¹ Lanyan arikai Paskah rua lanyan arikai roti ta ambe ragi po ana aya lanyan lowa wei, imam-imam rua ahli-ahli taurat lakar Yesus sa be lakabui tua be Ia bun. ² Kukura meiipa labine are wane lanyan arikai de wane are anta to hara nauw tua kawasan ne. ³ Yesus sa to haranyai lo Betania, to lo Simon wa namsi pado wane, wapido nakatoun po meja anan, Binisana dok tumtua guci kapyui newaki sanaanepo katin pualam anghon milik punhei po narwastu wanorou tua ambepili, binpa nta pauw guci pa bepol nakari be Yesus sa kagalan pa. ⁴ Pape metsia polopa lasiriy tumtua sia a kawei tu met sana tumtu met sana. ⁵ Kukura milik wane anta hop anido ipil pa dinar utuntul may tua tapenana beam be met masian tua me ipa no lama lamarokor bin wapa. ⁶ Pape, Yesus sa nasuiy be "Binne mangkunnia mewa mensusah iibe ? Ia nin leta anghei be Ine. ⁷ Me usa manin met kesian waipa lanyan kasip latorou mewa siwapa gam pua lanyan ke came mimbi lebesimeman pen ini fo pape mewa lanyan kasip ido. ⁸ Binwane poto nin caam leta be na urapi bitik Ine bon . Tumtua kubur. ⁹ Ine yasui ilo amtolon ape be mewa polota gali noroupa lasui akok andolo maten ne bey, lewa binpa nin anane anta ambe awasan be I. ¹⁰ Be po, sa Yudas Iskariot, met ketempo murid lahe may low ine be natalei imam-imam lall be biiy Yesus sa meipa. ¹¹ Ila meipa latano I met ipa, Ia marintu lagon labi pip Yudas sa wapon to Yudas nemsa iiti yang anghei be biiy Yesus sa. ¹² Lanayan wapa lanyan ketem arikai roti pa ambe ragi po, wapido maipa labun makai domba Paskah, murid-murid Ipa latun Yesus sa labine ilota nya muu ambe bisara amtan be ama kalarna be awa betti tana Paskah ? ¹³ Sope, Ia sol Ni murid lowpa tua nasui besia mabe, kaliw lal, anta makai mansina mut kendi ambe we anta dok mewa mimbe delia. ¹⁴ Ilota sundelana mimsun deli, masui be met wa, ninoowapa guru nasuii polote ilolta amasai be Ine tua nik murid-murid Ine amiiy Paskah apa ? ¹⁵ Mansope, Ia natin be mewa ilo alal tua amasai po ita manit pon tua lewa sina kalar po nolo apa. Mansiyap perjamuan Paskah polo nana. ¹⁶ Wapei, murid-murid naa aya ladok kota lohana, meipa lapen loidadi wa Yesus sa bi nawanto, mansope meipa kalar Paskah. ¹⁷ Lanyan wapo lawa gamto Yesus sa tua Ni murid lahe mai low pa ladok. ¹⁸ Ia katon be lanan Yesus sa nasui Ine yasuiy ilo imton one be mewa. Mewane anta mettigana wa nanan, tu Ine tua benei Ine powapa. ¹⁹ Meipa ia tairu be lasuii be I tua met gana tu met gana. Ine po mintini ? ²⁰ Yesus sa nasuiy be Met tipa, met wane po isne met lahe moi low waheto, anta i wa to mok roti to Ine be ono iloapa. ²¹ Kukura, Makai Macobei anta naa, dadia wa lokai tumtu I wana pape cilaka met wa bebei do makai mecubei labeheipo anta ihei met wapa lahan kateinia ? ²² Wapido metipa tacul tanan, Yesus sa mal roti, Na barkat tasi Bepol. Ia naka pelei be bi metipa, tu masuii mal, wane bitik wanane. ²³ Tua Ia