¹ Nazvo ndinokumbira zvikuru kwamuri, hama dzangu, netsitsi dzaMwari, kuti muise miviri yenyu, chive chibayiro chipenyu, chitsvene, chinofadza Mwari, ndiko kunamata kwenyu kwomoyo. ² Musaenzaniswa nenyika ino; asi mushandurwe murangariro wenyu uchivandudzwa, kuti muidze muzive kuda kwaMwari kwakanaka, kunofadza, kwakakwana. ³ Nokuti nenyasha dzandakapiwa, ndinovudza mumwe nomumwe uri pakati penyu, kuti arege kuzvifunga kuti mukuru kupfuvura paanofanira kufunga napo; asi afunge nokufunga kwakachenjera, mumwe nomumwe nechiyero chokutenda, sezvaakagoverwa naMwari. ⁴ Nokuti sezvatinemitezo mizhinji pamuviri mumwe, asi mitezo yose hainebasa rimwe chete. ⁵ saizvozvo isu, tiri vazhinji, tiri muviri mumwe chete munaKristu, mumwe nomumwe ari mutezo wavamwe. ⁶ Tinezvipo zvakasiyana, patakapuwa nyasha napo. kana kuri kuporofita, ngatiprofite zvakaenzana nokutenda kwedu. ⁷ kana kuri kushumira, ngazvivonekwe pakushumira kwedu; kana kuri kudzidzisa, pakudzidzisa kwedu. ⁸ kana kuri kuraira, pakuraira kwedu; unopa, ngaape nomoyo wose; uri mukuru, ngaabate nokushingaira; unoitira ngoni, ngaaite nemufaro. ⁹ Rudo ngarurege kuva nokunyengera. Wengai zvakashata; namatirai zvakanaka. ¹⁰ Kana ruri rudo pakati pavatendi, danai norudo rukuru. pakukudzana tungamiriranai. ¹¹ Regai kuva novusimbe pakushingaira; pisai pamweya, batirai Ishe. ¹² farai patariro; tsungirirai pakutambudzika; rambai mechinyengetera. ¹³ Kovanai navatsvene pakushaiwa kwavo nekuitira vaenzi rudo. ¹⁴ Ropafadzai vanokutambudzai; ropafadzai, musatuka. ¹⁵ Farai navanofara; chemai navanochema. ¹⁶ Ivai nomoyo mumwe pakati penyu. Musatsvaka zvinorumbidzwa, asi mufambidzane navanozvininipisa. Musati pamoyo yenyu makachenjera. ¹⁷ Musabadara munhu chakashata kana amuitira Musatsiva munhu chakaipa kana akakuitirai chakaipa. Itai chakanaka pamberi pavanhu vose. ¹⁸ Kana zvichibvira, kwomuri, ivai norugare navanhu veshe. ¹⁹ wadikanwa musatsiva, asi munzvenge kutsamwa; nokuti kwakanyorwa, kuchinzi: kutsiva ndokwangu, ini ndicharipira ndizvo zvinoreva Ishe. ²⁰ Asi kana muvengi wako aziya, umupe kudya; kana afa nenyota, umupe kunwa; nokuti kana uchiita izvozvo, uchatutira mazimbe omoto pamusoro wake. ²¹ Usakundwa nezvakaipa, asi ukunde zvakaipa nezvakanaka