¹ Nokudharo, tchinhi tchatitchabuya? Tino dhikana tirambe tirimutchitema kuti nyacha dzaMwari dziwande? ² Haiwa! Isusu takafa pazwitema, ngei tinogara techirarama imona? ³ Amuziyi kuti, nekudhayi takababatidzwa munaKirisitu Djesu, takababatidzwawo pakufakake? ⁴ Nokudharo, takaigwa Naye pekudha kekubabatizwa murufo. Izvi zvakaitika kuti, hingana Kirisitu akamuka kewakafa nokukudzwa kwaBhabha, nokudharo isusuwo tihambe muupenhu mutswa. ⁵ Ngekuti, kana tawa takabhatana naye Iyena nekuezana kwekufa kwake, tinongawo takabhatana, Nekumuka kwake. ⁶ Isusu tinoziya izwi: kuti unhu wedho wekare waka khomerwa Naye, kuti mwiri wetchitema uputswe. Izwi zwakaitika kuti isusu tisaitezve ndhapwa kwetchitema. ⁷ Uya wakafa utcha dhairirwa akarurama pamberi petchitema. ⁸ Asi, kudhai takafawo naKirisitu, tinotendera kuti tichararama Naye. ⁹ Tinozia kuti Kirisitu waka mutswa mwawakafa uye aripizve mwuaakafa. Rufu aricthina simba kaari. ¹⁰ Neizwo, paakafa ngenhaya yetchitema, Iyena akafa kamwe pazvese. Nezwese upenyu waarikurarama Iyena, unoraramira Mwari. ¹¹ Nomushobho umwewo, dziwonei kufawo mamuri imwimwi mutchitema, asi metchirarama munaMwari na Kirisitu Djesu . ¹² Nokudharo, musazo siye tchitema tchecthirarama pa mwiri wenhu wokufa, nemushobho mutchi terera zvidho. ¹³ Musapangidzire mwiri dzenhu kune tchitema, pakuti muyite midziyo zvinosendzeswa pakusakururama. Asi pangidzirai kuna Mwari hinga makafa kuti zvino murikurarama. Pangidzai mwiri dzenhu kuna Mwari se mudziyo dzinosendzeswa pakururama. ¹⁴ Musaso tendere tchitema tchimusendzesei, ngekuti amusi pasi peMitemo, asi pasi penyasha. ¹⁵ Uye zwakadharo? Tinodhikana kuyita tchitema ngekuti atiripi pasi peMutemo, asi pasi penyasha? Haiwa! ¹⁶ Amuziyi kuti uiya wamunozvipangidzira samusenzi ndiye wamunoterera uya wamunodhikana kuterera? Tchokwadhi ndiitchi: dhangani muriwasenzi wetchitema zvinokuendesa kurufu, dhangani wasenzi wanoterara nekutorwa mukudhairira. ¹⁷ Asi nyasha dzaMwari! Ngekuti mankanboita wasenzi wetchitema, zvino pamaiterera nemoyo wese nekufamba mumutemo wamakapuwa. ¹⁸ Pamakasunungurwa mutchitema nokuitwa ndhapwa dzekururama. ¹⁹ Ndino reketa se mwanarume, ngondaa yekuremba kenyama dzenhu. Nekudhai, hinga makapangidzira mwiri yenhu se ndhapwa paku swipiswa nepakuchata, nemushobho umwewo, zwino, pangidzirai se ndhapwa dzakarurama pakutcheneswa. ²⁰ Kuonekwa kuti, pamanga muri nhapwa dze tchitema, makasunungurwa pakururama. ²¹ Panguwa iya, kuti tchibhereko, nekudha, manga munezviro zvekuti zvino zwinomutswerudzai? Ngekuti kupera kozviro izvi irufu bhasi. ²² Uye zwino, masunungurwa mutchitema nekuyithwa ndhapwa dzaMwari, zwinodhikana zvibheroko zvenhu zvitcheneswe, uye kudhairwa nepenhu usingaperi. ²³ Nokudharo mubhairo wetchitema ndirufu, asi tchipo tchomahara tchaMwari ndiupenhu usingaperi muna Kirisitu Djesu, Ishe wedhu.