nal cawan, pa bine omto. Ia bi be metipa, metipa beito. nanum po cawan wapa. ²⁴ Mansope, Yesus sa nasui be metipa wane nik lomo mane lomo (gon) Perjanjian wa lakariana be met mabu. ²⁵ Ine yasii be mewa ilo amolo apa, Ine po anta, yanum wei leapo aiyai anggur; sagadu wa lanyan wapido Ine janum anggur wa ambabo po ilo kerajaan Allah." ²⁶ Bepol labra jouw ikapyu abai rohani sana, (MURID-MURID YESUS SA ANTA LATIKA BOLI) ²⁷ Mansope Yesus sa bin be meipa mew beito, anta mintitabol Ine kukura wane lakayanto, Ine anta yaruku gembala tua domba-domba ipa anta laka sasar. ²⁸ Pape anta, Iney mnyat jabin Ine anta yabon mewa be Galilea." ²⁹ Ape, Petrus sa nasii be I mewaine latitabol awa, ape yepo. ³⁰ Tua, Yesus sa bin be I, "Ine jiinilo amtolon apa, be awa, gammowe, mahi manpa dal ragin low porin awa nyama nyangkal Ine tagin tul. ³¹ Pape anta, Petrus sa nusuii be amtow, be bine, ine anta mnyat, Tumtua awa, Ine po anta yamanyangkal awpo ; tua metpa bei labin gali wabei. ³² Wapei ladok lo i gaen Getsemani tua bin be ni murid-murid Ipa, "makaton lone to Ine ya sambayan haranyai. ³³ Tua, Ia nut Petrus sa; tu Yakobus, Yohanes tumtu Ia tua latairu be lamcat tya lama now po. ³⁴ Mansope, binbe maipa nik nyawa lawa abe mnyat wane to mimto loneto tua memwarak isne. ³⁵ wapa, bepol nalau iluki Ino dupap Ia batipon be tua nasambayan, yasiiw lewane nya I tabol ana tabol, Ine pape dadi wa yasiw anare pape dadi lewa awa jia ambe Ine apa. ³⁶ Tua, Ia nasuiy, " Abba, mam lewai ne bei sibe mungkin be awpo nyal cawan antabol Ine ape dadia lewa yasiwanane are, ape dadi wa jiam be Ine apa. ³⁷ Beposa, Ia dok wei tua napen murid-murid-Ipa lane, tu nasi be Petrus sa, bine "Simon, mewa mimane ? Campo, mewa mem warak-warak aya jam sana campo ? ³⁸ Mem warak mewa tua masambayan bisara mewa mamdol leigana are. Roh pa bedel, pape biti wanapa amakat." ³⁹ Beposa wei ido, Iya tanbe nasambayang ido nudok gah-ipa simi. ⁴⁰ Beposa mei ido, Iya hulai ido napen meipa lane kukura tajinnipa abe lane bisai, Ido meipa lunpo asuita abe lakawaianbe Iyapa. ⁴¹ Pol ido, Yesus sa hulaiyo itulpa ido nasui amat sia, "Meuwa manerin tu memtiumeurin ? Poto, wane andok to. Mem, makan hune labi-ibe met-to labardosa ulona. ⁴² Mabin, itne tanto. Mem, meuwo abe labun Ine wana laharit to. ⁴³ (YESUS SA LAKABU IYA ) Belamai bepol ido, Yesus sa nasui rin, Yudas sa, iya ido meganopo murid lahemai loupa, doktu met mabu be lat sember tu aro, lasolsi po kai imam ulaina, ahli taurat, tumtua met kai Yahudi ulaina. ⁴⁴ Met-to naserahkan Iyapa, ido metpa iyapto. Makabu-iya tu mut-iya. ⁴⁵ Ilo, Yudas sa dok lopa, ido iya nol harit Yesus sa be mongkone, iyane, bepol ido, iya nanu Yesus sa. ⁴⁶ Pol ido, meipa lasawatep Yesus sa tu lakabu Iya. ⁴⁷ Mansope, megana po meulo lolapa, nakaro nitulupa naruku pelayan Imam mo nalal lapa, ido nakut salatupa. ⁴⁸ Yesus sa nasui amat