¹ Dhangani, hama, amuziwi, kuti mutemo unowonerera mwanarurume, kana iyena atchirarama? Nokudharo ndinoreketa kune anhu anoziya mutemo. ² Nokudharo, nomutemo, mukadzi akawakwa akabhatana nemwanarume wake kana utchirarama; asi kana mwanarume wako afa, iyena anonga akasununguka, pamutemo wamutchato. ³ Penepo, kana iyena akabhatana naumweni mwanarume, kudhai, mwanarume wake atchirarama, iyena anodhaizwa nbhombwe. Asi, kudhai mwanarume wako hofa, iyena anonga akasununguka pamutemo, pekuti asawe nbhombwe, akawakwa neumweni mwanarume. ⁴ Nokudharo, hama dzangu, imwimwi makafawo pamutemo, pamberi pomwiri waKirisitu, pakuti muwe waumweni, izvi ndi, Uyia akamutswa pakati pewakafa, kuitira kuti tipe zvibhereko paMwari. ⁵ Nokudharo patakanga tiri munyama, zvidho zvetchitema, zvekuedzurirwa nemutemo, waisenza muanyu edhu kuti ape zvibhereko zverufu. ⁶ Pazwese, zwino tiri takasununguka pemutemo. Takafa pazwiya zwatakanga takasungwa, pakusenzera zwino, zvitswa zwoMwia, aiwa zwitarwa zwekare. ⁷ Tinoreketei zwino? Tchitema ndimutemo patchezwawo? Aiwa kana netchimwe. Zwakadharo, ini narini ndingazia tchitema kudhai aisiri nokudha kemutemo. Ngedaa kudhai andisina kuziwa kusirira kudhai mutemo usingazi kureketa: "Usazosirire". ⁸ Asi tchitema, tchetchitora mukana wokupuwa, nemurairo, waunza mukhaindi wese wekusirira kwendiri. Nokudharo pasina mutemo, tchitema tchakafa. ⁹ Kare ini ndairarama ndisina mutemo, asi murairo pawakauya tchitema tchakararama uye ini ndafa. ¹⁰ Murairo, wakanga wekunzisa upenhyu, waita rufo kwendiri. ¹¹ Kudharo tchitema, tchotchitora mukana nokudha kwemurairo, wanditchengedza. Uye nopamusana pomurairo, wandiuraia. ¹² Nokudharo, mutemo wakatchena, uye murairo, utswene, wekururama uye wakanaka. ¹³ Nokudharo, tchanga tchakanaka tchaita rufu kwendiri? Haiwa kana tchimwe. Asi tchitema, pakuti zvipangidzirwe satchitema pakati pazvia zvakanaka, zvabhereka rufu kwendiri. Izvi, pakuti nepamusana nomurairo kuti tchitema tchipangidzirwe tchitema tchakanhanhissisa. ¹⁴ Ngodaa tinoziya kuti mutemo ndimwiya, asi ini ndiriwenyama, kutengeswa hinga ndhapwa kwetchitema. ¹⁵ Nguei tchinhi tchandinoita, zvetchokwadhi andizisisi. Naizvo tchandinodha kuita, inini andiiti; tchandino zonda, inini ndinoita. ¹⁶ Asi kana ndikaita tchaandisikadhi, ndinotendera nemutemo, kuti mutemo wakanaka. ¹⁷ Asi zwino andinipizve uya anoita izvi, asi tchitema tchinogara mendiri. ¹⁸ Zwino ndinoziya mendiri, izwi ndi, panyama yangu, apagari tchiro tchakanaka, nokudharo tchidho patchakanaka tchiri mendiri, asi inini andikwanisi kutchiita. ¹⁹ Nokudharo kunaka kwandirikudha kuita, andiiti, asi kuchata kwandisikadhi, izvi ndizvo zvandinoita. ²⁰ Nokudharo, ndikaita tchandisikadhi kuita, andinipizve ndirikuitewo, asi tchitema tchinorarama mendiri. ²¹ Ndinoziisisa, nokudharo, mendiri, mutemo wokudha kuita zvia zvakanaka, asi zvakachata zvitchiri mendiri. ²² Nokudharo, nemurume otchikati , ndinofhara mumitemo yaMwari. ²³ Asi, ndinowona umwe mutemo wakasiana mundhengo womwiri wangu, unorwisana no mutemo mutswa mundangariro rangu. Izvi zvinondiita nhakusungwa wemutemo wetchitema tchiri mudhengo wemwiri wangu. ²⁴ Ndiri mwanarume wekuchoropodzeka! Ndiani atchandisunungura pamwiri uyu werufu? ²⁵ Nyasha dzaMwari na Djesu Kirisitu, Ishe wedhu! Nokudharo, zwino, inini ndino senzera mutemo waMwari ne ndangariro, nezvese, nenyama inini ndino senzera kutanga kwetchitema.