¹ Lanyan fitta demul, mansope Yesus waipolo Kapernaum, latano gali Ia nto nou. ² Mansope metipalamabu lararu aibe lapoto aibe bainten ipa beito, Ia mbi galinarou be metipaa. ³ Mansope, met ipa ladok be Ia, lut met O, ntan campolaba ibe met tat. ⁴ Mansope, mat ipa lut ibe namarin Yesus apo kukura metipa lamabu, met ipa lakapou kate po pon lo Yesus. Mansope lakapouana met ipa lutale lampa tumtu met. Onta campo ona nane. ⁵ Mansope Yesus nem met ipa lamtou, ia nasui be metontan campo apa, " Hei nik we nim sal-sal ipa sipoto." ⁶ I do met ahli taurat ipa lakatounpo lohana mansope lawasan po nyenloipa, ⁷ Met one nasui lone be ? ia mbin met!,, metalata napen nakamui sal-sal, ido Allah a kada saibi ?" ⁸ Yesus nun polo mapo onyeiloiapa met ipa lakarakir-larakir po nyen lo ipa. Ia nasui be met ipa, mewa mimnin karakir ta anlopapo mimnyenlo ipa ? ⁹ Leta antei be, mimbin be met o ntan campo apa, Nim sal-sal ipa lakamui, o ido labinne nyambin, nja nim lampa be ncanto ? ¹⁰ Ape matu mun bi makai macubei, napen gurumu po maten one be nakamui sal-sal. " Yesus nasui be met o ntan campo apa, " ¹¹ Ine yasui be awa nyabin nja nim lampa be msui be ni noupa." ¹² Met o ntan campop apa mbelemaibe noltut, nal nilampa, be ntan ndok po met ipa polo luntalai ipa beito. Met ipa latayuru be lawawo Allah, belasui amne amemleta antadi lone poring. ¹³ Yesus ntan wei be aribit pa, met ipa be ito sibeipon-ipon ladok be ia, be ia natin asia. ¹⁴ Ia nti dolopa, Ia nembe Lewi, Alfeus iniwe, pa nakatoupololopa polo badai balasten, mansope Yesus mbinbe ia ncumdel ine ido Lewia noltut be ntum del-Ia ¹⁵ Be, opa Yesus nakatoun, nanan po Lewi ni nou pa, lopa lamabu lararu belasten, tu met iwa, lanin sal. Simantu lanan beito tumtu Yesus tumtu murid ipa. ¹⁶ Opa fita-fita ahli taurat polo kangkein farisi , lem Yesus a nananbeito tumtu met wa lanin salapa kangkein-kangkein belasten, metipalatun po murid ipa leta anein murid ipa, leta anein be Ia nanantumtum lajuk belasten tumtun met sal ipa be ? ¹⁷ ido Yesus natano. o Ia mbin dobor met ipa , metabe nfei nemsap met fararur po, ape metta benamsi, ine jok be yagaga met, Heipo ape met ta'nisal. ¹⁸ murid Yohanes tu, met farisis ipa lamalon. Metfita ladok be latun poia, "anlopa murid Yohanes tu murid met farisi lamalon ape awa nima murid ipa lamalon po ?. ¹⁹ Mansope Yesus nasui dobor metipa, tapen me lou yawa utum del alowa uwamalon haranyai iyawa maupa nalahaninbe ntoroiasi ? ahana iyawa manpantoroi tumtu asia, asia lamalonpo. ²⁰ Abe layanta anta andok ido iyawa man nalpo asia, tu layan opa asia antanane lamalon. ²¹ Meta napom sansun kwar o antamara tumtu amut o anbabo, anlopa, apom amut o ambabo opa antanane anut kamara sansun o angkwar, be itamarapa antanane anlal. ²² Tu meta ntaki anggur babo be kalim ikani O. Angkwar, anlopa anggur opa antanane anut kamara kalim ikanipa aibe anggur pa . Tumtu kalimpa antanane amasaram. Andopa anggur babopa nakabun ana be kalim babo ilopa." ²³ Lanyan isana arilal, Yesus a ntando bat gandum lo tan can, ilo pa murid ipa lakain gandum itip-itip. ²⁴ Ido met farisi ipa lasuibe ia, "Mem, meit ipa lein leta lakalatoran arilal" ? ²⁵ Mansope, Ia nasuibe metipa, mimanten purinne le o Daud nein. Ambe ia tumtu met ipa ladel asia be nyenni masil ? ²⁶ liti ia nsumbe nou Allah Opa abyatar mbe tadi imam lal, be lei Roti sadaka be lanan tuntu imam ipa, ia diri mbi Roti. Be met so latotumtu iapa. ²⁷ Mansope Yesus masui be Met farisi ipa, ariral lein ambe macubei be ari lalp. ²⁸ Ape makai Macubei pato mbe fun be ari lal."