¹ Saka, zwino bhatsirei kuita mudjuda? Zwinobhatsirei kuita utchekeri? ² Kwakakura, kumaitiro ese.Tange tange , kuwadjuda wakathembwa patchipangidziro tcha Mwari. ³ Asi, amweni madjuda asikazi kutendheka, nokundharo Mwari utcha siya kutedheka kwake here? ⁴ Azwiiti nomaitiro api hawo. kundza kwazvo, Mwari ngarambe ari tchokwadhi, kunyange munhu wese ngawe munyepi. Se zwaka tarwa: "Kuti uwonekwe tingana wakatendeka pamasoko ako, kuti urumbwe wakaimimira pauno wuya kwo tongwa". ⁵ Asi, kusama kururama kwedu kwatino ita kuno senza kuti tiphangizirwe kuti Mwari, uno tiitira shungu here, Zwinyi zwatinga reketa? Kuti Mwari unoshaisha panooti shupha?( Ndiri kureketa mareketero anosi reketa anhu.) ⁶ Nomaitiro api hawo! Nyika yaidha kuita matongerwei? ⁷ Asi, tinorekheta kuti manyepero angu anoita kuti tchokwadi tcha Mwari tchigare tchakadjeka, tetchi thundhuzira mbiri Yake.? Pa nyaya iyi,ngei ndinodhikana kutongwa se mutadzi? ⁸ Asi ati reketi ngei:" Ngati shaishe kuitira kuti paushaishi uyu ku uye kunaka"? Asi awona atchatongwa nomutoo wakanaka ⁹ Uye zwakadaro ? Isusu madjuda, tiri mugwandza kwaro kupinda anyu asikaripi madjuda?. Nomaitiro api hawo azwiiti! Asi tatowapangidza kuti anyu okudjuda kana magerego, ese ari pamusoro po tchitema, ¹⁰ matarirwe azwakaita: "akuna kana no munyu umwe unoita zwakanaka" ¹¹ Akuna unozwisisa. Akuna unoswanga Mwari. ¹² Mwese mwaka sweteka mugwandza rakanaka, mwese maka tsweteka. Akutchina unoita zwakanaka, akutchina kana munhu umwe hake. ¹³ Ese ano nyepa uye ano tchengedzera asingaimi. Masoko awo ano tchengedzera, mumu romo dzawo muno bhudha masoko anouraya,tingana nyongo yo nyoka. ¹⁴ Muromo dzawo dzakadzara kutuka noku wawa. ¹⁵ Murendje dzawo dzinogogoma kuti dzi dhurure ngazi. ¹⁶ Kuputswa noku shuphika kuri mugwandza rawo. ¹⁷ Awona aarizi gwandza romutendhere. ¹⁸ Akwanisi kutya Mwari. ¹⁹ Isusu tino zwiziya kuti zwese zwino reketa mutemo zwino reketwa kuno munhu unorarama pasi pomutemo, kuitira kuti muromo wese unyarazwe uye nyika yese igare pasi poutongi wa Mwari. ²⁰ Nokuti apana anopupurirwa nomabhasa oMutemo pabheri pake. Nokuti noMutemo dzinouwa ndzero dzetchitema. ²¹ Asi zwino, pasina mutemo, kururama ka Mwari kwaka pagizirwa pakupupurirwa noMutemo uye no maporofiti, ²² uku ndiko kururama ka Mwari, nokutenda muna Djesu Kirisitu, kune ese anotendha. Zwakadaro akuna ku ketana. ²³ Ngokuti tese taka tadza uye taka dhuswa pa mbiri ya Mwari, ²⁴ nokupupurirwa nyore no nyasha dzake nokutchindja kubhurukidza na Djesu Kirisitu. ²⁵ Mwari wapasa Kirisito kunge tchipiriso kuitira kuti, norufu rake pumutchinjiko Wake, Iyena wakapasa Kirisito kuitira kuti anyu atambire kurekererwa zwitema zwawo zwaka aita kare kare. ²⁶ Izwi zwakaitaika tingana tchipangidziro tcho ku tendeka kwake, munguwa ino, kuitira kuti Iyena agare akatendeka, uye unotambira awo anotenda muna Djesu. ²⁷ Kuri kupi kudzikudza? Kwaka fudzwa. Ngei? Mabhasa? Andizwopi, ngokuti tinotenda kuna Kirisito. ²⁸ Isusu takatendherana, kuti munyu uno tendwa ndhi Mwari noku tenda, asina mabhasa oMutemo. ²⁹ Kana kuti Mwari ndi Mwari homa djuda bhasi? Iyena andiyepio Mwari wo anhu wasiripi wadjuda here? Wonde, no anhu wasikaripiwo madjuda. ³⁰ Mwari ndi umwe ega uye Iyena utchatenda madjuda noku tendha kawo uyewo utchazo tendawo anhu asiri madjuda kubhudhikidza noku tenda kaanako. ³¹ Isusu, nokudaro, tinopfudza Mutemo kubhudhikidza nokutenda? Andizvopi! ngomaitiro api hayo! ZWakasiana, isusu tinotenda kuti Mutemo uno sendza.