¹ Zwimwe zwimwezwo, imwi mwi anakadzi, zvidodosei ku amuna enyu, kuitira kutiwo kudai umwe asikatereri so, nomaitire omukadzi wake ungawimwe pasina soko. ² etchiwona ndaramo yenyu yakanaka nokutya ³ Kurungama kawo ngakusaite kokunze kokurungamisa bvudzi, nokupfeka mhete dzo goridhi, nokurugama komacira. ⁴ asi munhu wakaigika wo mumwoyo, ngozvirungamiso zvisikawori zvo mwya wakapfawa wakanyarara, okuti onomufengo mukuru pamberi paMwari. ⁵ Ngokuti nokudaro kare anakadzi atsveni airungamiswawo, awo aimira kua Mwari hino adzidodosa ku amuna awo, ⁶ Tingana Sara waiterera Abrahama, ecimudaidza Tenzi, nokudaro imwi mwi muri ana, mecita zvakanaka musikatyi pasina kupatika. ⁷ Zwimwe zvimwezwo imwi, mwi anarume, garai zvakanaka nawo mukuzvirana mecipa kukudza mukadzi, ngokuti mudzi, ngokuti mudziwo wakaremba; ngokuti awona nddiwo andiwo andiyi onhaka yenyu yonhasha yondaramo; kuitira kuti munamato yenyu isapingaidzwe. ⁸ Pakupendzesera, mwese tsumbiranai, nokuzvirana, ndananai sehama, muitirane nhasha nokuzvidodosa; ⁹ musawiridzirane zvakashata ngo zvakashata kana kuti kutuka; kutanga nokudaro, rumbizai, meciziya kuti ndizvo zvomakadaidzinwa, kuitira kuti ngo nhaka mucawina kukomborerwa. ¹⁰ Ngokuti uwo unoda ndaramo nokuwona tsiku dzakanaka, fundisai rurimi renyu muzvakashata, muromo yenyu ngaisarekete manhepo. ¹¹ Ibvai muzwakashata, itai zvakanaka; torai rugariko mowutera. ¹² Ngokuti madziso a Tenzi ari pamussoro po wakanaka, ndzee dzake dzirikupurutana munamati dzawo; asi hope ya Tenzi inoshupana nawo ancita zvakashata. ¹³ Metchishingirra kuita zvakanaka? ¹⁴ Asiwo mukashupika ngo rudo ro zvakanaka, makakomorerwa imwi. Asi musatye ngokuatya awona musavunduke. ¹⁵ Kutanga tchenesai Kristu ari Tenzi, mumwoyo dzenyu, garai makagadzirira kuti mudaire nowunhoro nokutya awona, musavunduke; iri mamuri. ¹⁶ Muno kurangaridza, kuitira kuti, muzviya zvokuti anoreketa zvakanaka, kana kuda kaMwari kecizvida kunze kokoita zvakashata maitire yenyu akanaka kuna Kristu; ¹⁷ ngokuti zvakanaka kutambudzika mecita zavakanaka, kuti atikande kuna Mwari kecizvida kunze kokoita zwakashata. ¹⁸ Ngokutiwo Kristu wakashupika kamwe ngo zvishaishi, akanaka ngowasikazi kunaka, kuti atikande kuna Mwari; akauraiwa zvirokwazo mumwiri asi akararamiswa ngo mwya. ¹⁹ Mukudarowo wakayenda wakateketesa kumwya mukaraboso, ²⁰ Awona mu nuwa dzimweni akaita asikatereri apo kuterera ka Mwari Paiyetsera mutiku dza Nowa, apo paigadzirira areka; nokudaro ashoma ndiwo asere, mwya yakararama mubvura, ²¹ Ngokudarowo tingana zwipangidziro zvozvirokwazvo, zvopano zvinomuponesa, rubhabhatidzo risipiri rokubvisa zvakashata zvomwiri asi zvo mwoyo nokurangaridza kakanaka kuna Mwari, ngo kumuka ka Jesu Kritu, ²² uwo uri kumoko kwawo wa Mwari, wakakwira kudenga, acizvidodosa ku ngirosi, ku utongi noku simba.