi ido ine yamow." ²⁹ Ido wapto nilomopa amow ido nunbitipa amow tabol mayewana. ³⁰ Yesus sa nun hawi bitilopa kukura nimoro wa anapo mangkun bitiloapa. Iya nakawai mul be, nem melamabu waina ido natun: "Meta sau nik tansunne wapa? ³¹ Mansope Yesus sa nimurid tipa labine, "Awa nyunwane melamabu lagaget mansope Awa jine, 'Meta sau ine lapa? ³² Mansope, Yesus sa nem akok nem met wa ninlewa papa. ³³ Ido, nun lewo mangkun bitipapa, binpa namcat be namabobo. Iya dokbe som Yesus sa po luntalai pa be bidon Yesus sa be leimabu wa siheiwapa. ³⁴ Mansope, Yesus sa nasidon binpa, "Nikwe, nim imanpa aninbe nyasalamat. Canbe ilo haheilal lapto tumina nyamou tabol nim manyepa. ³⁵ Ilopa Yesus sa nasui rin, meipa ladok lapo nou aripa be labine, "Nimwe wana namin to. Meta nyana Guru be? ³⁶ Pape, Yesus sa namsew natano lewa labinasiapa, Iya nasui amat kai sinagoge pa, "Nyamcat are, nyawawo bi. ³⁷ Pape, Yesus sa tubul mewa labedel Iyapo,kecuali Petrus sa, tumina Yakobus sa, tumina Yohanes sa, tu inuta Yakobus sa. ³⁸ Ilo, meipa ladok nou wa kai sinagoge pa, ido Iya nem met laharanau, tumina meipa latani be galin silal. ³⁹ Mansope, ilo Yesus sa sun, Iya nasui tu meipa, "Mengapa meuwa maharanau tu matani be? Makai wapa namin po, pape nane bi." ⁴⁰ Pape meipa lami Yesus sa. Ido sol meipa be ladok be liy beposa Yesus sa nasidon makaipa imapa tumina nyana tumina mewa labedeliapa, be lasun amat ilo makaipa toanapa. ⁴¹ Mansope, sau makaiwana katoponpa ido Iya nasui be mongkone, "Talita kum!"(Artipa ido, "Bin mingki tawe, Ine jidon awa, nyabin!") ⁴² Makai binpa nabin be tan kukura niumumur pa taun lahemai lou, ido meimabuipa lasui be labahamane-i. ⁴³ Mansope, Yesus sa bidon galiy ta amtou be makai pa ima wana, bisara meta lun hawi lewone are tumina nasiu amata meipa be labianang be makaipa.