¹ Ido, Yesus namulai nanjar po doy ibit pa. Metipa lararu be labewar Yesus lamabu ai sagado Iya nsa be wanilo nakatoun po wan igana be nakaton po doi ipon pa iloki wapbi met lamabu lato lil po doi ibit pa. ² Be, Iya nanjar metipa mina le mabu be gali asui taban. Bea Ni hakur ipa nasui amat metipa. ³ Mi matano! Met igana tanbe nakeke. ⁴ Ilopa ambe jadi, ilo Iya nakeke imur sia simdol mi limpon ibit ido mani-mani ladok leiasi. ⁵ MiSan sana simdol be bat katin poni wa batama talopo. Imur sia simtum belamai kukura bat amatalo po. ⁶ Ilo lanyanta wana nsa ganyul amari anan inai ipa simagalai kukura sibe ikawak po ido simai. ⁷ San sana simdol kangkonot loi ido kangkonot simtum sinakasul asi aei sagado simae anan tanim ipa sibe ikyapyu po ⁸ Ape san sana simdol bat wa anhei be anbe hasil ikapyu simtum be silal be sibe hasil lahetul mai lahe wanom mai, utun mai. ⁹ Beposa Yesus nasui, "Metabe be italatu be natano ido natano. ¹⁰ Ilo Yesus nasui metiwa kalilit Iyapa lahagonom tumtu rasul lahemai lou latun kukura asui galiy taban ipa. ¹¹ Beposa, Iya tubul metipa rahasia Kerajaan Allah poto labi anbe mewo to. Ape antanane metasae derem lewa yasui asuine ilopa asui galiy taban. ¹² Bisara, 'antanane lem metipa lahahulu tu antanane latanabe latano. Ape lun hawipo bisara metipa lamdo are be lapen ampun are. ¹³ Beposa Yesus nasui be metipa, mewa mamarati galiy taban ine? Antanane mewa mamarati galiy taban? ¹⁴ Metwa nakeke galiy narou wana. ¹⁵ Metipa ido met kawasa wa lamdol po lilpon ibit, ilo galiy narou pa lakeke an wana. Ilo metipa latano, ido kabyopa ndok be nakarau galiy narou pa wa lakeke anbe siapa. ¹⁶ Anlap wei ido, metiwa lakeke asibe bat katin ido met kawasa wa latano galiy naraopa be belemai be lasin ana be lamarin. ¹⁷ Pape metipa lakawakpo lakabutep amnat po nyailo po ape lamnat haranyai bi. Beposa, ilowa lapen susa andoksi tumtumina aris kukura galiy narou wana metipa belemai be lamdol. ¹⁸ Be siawei antanane simdol dela kangkonot iput. Met waipa macobei-macobe wa latano galiy narou, ¹⁹ Ape lawater dunyai ine, be lamombron lakayan tumtua lamomron-lamomron leiwa-leiwa sisun galiy narou apa isorompa anakasul be aiy sagado anane ambe hasil po ikapyu pa. ²⁰ Pape, mewo lakeke sipo bat wa anhei apa ido sia latano kamtat narou, tu lusin ana, tumina ambe ikapyu ipa sinataaya lahe tul, lahe wanom tumina utung. ²¹ Mansope, Yesus nasui be meipa, "Oborpa lut anbe labianbe gansa pa ambe amjoron ipap pa gansa ipappo? Antanane labi anbe obor palkato ponpa. ²² Kukura, antanane leta sinakabun, antanane sitapalin anta leta sinakabun manto antanane sitapalin bei. ²³ Anta metabe latui hatana ido natanoi. ²⁴ Mansope, Yesus nasui be metipa, "Memwarak lewo matanoi. Alokot wa mewa meminasiapa antanane lalokot anbe mewei. Antanane sia wei antanane labi asui labiasiabe simabukal weibe mewa. ²⁵ Kukura, metabe napen be nia antanane labi wei. Ape napen be nipon leiganapo antanane latan tabol. ²⁶ Beposa, Yesus nasui, "Kerajaan Allah wapa anadadi metwa be nabit imur dela bat. ²⁷ Metwapa nane nabin lanyan tu gam, be aiy imur ipa siso be simtum bat wapa mangkun iya nun lo simtum apa. ²⁸ Bat wapa aya aya simtum be sikapyu ido nemta siso beposa sitip sibe imuri gandum be ilo ilipa. ²⁹ Ilo gandum imur-imuripa sikapyu metwapa belemai nserepasi kukura malo wailaserep asiowana andokto. ³⁰ Beposa, Yesus nasui wei, "Leta antanane talibit ambe Kerajaan Allah? Wapo, amina talibit ambe anapa. ³¹ Kerajaan Allah wapa andadi sesawi imur wa lakeke anbe bat poni. Ape imurpa-imurpa silalpocu dela aiy mur waihan beipo batne. ³² Ape ilo lakeke asi imur pa antanane amtum be anlal kal dela si waihana bei po bat lopa, be anbe ikop-ikop lal aiy sagado mani-mani pa lapodel pon lapen linpup ipap pa lanyalli. ³³ Del napake asui taban dadi lapa, Yesus sa nasui mbidon galiy narou pa kawasa, be galiyta bisara lapen kawasane latano. ³⁴ Iya nasui amat meipa be lasui taban po ape Iya bidon arorbei ansai amata nimuridimurid ipa. ³⁵ Ido lanyan wapa, ido lanyun Yesus sa nasui amat nimurid ipa, "Malemanin ihne tabe doi ipal wapama." ³⁶ Beposa latabol kawasapa, metipa lut Yesus sa lasun be wan pa ilo. Yesus sa ntoanapa be wan-wan waipa labedel tumtu Iya. ³⁷ Mansope, ambe moro tu halahu lal tumtua laloi lal sinapya wanpa sagado wan pa irapa anhon tu lu. ³⁸ Ape, Yesus sa to kapal imulli be nane iponpa, Ilopa metipa lakanoli be lasui amat Iya, Guru letala Nyahandum pobe, luki ihne tamin? ³⁹ Ilopa Yesus sa nabin be ntili moropa, be nasui amat moropa. nasui amata walutpa amnyat! Fyalahaput. Ilopa moropa anlauyai be ambe ampyon. Beposa, Iya nasui amat meipa, anlap ido mewa mamcat manin akyarpo? ⁴⁰ Metipa labe lamcat barari ido lasuiamat si sana amat siwaipa, Meta mbela Ine? ai sagado moro lal tu walut anapo amat Iya. ⁴¹ Meipa abe lamcat barari tu Iya, sarita gana amat siwaipa. Meta belane? Moro lal tu walut bei anato Iya!"