¹ edunve, vedek seloa mujmi, samang okakak ma eh. ² Vedek, name sobak keesah sengve esah, nasah panen aday, Radei, ebolang nane. ³ Esah ukarang ahol nane, saranok ahol nane, name ebit ho apano, sombol sah, ariing na onok ho apang sah fay. ⁴ Anok sah sah, ee robo, sanok laving -laving, mita tahe ariing vay esah. ⁵ Edun he bolang sobo sakuvak mabakalupe, minok he elet. ⁶ Fedek, sipi oanay, name den om lehel amohole jumaat mie obbar moleng tahang sipi anok tarove med eloe torang med sipi en sipi abiing med aring vay lol. ⁷ Obbar ba honin ho, so sakolaeh sobo, esam ohir eh nane. ⁸ Mang vedek Yames, Yabres Musa ara tetang honive name tofang ho o miho sipidi nak bul houte fang tahang sah. ⁹ Honin sobo, sipi evew nane am, vedek-vedek, sipi obodo ho, sel numi honin he, name tofang ahol, mang vedek name piralohonin. PAULUS PAHANG MED TIMOTIUS SEN ¹⁰ Sobo iri nomateng novompsk ve alol ataan, novaru vingmi, novetang sam taromi, noudume sam taromi ¹¹ Vedek anok sah-sah, med maar mahipalay mong Antiokhia, Ikonium, med, Listra ¹² Name oba vetang, soem homed ve, ho he susa maloho alay ve. ¹³ Name, oba sahpaneho, name tipu name adimang abor sariho okmujmiho, eyvetang miho sah, ana meom adimang, namedi omadimang. ¹⁴ Honine, iriho lame horove nabave i ahol taromi hok vedek. Fedek i u sakolam ¹⁵ Piday mong, kaay taho. iahol surak bolang ho surak bolang niri tulang nakhol dil maeh med ien, illuling med ien udume alay Yesus Kristus om mi. ¹⁶ Surak bolang, ernuho, o aeng Lahtal ohir opak med name tofang araham puin name sakola osah di ubang name ofetang anok-nok honin amhe name afom apahang na onok ham felol ¹⁷ Horo hee, na menoho Lahtal ey nakhol dilmaeh honin amre, Lahtal opanen okten ho alay.