¹ Nokudaroko, rambai zwakachata zwese, kunyeperana kese, kugara nemwoyo wakawoma, godho, masweda. ² Tingana atchetche, idhai mukaka wakanaka womweya, kuitira kuti mukure mukuponeswa Ndiyena, ³ makaraira kuti Ishe wakanaka. ⁴ Mechikwedera imwimwi kari, buwe rinodaramo, nakararambwa muzirokwazwo ngo anhu, asi kuna Mwari rakasanangurwa nomutengo mukuro. ⁵ imwi mwiwo hingana mapuwe anondarami, makawaka nyumba yoMwiya, uprisita utsveni, kuitita kupira zwipisiro zwo Mwya, zwinodakadza Mwari, ndi Jesu Kristu. ⁶ Ngokutiwo muzwitarwa zwinozwi: Onai ndinokanda ku siawu buwe rakanaka ropacikhona, rakasanagurwa nomutengo mukuro; hino uwo unoritenda azo rangaridzirwi ⁷ Hino koomuri, okuti anotenda, mutengo mukuro asi ku asikatendi, buwe rakarambwa ngo awaki, iri ndiro rakanaka ropacikhona; ⁸ "ibuwa rimwe rinokuhunhisa, nobako rozvitswerusi", ku awo anokuhunha ku soko, ari asikatereri; kuzwiya zwakatsidzirwa. ⁹ Asi imwi mwi muridzindza rakasanangurwa, muprisita wozwirokwazwo, nyika tsveni, anhu akawonekwa, kuitira kuti azise zwinosimba zwawiya wakakadaidza kubva mudima kwenda muciedza cake cinokahamidzisa; ¹⁰ Imwi mwi okuti munuwa dzakapinda manga musiripi agari, asi zvopana muri anhu aMwari; manga musati mairizrwa nhasha, asi zvopano maizirwa nhasha. ¹¹ Hama ndinomukumira kudai zvomuri atorwa nowa hambi, kuti imwi ibvai pakushiwa komwiri, kokuti akupindirani no Mwya. ¹² Iwai nokurarama kenyu kakanaka pakati powasikanamati, kuitira kuti, paziwia, zvanomureketera zvakashata, hingana ashaishi, kudzai Mwari mu tsiku yanomumutsa, ngo mabasa akanaka anoona komuri. ¹³ Zvidodosei nokurumbidza ku utongi wese owanhu ngo rudo ra Tenzi, ari Tenzi; ari Mambo, hingana mukuru; ¹⁴ ngokuti atongi, okuti akatumwa ndiye kuti apanice anoita zvakashata nokurumbidza aiya anoita zvakanata. ¹⁵ Nkokuti kudai kuda ka Mwari, kuti mecita zvakanaka, munofunga muromo yokusaziya ko anhu anopenga. ¹⁶ Tingana makasununguka asi musina kusununguka ngoku fugidzwa ngo zvishaishi, asi muite asenzi a Mwari. ¹⁷ Kudzai ese. Idai hama dzese. Ityai Mwari, kudai mambo. ¹⁸ Imwi asenzi, zvidodosei nokutya kese kuna Tenzi, kusiripi basi ku akanaka noku anhu, asi nokashatawo. ¹⁹ ngokuti ciro cinodakadza kuti upi, ngo ndaa yokuterera kuna Mwari, otambudzika zvakakura, ecishupika pasina ndaa. ²⁰ Ngokuti imbiri ipi iyi, mukashaisha mopondwa bufutada moshupika? asi mecita zvakanaka munoshorwa nokushupika, izvi zvinodakadza Mwari. ²¹ Ngokuti ngo izvi, makadaidzwa, ngokutiwo Kristu wakashupika ngodaa yedu, wakatisira cipangidziro, kuti titere maitsika. ²² Uwo usikazi kushaisha, ne mumuromo make amuzi kuwoneka kucengedza, ²³ Uwo okuti paitukwa azi kutukawo, pakashipwa azi kuthysidzira, asi waiziipira ku uwo unotonga zvakanaka. ²⁴ Wakatora iyena wene pamwiri wake zvishaishi zvedu pamusoro potabwe, kuitira kuti tife muzvishaishi, tikwanise kurama zvakanaka; hino ngozvoronda zvake makaponeswa ²⁵ Ngokuti manga makaita hingana mabira akatsveteka; asi zvopano mapetuka ku muushi, nomutungamiriri wo Mwya wenyu.