¹ Pero o Espírito fala claramente que nos tempos derradeiros algúns se afastarán da fe, escoitando a espíritos mentireiros e a doutrinas de demos, ² pola hipocresía de argallantes que foron cauterizados na sua mesma concencia; ³ que prohiben casarse e mandan privarse de alimentos que Deus creou para que, dando grazas, os crentes, aqueles que coñeceron a Verdade por completo, podan participar deles. ⁴ Porque todo o que Deus creou é bo, e non se debe rexeitar en absoluto cando se toma con gratitude, ⁵ pois é santificado por medio da palabra de Deus e da oración. ⁶ Propoñéndolle estas cousas aos irmáns, serás un bo servo de Xesús o Mesías, alimentado coas palabras da fe e da boa doutrina que seguiches de perto. ⁷ Rexeita as fábulas profanas e os contos de vellas; exércitate na piedade, ⁸ porque o exercicio do corpo para pouco aproveita, pero a piedade é útil para todo, tendo promesa para esta vida e para a que ven,. ⁹ Esta palabra é fiel e digna de ser aceptada por todos. ¹⁰ Porque para isto traballamos darreo e loitamos, pois puxemos a espranza no Deus vivo, que é o Salvador de todas as persoas, maiormente das que cren. ¹¹ Non deixes de proclamar e ensinar estas cousas. ¹² Que ninguén faga pouco de ti por seres mozo, senón sé exemplo dos crentes na palabra, na conducta, no amor, na fe, e na pureza. ¹³ Ata que chegue ahí, dedícate á lectura, á exhortación e o ensino. ¹⁴ Non descuides o don que hai en ti, que che se deu por medio da profecía coa imposición de mans de parte dos anciáns ¹⁵ Reflicte sobre todas estas cousas, mantente nelas para que todos vexan o teu progreso. ¹⁶ Cóidate a ti mesmo e á doutrina, persiste en todas istas cousas; porque facendoo, salvaraste ti e mais aqueles que te escoitan.