¹ Honin fe mo ai anok kufa, anugera om mi Yesus Kristus om mi. ² Nabafe maura matengang hominfe i mok kujak mong sakdi tofang anai ho mi, ho mi fe i mam e beng di afom apahang nok. ³ Homife i ataain sah karang ahol mang fekde parajunit Yesus Kristus. ⁴ Parajumid sae so fetang ho sa u tanut nene honin e o karasang ho komen dan apa anonok. ⁵ MAng fekde name olahragawan teteu sa e makota samok e name so, tue fe ho ni ho, sa e med nene, asel sa e teteu o, ataain nene. ⁶ Name med o name ho sa nane sang kufak, sani mangfekde mame a almang so karesang some o bung opir med. ⁷ Nabafe mau mateng an ho a utanut fekde Lahtal dil ahol mama eh ho pamed en ⁸ Yesus Kristus ho daud oton toh mou uma, fudek sari honofe sofetang sahir toh mamemin tofang ho anai. ⁹ Sani hono ei leba fedho na su sa ahol mong hukung bungmi ho mi sobo Lahtal o fom pak ho e hu kung nene. ¹⁰ Honofe ma mom tahang awang auna a laia fekde name ba Lahtal so ma u alk med ho salamat med nemu kian kekal ho samed. ¹¹ Mateng ho abul honife piana ham-ham min honi sobo fetang, pi a'na ham-ham fetang. ¹² Pi tom tahang ho he e piniai ara ham-ham panen ta puin pi ara aba, ho hee sang tara aba. ¹³ pi eu setia nene sari ho setia, fekde e sobo bom sara aba nene. LAHTAL O BAUTA PANEN HO OM SENANG ¹⁴ Supi ahou mauma tahan ara hanin ho mi supi haai tutul e fekde o ho ni ho o untu aai, mane ba maaeh ale pangam ho sopi sel hik selet. ¹⁵ Naomok fe panen bok mateho a lorang med Lahtal em sanak per sem bahan mok homi araham mang fekde mame kane sang ho mala ahol menl honife mateng onokfe puin name afom a pahang ¹⁶ Honinfe a bakalafe ho feu, fekde sani ha satanafa ma o o salol. sam mang sah bih. ¹⁷ Sopi o mateng ho sanok mode mate sopi anai homi sari ho Himemeus med Filetus. ¹⁸ Sopi mame tofang ana abakalufe u bung ho fetang ho araam, puin name tofang o udume ho asa hain. ¹⁹ Lahtal o daasar ho kufak o ho no ei toh emmeng ho tano k tanda honin e Lahtal sona ahol ano so anot so mulik, honinfe anomu so Lahtal ani ho o atinok u bang, ho hee e mau sah ho elet. ²⁰ Bang el numi ho o nupa, o kafaik ho, mas perak tifaai din puin ma omok panen den puin ma o soh panen. ²¹ Amo so safah hir ho sa anok bolang fa mao sak ho ara ham ho hee sani sanok ma onok honi ma o tuan araham honife sani sedia mangfedek mane kere sang mok honi. ²² Na o sah ho feu ma o mokfe foil lab udume ho buj mo pak bala med name Tuhan oni puin lofe, sam seng puin . ²³ Bodo Kamuke hofen alil aho l mama eh honin e na omok fe panen. ²⁴ name ba pela yan Tuhan ho tabung neng nene honi sobo buy mok pak lala tofang ara nok. ²⁵ Ba ma o sah panen tara ham ara mateng honin e Tuhan supi anok to bat honin e sopi aomok fe panen ²⁶ Honin esah supi sadar mao sah karang ho supi etet honin e sopi maomok fe foil panen.