¹ Onai ngokuti Kritu wakashupika mumwiri ngo ndaa yedu, imwi mwiwo idaiwo ngo kurangarira uku: kuti uwo wakashupika, wakasiya tchishaishi. ² Kuitira kui munguwa irikumusarira mumwiri, musaramezve maererano nopzvishaishi zwo anhu, asi maererano nocido caMwari. ³ Ngokuti munguwa yakapinda yo ndaramo, mecita kuda ko mahedeni, ecihamba muzvishaishi, kuraradza, kurysa, nokunamata zvifananidzo. ⁴ Anozviwona zveciya kahamidza musikagogomi nawo mukuita zvakashata, ecimutuka imwi mwi, ⁵ Awona ashazvidairira kuna uwo wakazvigadzirira kuti atonge anondaramo nowakafa. ⁶ Ngokuti ngo izvi, rakateketeswawo vangeri ku akafa, kuitira kuti muzvirokwazvo atongwe maererano nowanhu, mu mwiri asi murarame maererano na Mwari muMwya. ⁷ Kurukukwedera kuguma ko zviro zvese; nokudaro hwarirai murinde mumunamato. ⁸ Asi, pamusoro pazvese, itai rudo rakanaka amwe ku nowamweni, ngokuti rudo rinofukidza zvishaishi zvijinji. ⁹ Itiranai rudo amweni ku nowameni, pasina kugurunguta. ¹⁰ Umwe naumwe ngasenzese kunowamweni cipo hingana matambirire akaita, zvakanaka mutariri munhasha ya Mwari. ¹¹ Kudai umwe akareketa, ngarekete maererano no masoko aMwari; kudai umwe eciteketesa nga teketese maererano no simba raMwari, kuitira kuti muzvese Mwari ngakundzwe muna Jesu Kristu, uwo muridzi wombiri no simba kuitira rokwenda nokwenda. Ameni! ¹² Adikani, musa kahadzike nokurwadziwa ngokuyedzwa kuno wiya pamusoro penyu, kutimuedzwe, hingana ciro cinokahadzisa cirikmuitira. ¹³ Asi ndakarai ngo kuita anhu anga aripo mukushupika ka Kristu, kuitira kutiwo mukuzvipangidzira ko mbri yake imwi mwi munodakara no kudakarisisa. ¹⁴ Kudai, mecitukwa ngo zina ra Jesu, makakomborerwa, ngokuti pamusoro penyu unozorora mwiya yombiri ya Mwari. ¹⁵ Naumwe yenyu ngasashupike hingana murai, kana mbava kana unoita zvakashata, kana unopindira muzviro zvowamweni. ¹⁶ Asi mecishupika hingana Kristu, musatsveruke, kutanga kudzai Mwari paa ndii iri. ¹⁷ Ngokuti yanguwa yokutanga kutongwa ngo nymba ya Mwari; hino zvecitanga tisu, ndiapi maperero oawo okuti atereri ku vangeri raMwari? ¹⁸ Hino kudai watendeka eciponeswa, unozobudirepi usikanamati no mushaishi? ¹⁹ Ngokutiwo awo anoshupika maererano nokunda ka Mwari ngapire mwya wawo, ku musiki wakatendeka, ecita zvakanaka.