¹ Panyerin, imam-iman kaelin katan ggna lahakot tua para mansar-mansar tu ahli taurat tumnu hakim agama ipa. Par metipa hasel Yesus, lut iya latam be Pilatus. ² Beposa natun iya rani awa fun met Yahudi? ido, iyo mbine, anwa nggin anapto. ³ Beposa ido, imam kae ne tuduh Yesus wai-wai. ⁴ Ido Pilatus natun weibe go. Rani awa fun Yahudi ido eube ido? nyem,kawasa waihana latuduh be lama lam awa. ⁵ Ido ape, Yesus tubnipo dei segadu Pilatus mahayap. (Yesus tua Barabas) ⁶ Ida lenyan Raya Paskah, Pilatus byasa napusal be metasia meta latahan metipa lasui. ⁷ Rani met igana igaen Barabas ahana tatahan ia tuntu metiwa labedel kakrok bedina babun igana po lota babun ilo belabe kokrok. ⁸ Netipo lamabu latan bemulai lasiu labin amat Pilatus nin dadi byasa nin si wana. ⁹ Ido, Pilatus tubul meripa benasiu, leta mewa anapabisara yene yapusa liya be mewa fun met Yahudine? ¹⁰ Kuku iga nun para imam kae lapusal Yesus kukura nyai mari iya. ¹¹ Ape antane, imam-imam kae labine met mabu ipa lasiu Pilatus bisara napusal Barabas. ¹² Mansope, Pilatus naseiwei amat metipa. "Ido leta yin ambe metwa meva mamten Fun met Yahud ane?" ¹³ Ido metipa logaga-logaga wei,"salib Iya!" ¹⁴ Beposa,Pilatus masei be metipa,kukura? Jahat leta Jya ninanlapa? Ape,metipa lagaga-lagaga lalkal wei,"salib Iya" ¹⁵ Kuna nawasan met kawasa nyain ipa,Pilatus nasupal Barabas be metipa,bepasaa ladi Yesus,ia napusal Iya be la salin Iya. ( Yesus Laloki Lahasari) ¹⁶ Ilo, Para Prajurit lut Yesus sun nou pengadilan bemetipa lagaga aror lararu. ¹⁷ Ido, metipa lasin beni jubah marur pa beposa lanen mahkota gano ambaratun, belabian be Yesus kae pa. ¹⁸ Besopa metipa mulai dabi gali salam, be iya jou Fun met Yahudi ¹⁹ Ido,met ipa labun koe ba nino go iuru. lakapi Iya, pol ladu lasom Iya. ²⁰ Beposa metipa laloki Yesus, met ipa laka ugil jubah marurpa Yesus, be lasin benia mangkun nia sansun pa. Bepasa,metipa lut Yesus ndokbela salib Iya. ( Yesus Lasalib i) ²¹ Ido, met ipa lakadut metwa tankosap,simon met kirene ntanno kaliu tumtum ima Alexander tuwa rutus,be uba salib pa. ²² Porido, metlut Yesus ilo wa igaen Golgota, wa artipa ilo kabom nabu. ²³ Met iba labi iya anggur harwai mur ape iya nalompo. ²⁴ Bepasa, metipa lasalib iya pal lakasam -lakasam niya sansumpa beassia metipo, beladokui un un dimina amepen bagian antameta napen be derem-derem. ²⁵ Be lowa anta jamtul ilo metipo lasalib iya. ²⁶ Ido, kakai mina tuduhan amat Yesus lakai Fun met Yahudi. ²⁷ Beposa,met ipa lasalib tua met karau lou tumtu mina iya, met gana popacu tua metgana popal pet-Pa. ²⁸ Rani,amtonpo kamtat narou waambidon, be,iya leteten mina met-met iwa laheipo wana. ²⁹ Beposa, met-met iwa latandolopa laloki Yesus ido lakaniniu kali ipa be met ipa labine wei a nggine anta iya kamugum nou Allah ido nyin sup an wei mina lanyantul. ³⁰ Nyasalamat seinim butimpa be nya letabal salib. ³¹ Tumtu mina imam-imam kae, tumtu mina met ahli Taurat, lokorfandi Yesus besanaa bea siwapa. ³² Belaepto Mesias Funlal Israel, hane nalepo salib bisara itne temi baetakaryar. metika lasalib tumtu Yesus manto lo loki iya. (Yesus Mat) ³³ Blo wa gam iwanom,mater i lopo anyanyi beibo ae segeduram siu. ³⁴ Ilo jam siu Yesus nagaga begali pa anlad,"Eloi-Eloi,lama sabakhtani," ini artipa " Nik Allah-Nik Allah leta eitabol yene?" ³⁵ Beposa,metsiya lolharit japa latanoiya, labine,memi iya nagaga Elia. ³⁶ Ido met iganati, bekdaki ros be anggur lian begaigana. belabianbe Yesus nanum,pot bine,belapitne temantane Elia antanane namanimbe nutaleja. ³⁷ Beposa Yesus nagaga begali antapasa nadok naposdarapa be nodoknapasiara-Pa. ³⁸ Hap hapita ndinou Allah antanara ambelou anpopo anbat. ³⁹ Ido,ilo kai pasukan, panol benata Yesus, nem ilo Yesus napas iyara-Pa,ia sui,malo,met wane ia makai Allah!" ⁴⁰ Ilopa manto met suiya bin wa lempalilao, metwaipo ido Maria Magdalena,tu Yakobus muda nyana . Yoses tu salome. ⁴¹ Ilo Yesus to po wilayah galilea,metiwa latunde iya layanida,tu ilo hana belatan tu Yesus jabe Yerusalem. (Lakuburi Yesus) ⁴² Ilo lanyanpogamto, kukura lanyan wapa ambelanyan raya sabat andok porin. ⁴³ Yusuf met Arimatea tam, met anggota majelis lalni dirinapatumatabon-matabon karefaan Allah andok nin barani mi diripatan be Pilatus benasiu Yesus butipa. ⁴⁴ Pilatus netairu natano kura Yesus nabinto. Be poisa pilatus nun ido nagaga kae pasukan pa benatun amat iya rani Yesus mati. ⁴⁵ Beposa Pilatus ilo nun ido kae pasukan,ia mbimayat pa yusuf. ⁴⁶ ido,siriamut lenan belutale Yesus nimayat. Bepa selatan iya be amut lenan ilo ba,nane a kubur ilo wa lakil anpokatin ipon. ido iya naeleikatin kapulasun kubur. ⁴⁷ Maria Magdalena tua Yoses nyan alem ilowa mayat Yesus naneanapa.