meipa, leta animbe meuwa memdok tu samber tua aro be makabu Ine ane. Tadi Ine metaheipo. ⁴⁹ Lanyan kasip ido ine jedel awa po Allah ni nou, be yatin meuwa, ido makabu Ine-po. Pape, leone andok, bisara kamtat norow ne angleto. ⁵⁰ Bepol ido, meipa beito latann tabol iya tu letitabol Iya. ⁵¹ Makai babo gana bedel Yesus sa, pape sun amut lenan be bitipa ido sia lakabu iya, ⁵² Pape, iya naba amut lenanpa tu latitabolsi be nabaloko lapto. ⁵³ Bepol ido, meipa lut Yesus sa amatta Imam lalpa Ido, kai imam Ipabe tumtua mansanipa, tu ahli taurat tipa lararu berita. ⁵⁴ Ido Petrus sa bedel Yesus sa po lilanbi, sagado nou ibit to imam lalpa. Ilopa, iya nakaton tumtua mat pengaal ipa be lahamari bitinipa harit lappa. ⁵⁵ Met imam, kaitu mahkama agama Ipabei ido lamsap asuita sisal be abe lakasul Yesus sa be labun Iya, Pape maipa lapen sal leapo. ⁵⁶ Kukura ,meimabupa labi asuita siheipo be iya . pape meipo lanin asuiipa simipo. ⁵⁷ Bepol ido, met sia lol be labi asui sal sia be lamseu Yesus sa labinte, ⁵⁸ "Amne amatano Iya nasui be mongkone, me antane yakasaram nou ari wo melinanane, mansope lanyan tul ido Ine antane yin sianwei, simo melin camansianpo ulona." ⁵⁹ Pape, leone manto lanin asuipa sisalpo mangkun sia. ⁶⁰ Mansope imam lalipa lolpo meta sorompa be latan amat Yesus sa, leta aninbe Awa nyakaulai asui amat meuulo lasuibe lakasulapa ? ⁶¹ Pape, Iya hataputi tumtua nakaulai asuipo. Imam lalpa natun wei amat Yesus sa ido nasui be mongkone, Awaido ii hun, Allah inewemo lasomi iyapa ? ⁶² Ido, Yesus sa nasui, Ine ido Iyapto, mansope meuwa antane makai hun ne nakaton po pal pacu, amahakuasa apa antane dok tua mandepa po naipon. ⁶³ Ido, antanane nakamarak ni sansunpa, Imam lalpa nasui, leta aninbe tal saksi uleipa ? ⁶⁴ Meuma matano hujatan poma leta abe minonapa ? Ido me-Ipa bei lahukum-Iya be abe labuni aya mat. ⁶⁵ Met sia lakapi-Iya, tua lagit tasi-pa, tu lakatut-Iya, ido lasui amat Iya, nyudok asui naronto, met pegawai Ipa lusini-Iya ido labuni. ⁶⁶ Mansope, ulapa Petrus sa tolo bapyon nou Imam lalpa, ido bin gana napo pelayan Imam lalpa dok. ⁶⁷ Ido, nem Petrus sa, nahamari bitipa, bin ulapa, hanim iya ido nasui, Andiri jedel Yesus sa, met Nasaret ulomona. ⁶⁸ Pape, Petrus sa nasail be mengkone, ine yunpo tumtua yamerati leuto nyasuiasiapo. Mansope Iya tanbe ulona, ido mani man pa nadal. ⁶⁹ Bin pa nahanim Petrus sa mei ido nasui amat menulo ioi apulei, metone manto magana po sia lapto. ⁷⁰ Pape, Iya nasail mei, ido pak poto, meuwo lol apa lasui mei amat Petrus sa, "Aumanto megana po sia, kukura andiri met po Galilea." ⁷¹ Ido, iya namulai som me tu nasumpah, ine yahai meto masui iyapo. ⁷² Ilopa ido, mani manpa nadal lo Ilou paulona, ido Petrus sa naulasan ilo ulaihana Yesus sa nasim anbe iulana, Be mani manpa nadal tajin lou purin ido, awa antane nyasail ine tajin tul. Ilopa, ido Petrus sa becamipo ido natani.