¹ Antanane, Yesus sa nasiu asiu tabang-nipahe meipa. megana ninibat anggur. Metpa hol laggitarowana beito ido nakil loplowa nakahotolbe anggurpa. tumina linhata ganahe mandorpa beposa? lasewaana be meiwa lasibat tapa bepol ido dokbe tomatenli. ² Wane mungto, ido metpa nanatnimacu pabe, mewahasibatapa be nalmungpo meiwa lato bat anggur apa. ³ Ape? meipa lakabui macupa tumina labuni, beposa latajeibe kato kana. ⁴ Rania?nanatni macu ganawei bemeipa, ape meipa labuni gagalanpa,tumina linilatema rarita ambe karailta ambee linhamamai. ⁵ Ido nanat macu asaiwei ape meiipa labunibe mat. lewapa ambesibeito, sia labunsi aisagadu mesia lamat. ⁶ Metwa nibatapa daumewe ketemrin ape bidodarai, iyarapa inewepa nanatihe meiipabebido meiipa,makalesen nikwene. ⁷ Ape meiwa lasibatapa labidon mekiten aisagadu mewaihana. haneniwariswane. yoh, isnebun bisara niwarispa ansunbeihne. ⁸ Ido, meipa lakabui, tumina labuni mansope udohitabol bahlo anggurpa. ⁹ Metwa nibahlo anggur apa lefta nabininanweiyapa. iya antanane namaninwei ido bun mewa lasibatapa be? bibatpa be meyasaiwei. ¹⁰ Meowa mabaca ayet kamtat narouki Porin: ' Katingwa tukangnipa ladokoiyanwana ambisara kating iyaseli. ¹¹ Lewane huna niletanin,tumina lewaninasiane ambi hafayapbe tajinina. ¹² Beposa meiipa lambau karaki be kakabiya, ape meipa lasobwar me yo lamabu apa kukura meipa lun Yesus mbin asui manale obe asi. ido,meipa lawei tabol Yesus sa be latan. ( Letadi Labai Tanes) ¹³ Bepolido? meiipa lasol met hitapo met Farisi tumina met Herodian nipabe latangbe Yesus sa be lasui asiuta siheipo he Yesus sa. ¹⁴ Meipa latangbe Yesus sa belabidon, Guru amne amun awa meloi, nyatano melani asiupo, kukura auwa nyem melani mamopo ape nyating limpon Allah beamtolong maloi,amabai tanes be kaisa maloki? ¹⁵ Amne amabaiki tumina amne amabaipo. ape Yesus sa nung laheipo apa ido nasui amatsibe mokomine,meuowa mentohan inebe, membidinar ketemabe ine. bisara ine yemana. ¹⁶ Ido meiipa labiana, ido Yesus sa natun meiipa, metania gambar tumina kakai wane? meiipa labutul Yesus sa kaisar ni gambar tumina kakaisipa. ¹⁷ Bepolido Yesus sa nasiube meiipa membiambe kaisar ra letta kaisar ra ni. Tumina Allah ido membileabe Allah ni,ido meiipa lahafayaf Yesus sa. ( Met saduki latunbe Latohon Yesus sa) ¹⁸ Ido met saduki ipa latumbe labine metta labimpo, ladokbe Yesus sa be latun ni labine. ¹⁹ Guru, Musa nakaibe isne be megana, napen inupa inewe manpa, namin tabol inibisarpa. ape inewepo, inu manpa antanane nasauni kabompawei be, basui inupabe inewewei. ²⁰ Met tunu fit. inuwa imantai nal inibisar gana ido namin,inupa napen inewepo. ²¹ Ido, inuwa ilou nasau himpawei ape namin tabol ape napen inewepo. inuwa itulpa manto beito iyarapa binpa diri namin. ²³ Lanyangwa labin, ido meupa labin metta inibisaraa,kukura metununfitpa