¹ Imwi waGaratia anhu asina ndangariro, ndiani wakumutchengedzerai? Pamberi penyu Djesu Kirisitu wakapangidzirwa hinga mukhomerwi yopamutchinjikwa! ² Izwi ndizwo zwandiri kutswaka kuzia kunemwi: Makatambira Mwya Mutswene ngomabhasa omutemo kana kuti ngokuparidzwa kokutenda? ³ Imwimwi muri anhu asingarangariri, makatanga muMwya, mopedzesera munyama ngei? ⁴ Makaedza zwiro zwakawanda apasina tchamakaona? Kana kuti azwizii kumbhatsira! ⁵ Hino, uya unopasai Mwya ungosoita Zwishamiso pakati penyu, ungosoita zwiro izwi ngomabhasa omutemo kana kuti ngokuparidzwa kokutenda? ⁶ "Kutenda kwakaita Aburahama kuna Mwari, uye wakazwi kuti wakatendeka", ⁷ Nyasai kupurutana kuti aya anotenda ndiyo ana aAburahama. ⁸ Uye Zwitarwa, zwaiziya zwirimberi kuti Mwari waizodhairira mahedeni ngokutenda, otchindo paridza Vangeri kuna Aburahama, rotchiti: Nyika dzese dzitchaomborwa kunewe. ⁹ Nokudharo okutenda atchaomborwa nomutendi Aburahama. ¹⁰ Hino, ese omabhasa oMutemo aripasi akatukwa, ngokuti zwakatarwa kuti: Atchatukwa ese asingaiti zwese zwakatarwa muBuku roMutemo, kuti zviitwe. ¹¹ Zwiripatchena kuti noMutemo apana utcha dhairirwa, ngokuti: Mutseni wese utcha rarama ngokutenda. ¹² Nokuti Mutemo aubvi pokutenda; hino: Unoita zwiro izwi utchararama nazwo. ¹³ Kirisitu wakatibvisa mokutukwa kwaibva koMutemo wakadziita kukwa pam`soro pedhu Nokuti zyakatarwa: "Akatukwa ese akaturikwa pamapande''. ¹⁴ Hino, zwaiitira kuti, makomborero aAburahama agumeo kuna ahedeni muna Djesu Kirisitu, kuti titambire wimbiso yoMwya ngokudha kokutenda. ¹⁵ Hama, ndiri kureketa notchianhu ndeiti: Kana zwotchiitika kumunhu, zwikando pedzwa kutenderwa, apatchina uchazvifudza kana kuzvithunhudzirwa. ¹⁶ Hino, Zwimbiso zwakareketwa naAburahana uye nodzinza rake, uye azwizii kutswa: "kumadzinza" hinga zvaidha kutswa kuajinji, asi ingaumwe: "Uye nadzinza rako" Kuti ndyie Kirisitu". ¹⁷ Asi ndinotsa izwi: Tchitenderano tchanga tchaka dhairwa kare naMwari: Mutemo wakauya sure komakore anokwana mazana maro marongomuna nomakumatatu, musautshore motchiti autchasenzi kuti musabve patchiwimbiso. ¹⁸ Hino, kudhai nhaka ngoyomutemo, aitchiripi yotchiwumbiso; asi Mwari wakapasa nyore tchiwimbiso kuna Aburahama. ¹⁹ Ngokuti ndimutemo? Uwona wakaizva ngokudha kokushaisha, kudzamara kuguma kodzinza raka ranga rakawimbiswa; rakakandwa ngongirosi mumoko mowaizwiimirira. ²⁰ Hino, muiimiriri angoumwepi bhasi, asi Mwari ndi umwe. ²¹ Nokudharo mutemo awuiti kuchuphana nozvipikiswa Mwari? Nakamwe! nokudharo, kudhai mutemo wakapiwa simba rokupasa upenhu, zwirokwazo kunaka kaizvo izwa ngo mutemo. ²² Nokudharo zwinhorwa zvakasunga zvese zwiri pasi pozwitadzo kuti zwithembeso zvipuwe watendi ngokutenda kuna Djesu Kirisitu. ²³ Nokudharo, kutenda kusati kauiya tanga takaridwa pasi pomutemo, uye mutorongo kudzamara kutenda kwapangidzirwa. ²⁴ Nokudharo mutemo wakaita muimiriri pakutiperekedza kuna Kirisitu, kuti ngokutenda tidhairirwe. ²⁵ Pakazoguma kutenda, atitchiripi pasi pomuimiriri . ²⁶ Mwese muri ana a Mwari pamusana pokutenda kuna Kirisitu Djesu; ²⁷ Hino, mwese makababatidzwa muna Kirisitu makatofeka Kirisitu. ²⁸ Nokudharo akuna maDjuda, maHeberu, maGenego; akuna asenzi kanra akasunungurwa, mwanarume kana mwanakadzi, mwese muri umwe muna Kirisitu. ²⁹ Kudhai, muri waKirisitu muri dzinza raAburahama, aridzi otchiwimbiso.