¹ Mansap e metipa dauloki ladok lo Yerusalem,marin Betfage tumtu Betania,po ipow Zaitun, Yesus nsol murid loupa. ² Be nasui dobor metipa, mimtanbi kaliu sotana, Bilemaibi mindok mimsun be lopa, mimdok keledai aman itanten sana la salia belaka toun iporing. mimaposal keledai pabe mimutima. ³ Nayambe mitabe natumpo mewa. mimin le obe? mimbino, Funfuna naman keledai pabe antanane mbe lemaibe nanat suiibe lone. ⁴ Ido, metipa latanbe ladok keledai oman itamtem lasel ibe bainte,pololi,po limponpa ido metipa lepasalia. ⁵ Metfita loltut po lohana latumpo metipa, "Mimun leta mewa mimein ambe mimapasal keledai apa?" ⁶ Metipa labin tadi hono Yesusa,mbin be asionto,ido metipa lahaduli asipobe metipa latan. ⁷ Mansope, metipalut keledai pa be Yesusa, metipa lakaseke juba ipabe keledaipa be Yesusa makatounpo ponpa. ⁸ Be metmabu labru jubah ipa polo limponpa. mansope metsia lasarereu aikop so met i palakut asipo batbo apa. ⁹ Metbabu latumde iabe latandolo tapabe labrat beito be gali e lal, "Hosana ! Barakat ia ndokpo gaen Fun-Funa. ¹⁰ Barakat Pa andokpo kerajaan Daud,Tanin bun tanin bau pa! Hosana,polota amanane!" ¹¹ Mansope Yesusa nsunbe Yerusalem bentan dolo nou ari. Mansope nem leso sibi pal-pal apa beito,iantan be Betania tumtu ni Murid-murid late mai loupakukura lanyanpa lawa gamto. (Yesusa som ai Ara ayaipa) ¹² Lanyanpa amnye lai mansope metipa latabol Betania, Yesusa mmapnye amasik. ¹³ Mansope nem ai are iyaipa tumtuikam ipa iyaipa. ape ndok iyaipa, napen lesanapo lopo ape ikanu ipabi,kukura ai ara iyaipa angke byupo. ¹⁴ Hopa ido, Yesus Nasui dobora ai ara iyaipa,antanane meta nei ai kappyu po awa poto aibe homanna. be murid-murid ipa la tano. Yesusa ntan be noou Allah ¹⁵ Demul ido, metipa ladoklo Yerusalem. mansope Yesusa msunbe Nou Allah, ia mbil meja-meja- so laharwoi pip apa tumtu kaparese kaparase so metipa lahwob be mani merpati. ¹⁶ Ia nsol asi be lamayal po now ari pa poto ¹⁷ Butmul,Yesus natin metipa mbine lakai lopoh, nik nouw pa lamten nouw samdin be gelet ine beito, ape meuwa mimaga ana mimeinambe pup karau. ¹⁸ Ido hatip-hatip tumtu kai Ahli-ahli Taurat ipa latano ido lemsapkta bisara labi labun ia. metipa lamcat asiadelah kukura metso lamabu apa latayuru lo watinapaa. ¹⁹ Bepusa,lanyanpa nabi gam,Yesus a tumtu murid-murid ipa lataboldemoupa ( Mimapeew polo Allah) ²⁰ Sope penyepa mansope metipa latan, met ipa lim ai ara iyaipa amaeto aibe ikawak ipa. ²¹ Petrus wawasanlo Yesus a mbin ona , ido mbin "Rabi, nyem! ai araiyai auwa msom auma amaye to. ²² Ido Yesus ntubul metipa mimapen iman polo Allah. ²³ Ine jin leabe anfei be meuwa me ta be nasuibe ipon one, amba be antabol lopa be ambi walut, antanane antopto be nyeilopa ana ragupa ape waparacai bahwa leabe labin ana antanane anjadi, ido leopa antanane anjadi ne ia. ²⁴ Anlopa ini yasuibe auwa lesanabe mima sandim ana be mimasino, mima paracai bahwa antanane mimapenana,antanane leopa labi ambe meuwa. ²⁵ Ape, nyambe mimoltut be mima sandim,ampuni ido meuwa mikabun lesan be metisana,bisata mimmin mam, o ntopolo soroga antanane na ampuni mimnin sal ipa. ²⁶ Ngembe mima kamui sal mimmim mamonto sorongga antanane na kanyu nimnimsal ipa. ( Metkai Yahudi latun kukur gurumu Yesus) ²⁷ But mulpa, metipa ladok weibe Yerusalem. harangai wapa Yesus ntan do nou Ari, imam-imam kegalan,ahli-ahli Taurat, tumtu mansar-mansar Yahudi ladokbeia. ²⁸ Be,metipa lasuibeia, tumtu gurumuta ausa nyein lesone apa, po mitalataiya mbi gurumu be awapa be nyein lesoneapa? ²⁹ Yesusa nasuidebora, metipa,ine yabi yatun- atun sanabe meuwa. mimantenbe ine, mansope ine antanane yasidonmeuwa tumtu gurumu leta ine yein lesone apa. ³⁰ Anlopa baptisan Yohanesa anapolo sorongga atau anapolo macubei? mimamtenbe ine! ³¹ Meipa latun woryai asiya sanetumtu sopa. belasuibelabine nyembe itne tamten,ampo sorongga antanane ia mangkumini,anlop kada meuwa mimaparacai i pobe? ³² Ape nyembe,itne tamten,amapo macubei. kai ipa lancat kukura metmabu kukurmetipabei laanggap Yohanes pa met nabi anumpo. ³³ Anlopa ido,metipa lamten be Yesusa, amne amunpo. But mul, Yesusa mbinbe yetipa. anlopto ine, ine mantuyasidon meupotutu Gurumu ta ine yein be lesopa apa.