¹ Hino, titchareketei pamusana pha Aburahama, tsekuru edhu panyama, ngo zwaakawona? ² Ngokuti Aburahama wakadhairirwa ngomabhasa, iyena waitoona tchokuzvi kudza natcho, pasiripi pamberi paMwari. ³ Zwitarwa zwinotsa zwetchiti? Aburahama wakadha Mwari, ndiyo ndaa Mwari wakamudha. ⁴ Kuno anosenza, hapuwi mubhairo wake hingana tchoku puwa nyore , asi uno puwa satchipo. ⁵ Ku munhu asika gari norukariro muzvanoita, asi etchitenda , kuna Mwari, kutenda kwake ndiko kutchaita kuti atambirwe sa munhu asikazi kuchaicha. ⁶ Davidi waka pembedza makomborero kuno munhu wakatambirwa ndi Mwari akaregererwa pazvese zviya zvaanga wakashaisha. ⁷ Iyena wakati: "Anomupfaro ndio aya aka shaisha asi Mwari wakaarekerera uye zwitadzo zwawo zvaka fukidzirwa. ⁸ Rupfaro kuna uya okuti waka rekererwa zvitema zvake naIshe". ⁹ Zwakadharoko, makomborero aya aka pembedzerwa kuwaya akatchekerwa bhasi , kana kuti noayao asikazi kutchekerwa? Takazwireketa kuti: Abrahama waka tenda kuna Mwari, ndizvo zwakaita kuti atambirwe:" ¹⁰ Hino zwakaitika rini? Aburahama wanga aita utchekeri kana kuti wanga asati aita? Wanga asati aitwa utchekeri. ¹¹ Abrahama wakatambira tchipangidziro tchouchekeri,ngokuti wakatenda asati aizwa utchekeri. Mhinduro yo tchipangidziro itchi ngoyo kuti iwena wakazogara bhabha wo aya anotenda, kunhanguwe asikazi kuizwa utchekeri. ¹² Nokudharo iyena ndiezve bhabha wo aya akaizwa utchekeri. Zwisiripi ngokuti akaizwa utchekeri, asi arikurarama upenhu wokutenda hingana Aburahama bhabha edhu akararama asati aizwa utchekeri. ¹³ Ngokuti zwanga zwisiripi zwomutemo zwakaita kuti Abrahama apuwe tchipikirwa kuno edzinza rake, tchipikirwa tchokuti nyinka itchagara yawo. Tchipikirwa ichi atchizi kuizwa ngokuti waka teerera mutemo asi iyena waka tenda Mwari. ¹⁴ Uye, kunowaya anoteerera mutemo ndiwo aridzi enhaka atchatambira zvia zwavaka pikirwa naMwari, kuti kutenda akuna bhasa, uye tchipikirwa tcha Mwari atchisenzi. ¹⁵ Ngokuti mutemo uno unza kutsamwa, asi pasina mutemo apana ushayishi. ¹⁶ Ngo kudha kwo izwi, ngozvokutenda, tchipikirwa tchakaita Mwari tchinoenderana nokutenda, kuti tchipikirwa tchithembese kuita tchipo tcha Mwari kudzinza raAbrahama. Azvisiripi bhasi kuno aya anoteerera mutemo asi pamwepo noya anontenda Mwari hingana Abrahama wakadha, nokudharo ndibhabha edhu pamweya. ¹⁷ Sekutsa kunoita zwitarwa zwitsene: "Inini ndakakuita bhabha wo nyika jinzi." Nokudharo tchipikirwa tchinoziikwana ndi Mwari, wakadha Abrahama, Mwari unomutsa wakafa unoita kuti zwizikanike zwiro zwiya zwanga zwisinga zwikaniki pakusikwa. ¹⁸ Aburahama wanga wakatendeka notchimiro, uye ngotchitenderano wakapasa zvibhereko zvake Mwari, wakaita bhabha wonyika dzakawanda, ngomuchobho wazvaka reketwa: "Ndiwo muchobho utchaita dzinza rako" ¹⁹ Iyena wanga asikazi kuremba pakutenda. Aburahama waito zvizia kuti muwiri wake wanga usika iti mwana, ngokuti wanga waano makore anoguma zana. Etchito zviziazve kuti mundani ma Sara amutcha rurwi mwana. ²⁰ Ngotchitenderano tchanga anatcho na Mwari, Aburahama azi kundo rumbwa asika tendi. Wakapuwa simba ngokutenda, waka kudza Mwari. ²¹ Iyena wakazo tenderena nazvo kuti Mwari uno simba rokuita zvaananga apika. ²² Ngokutenda Aburahama wakatenderwa ndiMwari" ²³ Masoko "akatenderwa" haripi bhasi kureketa Abrahama. ²⁴ Anoreketawo kuna isusu titchadha kutambirwa ngokutenda Mwari, waka mutsa Djesu Ishe wedhu pakati powakafa. ²⁵ Djesu wakafa pamusana pozvitadzvo zvedhu nokudharo wakaprumutswa kuitira kuti titenderwe naMwari.