¹ Waipido, Yesus natabol now ari, pa, nimurid sana Bin be fun Ia," Guru, yem katin-katin tua hanandur-hanandur weine sifey aibe ! ² Mansope, Yesus sa tubul Ia, mewa mi mem apa fanandur wa anfei ane ? katin sana amba, po katin ipon wa lakarun na siapo. ³ Be, posa wei Yesus nakaton po il Saitu ipon wa anatalai now ari, Petrus atua Yakobus tua Yohanesa, tua Andreas latun Yesus sa saibi, ⁴ jidon amne, layan ta lewai pa sidok be sile apa, tua leta anayai be leweinebei sibe iyara ? ⁵ Mansope, Yesus nasui amat sia, bisara ababan bisara mea po lin meu be ntan sal are. ⁶ Met lamabu lamanin del gaikne, labinne,'Ene wa Ia' Be, lin met mabu latan sal. ⁷ I loh mewa matano babun, mam cat are lewai ne bei sidok juma, apeiara be sidok porin. ⁸ Kukur, gelet nabin narukun gelet, tua kerajaan narukun tu kerajaan. Anta sui del loihan beito, tua nyei masil wane wa iyam mantopo map taju hakaren. ⁹ Rani nyem fey awa. Kukura, me labiawa be kan kin, be mewa labun po sinagoge-sinagoge tu mea anta mimol po ta sanhedrin tua fun-fun kukur Ine, ambe asui ta amfey be sia. ¹⁰ Tu, Injil ne, anta lut akok ambon be bangsa ine bei. ¹¹ Anta luta mewa tua labi mewa, malala are, ahana tu leiwa mimbin asi wana, ape jin haramat wa anabe mewana waapa ido mewa masui apo waapa mapo narow. ¹² Tua, meti sana inu bia inusana be mat, tua ima pa be inewepa. Makai-makai labin larukun tua manipa be labun sibe lamat. ¹³ Tu, mewa lam sinit, mewa, kukur gaik ne. ape, mea be nakep aibe ia rah ido labi ibe tolota antei. ¹⁴ "Wa, mimem limbe antfei pocucu wana, lol po lota metiwa lun fawiana, meti wa lato po Yudea be hei ido latibe ipon. ¹⁵ Meti lato now pin late are paido lasun be now ilolodok leisana po nolo pa. ¹⁶ Tua, metiwa lato pa batlo, lafai be lal ssansu nipa. ¹⁷ Metiwa lol tu lasu lanin we del layan layan wapa calaka. ¹⁸ Masam blem bisara lewaipa sibe leapo del kabyop pa are. ¹⁹ Kukura, lewa awom siapa anlal, anapo lewaine fun funa nin asi ai be wane, lewaipa sibe lea poto. ²⁰ Tua, Fun funa nal kut lanyan-lanyan ipa po, meti sana manto bi salamat ipo. Ape lafi wa ia nafi, ia nal kut lanyan-lanyan ipa ²¹ Metabe nasui be mewa, 'mem, Kristus ia lone ! Po mem, Ia lomana ! 'mbedel ia are. ²² Hapa, mesias-mesias ikani tua, nabi-nabi ikani anta nabin tua nin alop-alop wa sinut met be lamsal, man sope metta lasiwi. ²³ Ababan ! Ene jidon leweine be meu to lea porin. ²⁴ Mansope, layan waipa, pen babin po wanapa, lainta ne nana nyui, mansope toun nam nyepo. ²⁵ Kalo-kalo ipa lamdol po nalo, tua gorumun ponalo nima amanow. (MAKAI MACOBEI PA NAMANIN) ²⁶ "Beposawei meipa lem makai macobei namanin del mandep ilopa tua gurumun narow wa analal. ²⁷ Mansope, Ia bia malaikat-malaikat tua nararu wa nafisi po moro ragi italai hat. Ana po dunyai ne iare aibe napap iara. ²⁸ Nyem del po taban ai ara iyai wa ikop sidok ikanu ipa sidok, wapa abi laoyaito. ²⁹ Mea no lap to, antanane mewa mimem leweine simpa bei, mimum wapa Ia harit, to po bainte to. ³⁰ Yene jidon lecu be me a, syot wane anta anai be leweibe bei po. ³¹ Nalo tua dunanyai anta am seit, ape galik naruw ne am seit po. (NYEM FEY BE NYEM WARAK) ³² Waf wei ido, lanyan tua oras wapa met kitem abe nun po, malaikat-mailaikat po sarongga, ape ine we diri, be ima Pa kada. ³³ Nyastiar yem warak. kukura, mewa mun pocu lanyan wa namanin. ³⁴ Lewaine andadi met wa nabintan tan. Ilo tatabol nowpa be naba galibe nia meiwa lempo nolo apa tua matti sana tu nia hanandur tua net wa nem warakbainte nol atep be nem warak. ³⁵ Kukura mumpo rani mem warak lanyan ta met wa ni now nala manin, lanyun, gam habru, po be mani ladal, po panyena nyui, ³⁶ loki dok hatiru manin be mane ido ³⁷ leiwa Ene jinasi be mewane, Jin nasi be meine: 'mi mem warak !