¹ Isne manta kamtat, hun Yesus Kristus Juallah Tala Inewe pa. ² Del kakai wa sinapo Nabi Yesaya: "Mem! Ine yanat me del Awa be linso limpon be Awa. Maleakhi 3:1 ³ Gali anagaga po bapon; 'Minso limpon be fun-funa, Min limpon malolo. "Yesaya 40:3 ⁴ Yohanes sa nasup meiwa bapon lasui asup lamdo belakamui sal. ⁵ Tumtua, met Yudea ipabei tua met Yerusalem ipabei labe Yohanes sa. Iya nasupsi po weiai Yordan, belatubul lanin sal ipa. ⁶ Yohanes sa sun pya unta tua sel nyai pulo kani nakabalim nyai pulopa. Iya niya kaseke tua hul ailo. ⁷ Yohanes sa nasui tua bine, "Ine yamanin beposa ido, met isana we ido, ni guru munpa anlal kaline. Ine nik leapo be, kyakateuw wali we tan ana pa. ⁸ Yene yasup mewa be we, ape nasup mewa bemapo naruw." (Yohanes Nasup Yesus, a) ⁹ Masope lanyam wapa, fun Yesus napo Nasaret, Galeleya, be Yohanes nasupi po weiyai Yordan. ¹⁰ Man sope ilo dok po we, fa fun Yesus nem mandep nima antapaw be mapo antadi mani merpati nale teten po popupon pa. ¹¹ Mansope gali pa anapo Sorongga, coe makai wane jiibe yawari. Be mewa ine yanyalise. (Ka byopa tofon Yesus A) ¹² Lanyan waipa, mapo Anut Fun Yesus be bat pon bagau isana. ¹³ Topa bapon bagau layan lafe fat mansope kabyopa tohoni. Fun Yesus topo kam nyat kam nyat li, be, malaikat latorai Ia. (Fun Yesusa Bidon Fun Allah Po Galelea) ¹⁴ Po sa ido Yohanes labi ibe buy, Fun Yesus nabe loh Galelea be bi Gali narou Fun Allah. ¹⁵ Ia bine, la nyam, ne amito. Fun Allah ni karajanto, amarinto. Mamdoto, be takyar Injil. (Yesus Wafi Murid-Murid) ¹⁶ Fun Yesus, a, nabu de wya Galilea, nem Simon a. Tuinu ta Andarial a, ulakalilit jala po wyapa. kukura ua ulakalilit jala be dun. ¹⁷ Mansope Yesus nasu amat ua, ntum del ine. Ine ji meu be makalilit macobei. ¹⁸ Simon tu Andarias agail laba jala pa mansope labedel Ia. ¹⁹ Nalatal wei, nem, a Yakobus ine weta Zebedeus a. Tu Yohanes inu pa , wa tolo wanpabe ninsup jalaapa. ²⁰ Beposaido Yesus belemei nagaga meipa tua meipa laba hman ipa, Zebedeus a topo wan tua met iwa nabaisiapa, beposa ido bede Fun Yesus. (Yesus Natin Del Guru Mum Lal Pa) ²¹ Meipa ladok Kapernaum del layan lal. Yesus sun be sinagoge be hatanau. ²² Meipa latairu hata nau pa kukura ia hatamau si tadi metta napen Gurumun. Tadi met iwa ahli to lun hatatan Gali naruw po wana. ²³ Wap ido loh Sinagoge met isa moro anut baibori be nata gagaim. ²⁴ Bine, leta nyin ambe watumtu amne, Yesus naypo Nasaret? Nya bi nyinleta anfeipo be amne? Ene nyun meta bela awa. Auwa nya naruw po Fun Allah! ²⁵ Wanto, Yesus nabil attepi, be binne nyam nyat! Jok tabol met wane ! ²⁶ Be pose mapo kama anaka nenei la nata gagaim be galipa lal, mapo pa andok taboli. ²⁷ Sibei latairu latun met sana besia, labin ne letanglane? hatanau babo sana wane ! Ia nami nggau mapo kama ipa sibei simbreo beito. ²⁸ Mansope belemai gali narou ne lun aro ana de Galelea. (Simon A Ikaum Binpa Tua Metipa Lin Sibe Bitin Sipey) ²⁹ Bepo sawei Yesus a tua murit ipa latitabol Sinagoge, lasun Simon a ni nou Andarias, Yakobus tua Yohanes a si. ³⁰ Simon a ikaumbin pa nane kukur namsi, rani labidon be Yesus a. ³¹ Yesus dok ia sau kapya, nakapalin ibe nal. De hapto masi pa ampo, mansope binwapa natata lebesi. ³² Abi gam, lainta sunto. Mei labe Yesus lut meiwa lamsi, tua mon la sun si. ³³ Bepose metiwa bender lara rupo bain te wa nou apa. ³⁴ Yesus hararur meta lam si, masi arona, tua nababur mon wa lasun siapa. Mansope, ia namnyo monipa lasui kukura sia lahai nya. (Fun Yesus Nasamlim Benasui) ³⁵ Panye na nyui rin, Yesus nabin betan beloto amnyat, mem sope na samblim. ³⁶ Mansope Simon a tua meiwala be el iapa lemsap Yesus a. ³⁷ I loh ladok Yesus meipa labinne, met ini bei lemsap awa! ³⁸ Tua Yesus binne, mamanin tanbe bender ta anfarit be yasui meiwa lomana. Kukura leweinewa sininbe ya manim apa. ³⁹ Leiweipa, Yesus tan aro Galelea. Ia nasui gali narou be Sinagoge-Sinagoge meipa tua lababur mon mona. (Met Pado Linsi Be Bitin Sifei) ⁴⁰ Meti sana nam si kusta nabe Fun Yesus a. Du be som ia nasiw poia be bin ne Nyamari nyin yene be hei aku. ⁴¹ Nyaipa amtapau del li, Yesus a. Ten kapya turukki be binne yene yabi fyei! ⁴² Wabtu, masi kusta pa amey tua metto pa fey. ⁴³ Fun Yesus sol metto tan tua nasosori. ⁴⁴ Bebime jidon lei sanabe met kukur lewa ne are ape can be hya tapit awa imam. Tua ji sadaka be bitem wa an fey apa andadi musa niacubun wana, ambe Sarita sia. ⁴⁵ Ape, met wapa tanbe be buble ana. Rani Fun Yesus a, sun juma-juma de bender po. Ape to,i iloh simyat ape met po loiman beito labe ia.