¹ O'bang bolang lel madal, med o' ho' o' maei a'raham, na a'tino' u ira matengi Lahtal med Yesus Kristus a'pong a'dang homi, selnumi sano' hu' botang dasing ap med name no' o' fetang o'min a'raham. ² Mateng bolang ho, umateng sel ho no' em sahdi, utaro' ualap, supi a'fom a'pahang ta bahut, honin sobo, bala amone, a'u a'tang ta fe puin. ³ Fe'de, sel mu mi honin he'e, name tofang gur pel no' fe, sel nu mi supi beng fal tofang ba supi om tamuj ho abuil ta' unung a'no sey ⁴ Sel nu mi suoi sengtel safel tel med fom pa'mateng pa' bolang a'raham, sobo uil-uil faleng pali' mate ei horo supi som en. ⁵ Sobo iri ho, airnu turlo u iri buang, karang lapee iholdang di, iri tahang dume toh, mateng bolang inji om mi ho umateng, karesang bolang a'no' an'. ⁶ No bo' ei a'lol he'e, no foi her no ain tafoil, sano' mahen fe'o no min o'sel a'ra fanangam. ⁷ Na utot o'no med fe ho, na a'ra sam ahor lang p'a'muj mi na mitoham udume ho, na ugariang am. ⁸ Fed ho'o, hide so e'm ara nere'eng. Sel ho a'raham Lahtal, hu' timba o'asel hide ho med nen, sobo e nolo nen nene, sa med name ba' o'ho' o'ma a'danang eh ho en sobarpi. PAULUS SAMANG TAHOW TIMOTIUS EN ⁹ Se' bur lap hanoa'ang ho'. ¹⁰ Fede' demas nad natain am, sa pali' mate fe esaham, no' he'e sa sam Tesalonika Leamam kreskes Galatia lea,, Titus Dalmatia leam ¹¹ Sei lal Lukas so nara. ¹² Tikhikus ke Efesus Leamam. ¹³ A ho' sobo, no kod mateba na Troasmimed Karpus a'bungmengho, med, ho sura-sura, o'mi taho, nahul nun ba tifah ta homed ara huil jo. ¹⁴ Alexander ba na ol faio o' nameho' rugi am. Lahtal so o' panen o' a'ten ho o'abar. ¹⁵ iri di na umama araham, fede' mateng pa'pi umateng eh ho, sa lafang empir. ¹⁶ Na nariutola o' aainang ho, name pirnu di e neita nene fede' barpi nelteng eng aham. ¹⁷ Honin sobo, Lahtal ara nara, kufa' med nen horoba, matemg bolang ho, na barpi bit o'ham, med name Yahudi nene hodi alepang o'ham. Horo eile ba, na singa atmi hel ho. ¹⁸ sel numi, na panen aten sah ho, Lahtal sa ula, horo mimate milafining, sam em so em ho a'meng. MAHEN O A'MUJ MI ¹⁹ Ada mahen na tahow Priskila, Akwila Onesiforus name bang om nu ho en so barpi. ²⁰ Erastus sei mong Korintus mimieh, Trofinus mode om miba namong Miletus ni amihingam. ²¹ pali' ma'ab o'selmi daiba, se'bur lap hano'ang ho! Ebulus, Pudes, Linus, Klaudia med teng' el bar nunba, o'udume ham ho, ada mahen tahow med en ²² Oroh bolang ho Lahtal ara tohuil Lahtal o' bujno' ara ira.