¹ Kupera kwemakore gumi namarongomuna, ndhakakwirazwe kuDjerusarema na Barnabasi, ndhangandinaye Tito. ² Ngekudha, kwechiyoneswa, ndhakwira ndhikamubvundwai Vangeri yandakaparidza pakati pewahedeni. Izwona, zwakaizwa, kuna ayo waikudzwa wari woga kuti inini ndhisagogome kana kugogomera pasina. ³ Newowo Tito, wandangandinaye, zwangari Mugirigi, akamubhambhidzira kuti aizwe utchekerwi. ⁴ Izwi ngekudha hama wanyepi akaita mangwinira, akapinda zwisikazikanwi awone rusununguko redu ratakaizwa ngemuna Kirisitu Djesu, kuti tihwirire kuizwa mabhitchu. ⁵ Neenguwa imwe hayo yatakatendera kutchindja, kuitira kuti zwirokwazwo zwevhangeri zwirambe zwirimamury. ⁶ Kune awo waizwi wakuru zwaangari kare andinabhasa nazwo; Mwari anandawa nehope yomunhua naiyo, wanondzwi wakuru, ana tchakandithunidhidzira. ⁷ Nge mushobo umweni, pakazwa Vangeri kune asina kuizwa utchekerwi randhakagondesa, hingana raPeduru, kuwaakaizwa utchekerw, ⁸ uya wakapa simba kuna Peduru kuti awe mupostori kuwaweuchekerwi, ndiye wakandipayo kuwahedeny. ⁹ Kune Tiago, kefasi, naJuau, aizwi anga ari pamukumbi, akadzindikira nyasha dzandakapiwa, akatambanudza miyoko yawo yerudyi pamwepo inini naBarnabasi, kuti tiyende kuwahedeni, ayona ayende kuwatchekerwi; ¹⁰ kuti tisakanganwe kurangarira arombo; izwi ndazwiita nosimba rese. ¹¹ Apo Kefasi paakauya kuAntokia, ndanga ndinaye hope nehope, iye waidha kuti ndimutsiure ¹² nokuti asati amweni Tiago aakatuma asati aguma,iyena wairya nowahedeni, musure mwakazoguma, iyena wakazwa akafundikira, kutha aya angakaizwa utchekerwi. ¹³ Pamwepo nayona, amweni madjuda akazwiitisa, nomushobo wenewo Barnabasi akatera mabhasa ayo akashata. ¹⁴ Pandakaona kuti ariipi kudhaira zwakaezana netschokwadhi tche vhangeri, akati pamberi peese kuna Kefasi: "Kana iwewe, uri mudjudha, unorarama yinga namahedeni, kusiri kwawadjuda, hinga nawahedeni anobhambidzira kurarama hinga namadjuda?" ¹⁵ Isusu, tiri wadjuda pakubharwa, atisati ''tambochaicha kuwahedeni'', ¹⁶ tinoziya kuti tchibharirwe atchidhairwi nemabhasa yeMutemo, asi ngerutendero munaKirisitu Djesu. Naisusu takatenda munaKrisitu Djesu, kuti tidhairirwe murutendero munaKirisito, asiri mabhasa eMutemo; hino apana unozodhairirwa nemabhasa yeMutemo. ¹⁷ Hino isusu, takatora kudha kudhairirwa munaKirisito, isusu wene tinozwi washaishi, nokudharo Kirisito wakabhetserayo ushaishi? Apana neekamwe! ¹⁸ Zwimwenizwe iyena wakakwirira kuzoowaka zwiro zvanga zvakaputswa, ndinodhaira kuti inini wene ndakadharika. ¹⁹ Hino ngemutemo ndakafa pamutemo, kuti ndirarame munaMwari. ²⁰ Nda khomerwa na Kirisito. Ndirikurarama ndisirinipi, ndiyena Kirisitu arikurarama mandiri; ndirikurarama mundaramo yangu yenhama murutendero kumwana waMwari, wakandhidha, akazwikanda iyenawene. ²¹ Andibvisi nhasha dzaMwari; kana kushaisha kuri pamutemo, zwinoti Kirisitu akafira pasina.