¹ Tu, Yesus sa sun webe sinagoge wapa lo mana meti sana kapya pal sana amat, ² me ipa laha mat Yesus a, belem apia nim met be bitin i fei del layan lal ido latudu ia. ³ Mansope, Yesus sa bin be met wa kapya fal pa an tamtu apanyol po sorom. ⁴ Tu, Yesus sa bin be meipa. Apa min leta anfei po anfei poke polanyan lal ? Min met be lanin nyaw sifeike ? be mimbun met ? Ape meipa lam nyat. ⁵ Beposa, Yesus sa nem si beito, be, namarkou Ia, nawar si tua nyain simtow apa. mansope, Yesus sa nasui ne mei wa kap ya pal pa antam tu apa, "nyakararow ka pyam pa" met wa pa ten kapya pa, Ido kapya antey. ⁶ Wapa ido met parisi latan tabol be labe nyain kitem tua met Herodian be larukun tu ia leta lin ambe labun ia. ⁷ Mansope, Yesus nalan tabol murid-murid ipa be danau, met mabu lapo Galelea latum del Ia, metpo Yudea, ⁸ met po Yerusalem Idumea pala, weyai yordan tua metiwa la harit Tirus tua Sidon, melamabu cuci latano leiwa Yesus nin asiapa, labe Ia. ⁹ Kukur met mabu, Yesus bin be murid-murid-Ipa be lemso wan ni sana be Ia rani meipa jaluk ki po. ¹⁰ Kukura Yesus nin met mabu belafei, rani met mabu wa lapen maye lajukki belemai be sau si. ¹¹ Tu, Iloh mapo najis/kama anem Yesus sa meipa lasum polotalai pa lata gagaem, " Anak Allah I newe inta awa ! ¹² Ape, Yesus nabil atep si labine meta bela ia. ¹³ Mansope, Yesus sa be yene na gaga met iwa na amat siapa Ido la manim be Ia. ¹⁴ Ia be hamanat met lafe mailow be la fa ganom ia, mansope sol sibe lasui gali narow, ¹⁵ tua, bia gurumun labobur kabyo. ¹⁶ Yesus haamat murid lafe mailow. Simon ( Yesus nagain Petrus), ¹⁷ Yakobus, inewe zebedeus, tua Yohanes inu Yakobus ia na gain ibe Bonerges, ambine " makai guru", ¹⁸ Andreas, Filipus, Bartolofeus, Matius Tomas, Yakobus anak, Tadius, Simon orang Zelot, tua ¹⁹ Yudas Iskariot wa wop Yesus sa. ²⁰ (YESUS NI GURU MUN ANAPO ALLAH) Mansope, ido Yesus sunbe now sana mansope, met iapa lararu be labe ipon lafai lohana aninbe Yesus sa tu murid-murid Ipa liia Roti campo. ²¹ Ni met weindo apa latana, lewap rani mei ladok manin lal Yesus be fai kukur meipa labine nam tolom po wei rani. ²² Tua, ahli-ahli Taurat lale po Yerusalem labinne, " Ia belzebul" tu Ia nababur kabyo tua gurumu kabya. ²⁴ Yesus nagaga meipalabela binbesia gali taban bine kabyo nababur kabyo idocami? ²³ Bendar isana anta pau met sana narukun tu mangkun Ia, bendar wapa : anol lau campo. ²⁵ Now I sana antapauw narukun tu mankun ia now wapa anol laupo. ²⁶ Wapa kabyo nabin narukun tu mankun bitipa be antapau anta nol laupo anta layara be nisaritapa. ²⁷ Met isanapo sunbe met isana ninow wa amnat manso nakarau nileipa, wapa selmet wa nakuat apa bon kada, mansope nal nileipa. ²⁸ Ene jin leiwa sim tolon ane be mea, makai macobei lanin saline bei lakamui asi, tua lanin salwa labin meane. ²⁹ Ape met tabe bin Roh Kudus lakamui nisal papo, mansope nisal wapa ana lau aibe law-law. ³⁰ Kukura ahli Taurat ipa labin Ia mafo najis ansun ia apa. ³¹ But mulido, inyan na tua Fun Yesus inu inu ipa ladok manin lol po now I lipa. Meipa lasol met be Ia lagaga ³² beposaido mettipa lakaton Fulut Ia Fun Yesus tua mettipa labinne yem nyama tua num num ine. Loh liaim malabi lemsap awa. ³³ Man sope Fun Yesusa tubul be. Metta nik nenapa tua nuk-nuk apa. ³⁴ Be pol ido I na nanim mettiwa lakaton kabilit iapa be binne. Mimem wane nik nen na, tua nuk-nuk ine! ³⁵ Metta be nein leadel Fun Allah nimanale ne I do ia nuk wapa nik now wapa tuwa nik nen wapa.