¹ Ilo,lanyan Sahara antagil, Maria Magdalena ,Yakobus inyata Maria,hanogombe salome aty siri rempah-rempah bisara latan be lakalai milik be Yesusa. ² Penye ipa layan ari yamuntai,ilo lainta pa nsa,met tul pa atutanbe kubur. ³ Metulpa atulasui mangkun nat tulbe, "atubinne metta nakailao katim bainte o sunbe kuburmu apa?" ⁴ Ilo,lim lail atu lim katin lal pa lakailo anto. ⁵ Ilo,atasun lamulbe kubur, atu lim makai ale opa nsun jubah buh,nakatoun po pal pacu, ido atu lakul atua. ⁶ Met pa nasui amat met tulpa,imamcat ari,matu memsab Yesus met Nazaret to lasalib yona. iya nabinto,iya lone namabain, imemlo meipa labi bilane. ⁷ Ape poto, imtan,imbin amat ni murid-murid ipa tumtu petrus imbine ia nabon meuwto be Galilea . Lohana,meuwa man sop imdok Ia , tadi Ia mbinnasi ba meona. ⁸ Beposa ido, metulpa atu dok be lati tabol kuburpa kukura mat tulpa tu nyen nitali atu laheran, be atu lasui leabe mit ketem apo kukura atu lat cat tumtu liyo naparentah syabe meipa,la bina sibe Petrusa hanogombe ini dare ipa ,lasui ambe iketbi,beposa ido Yesus awa mangkun Ia nsol syapa, ampe wamurum aisagadu moropat,be mbidun,nasui fafei ilo anut mamat paapa tumtu ni fafei yo anduk anana malo amin. ⁹ Ilo Yesus nabin panyi de lanyan ia munta ari opa,ia yamuntai nutapitti be Maria Magdalena wa Yesus natage roh kabyo Fit pa po iwana. ¹⁰ Wanto, ntambe mbi don meiwa latum del Yesus apa, kukura meipa latanibi deila lawar irin. ¹¹ Ilo meipa latano mbine Yesus fei,ine jemi,meipa lapara ceipo. ¹² Liapo posa, Yesus ndokmet loupa,ape wik nin nirupa saio, met loupa utanbe i kampung. ¹³ Ido, meloupa uwai ma sarita be unin dari ipa,ape unia dari ipa laparacaipo. ¹⁴ Tagin sana wei, Yesus mamakun ia ndok ni murid lahe mai kitim ipa, pas lakatun la nan ido ia hakur meipa,del ilo laparacai poapa tumtu nyen yo saham tou asiapa, ku kura, meipa ilokiabe laparacai miyo la sui ilo ia nabin suiapo. ¹⁵ Ido, ia nasui amat meipa mbine imtan aro dunyaine imasui Injil nebe meitam beibo. ¹⁶ Mit tabe naparacai tumtu nababtis ata napen salamat, ape mittabe naparacaipo, napen hukumsal. ¹⁷ Anta nane tanda-tanda yone sidel meiyo laparacai apa,tul gaik nebi,meiyopa ata tage roh-roh kabyo, meiyopa anta lasui gali-gali babo. ¹⁸ Meipa anta lasau lemat be kokan nipa, aisagadu lanum racun no meilapat ona ape be meyopa labe leapo, meipa laba kokan nipa be met-met masih, anta meyopa bitin nifei. ¹⁹ Beposa,ido vun Yesus mbin aro asui yobe meipa,ia nsa suibe sorrongga,nakatounpo Allah nipal palu. ²⁰ Beposa,meipa latan be la khotbah kakuk de kaliu-kaliu waihana del ilo vunvuna nakarajan tu mei papa tu mbi kuat be ni galipa antantu tanda-tanda iwa andel siapa.