beito lasauwibeito. ²⁴ Yesus sa tubulsi mewane manin jabal aninbe sisal beiane. kukura mewa munhawi kantaf naroipo tumina Allah ni kuasa papo. ²⁵ Ilo met timat tipa labin ido metta lasaupo, tumina lasaupoto, ape meiipa labelatema malaikatwa sorongga. ²⁶ Meiwa lamcat be labin apa , meowa mabaca musa ni kamtat papo. ilogana ambine anasui kankonotlo,Allah lasui amati late, inewane Allah Abraham ma,tumina Allah ishak ka tumina Allah Yakub pa. ²⁷ Allah metimat wapo,ape Allah metta hei. mewa mamsal malo. ( Parentah wapa amari) ²⁸ Bepol megana napo ahli taurat, ipa dokbe natano meiowa larukunapa,mansope nem Yesus sa tubul meiipa maloi ido natun Yesus sa. parentah ganatah amerikalaroasi apa. ²⁹ Yesus sa tubul be mokomine. Hukumta amari iyamantai ido. matono wei met-met israel hun Allah ihne, bi hun ketem. ³⁰ Tumina jidodara nimhen Allah be nyaimlopa, tumina ninjiwa malopa tumina nim pikiran nipa tumina nim kuatipa. ³¹ Ganawa iloupa ido, jidodara nim me latena mesaibi, hukumta anlal kal ganawanepo. ³² Mansope ahli Taurat ipa labidon Yesus sa, awa maloi, Guru awa maloi lewa nyasuiya siapa kukura lewapa leketembi tumina leganaweipoto ape ibi. ³³ Kukura jidodara be iya nyaimlo tumina nim maratipa, tumna nim kuatpa, tumina jido dara me, latemamankunbitimpa kukura amarikal aro kurban balap tumtu lasom. ³⁴ Bepol, mansope Yesus sa nem metpa tubulpe napintar iya lasui amati, Awa nyalautabolpo Kerajaan Allah po. Beposa ido metta latunsibe latun Yesus s poto. ( Kristus sa be Hun) ³⁵ Tumiwa namengajarpo Bait Allah, Yesus sa bidon. leta animbe ahli Taurat ipa labine Kristus sa ido daud ta imewe. ³⁶ Daud saibi nasuibe ilo Roh kudus. 'Hun na nasuiyamat ni tuan: Nyakatonlo pal pacu. ne sagadu ine yapol nim musuh ipa be io katombat pa. ³⁷ Daud saibi namteng Kristus sa be 'Hun'. Rani latte anta Kristus sa inewe wapa? ido meipa lamabube latano i ido lamaring. (Rari amata Ahli-Ahli Taurat) ³⁸ Ilo niajaranipa, Yesus sa mokomine jeheiawa amata ahli Taurat,mewalamarin latangbe lasung jubah mankwan tumina lamarin lapen metalaka lesen sipo ilo beito. ³⁹ Tumina lapen ilota lekatonbe sipo ilo perjamuan. ⁴⁰ Meiipa lakarau kabom lanin nouw tumiwa lasambeyang ido simangkwan meiipa lapen hukuman ta amonkup. ( Labi leheita Anarouw) ⁴¹ Beposa ido, Yesus sa nakatonbe natalai kotak dermapa, benem hamat meiwa lasun pipbe kotak sompa ido met kayan nipa lamabu lusumbe simabu kal. ⁴² Beposa ido, kabom gana makasian dakbe nusunpip logam lou ambe nilai sen ketem. ⁴³ Ido yesus sa nagaga ni murid zipa be nasuibe meiipa, ine yasu malo bemewa kabomwa nakasian nane nasunbe amabu kal be ilo kotak derma ane, bikal meiimabuwa labiapa. ⁴⁴ Kukura meiipa beito labibelani kimabua pa ape kabom kasianne iyambi latena nikasian pato, biya lewa napenarowasiabeito, kukura kimabuwa niananipa.