¹ Loko svilitano, xana hitakuyini? Xana hitaya mahlweni hijoha lesvaku timpsalu titala ke? ² Nikutsongo! Hina hifeke hi tlhelo ra kujoha, xana hingahahanyela yini kujoheni ke? ³ Xana amisvitivi lesvaku hina hinkwerhu lavakhuvuliweke ka Yesu Kriste, hikhuvuleliwe kufeni ka yena ke? ⁴ Loko svilitano, hikhuvuleliwa kufa ka yena, hilahliwile na yena, lesvaku kukotisa lesvi Kriste apfuxiweke xikarhi ka vafi, hi matimba ya kukwetsima ya Tatana, na hina hitahanya hi ndlela leyimpsha. ⁵ Hikuva loko hihlanganisiwile na yena hi kufa hi rifu lerifanaka ni ra yena, nakona hitava tano loko hipfuka kufeni hi kupfuka loku kufanaka ni kupfuka ka yena ⁶ Lesvi hisvitivaka hi lesvaku munhu wa hina wa khale avambiwile na Kriste xihambanwini lesvaku matimba ya munhu lweyi wa kujoha mahelisiwa, ni lesvaku hitakala hingahavi svitirhi sva kujoha. ⁷ Hikuva munhu lweyi afeke atshunxiwile matimbeni ya kujoha. ⁸ Loko hifile na Kriste, hipfumela lesvaku hitahanya na yena; ⁹ nasvona hitiva lesvaku, lesvi Kriste apfukeke xikarhi ka vafi, angakala angahafi kambe, ni rifu arahali na matimba henhla ka yena ¹⁰ Kufa ka yena akuli kufa hi tlhelo ra kujoha, kan'we sviva svihelile; kutani vutomi lebzi ahanyaka bzona svosvi ahanyela Xikwembu. ¹¹ Hi mukhuva wolowo, na n'wina tivoneni na mili lavafeke hi tlhelo ra kujoha, kutani na mili lavahanyelaka Xikwembu ha Yesu Kriste. ¹² Loko svilitano, kujoha kungahatshuki kufuma mirini wa n'wina lowufaka, lesvaku mingahayi hi kunavela ka wona; ¹³ mingahanyiketeni svirho sva n'wina kujoheni, mingahasvitirhiseni kuyendla lesvohomboloka; kambe tinyiketeni ka Xikwembu tani hi vanhu lavahanyaka, lavahumeke xikarhi ka vafi. Kutani minyiketa svirho sva n'wina ka Xikwembu, misvitirhisa kuyendla lesvolulama. ¹⁴ Kujoha kungahamifumi, hikuva amili hansi ka Nawu, kambe svosvi mi le hansi ka timpsalu. ¹⁵ Kutani-ke? Xana hitajoha, hi lesvi hingaliki hansi ka Nawu, kambe hinga hansi ka timpsalu ke? Nikutsongo! ¹⁶ Xana amisvitivi lesvaku, loko mitinyiketa kutirhela mun'wana ni kumuyingisa, misvikarawa sva lweyi mimuyingisaka ke? Hambisvitirhi sva kujoha loku kuyisaka kufeni, hambi svikarawa svakuyingisa loku kuyisaka kululameni. ¹⁷ Kambe akukhensiwe Xikwembu, hikuva n'wina lava va khale amili svikarawa sva kujoha, svosvi miyingisile hi mbilu hinkwayu ntiyiso wa jondzo leyi miyikumeke. ¹⁸ Kutani mitshunxiwile kujoheni, miva mihundzuka svitirhi sva kululama ¹⁹ Nitirhisa mavulavulela ya vanhu, hikuva, hi ntumbuluku, mi vanhu lavanga ni gome. Kufana ni lesvi khale aminyiketile svirho sva n'wina kuva svitirhi sva chaka ni sva kuhomboloka, lesvaku miyendla lesvohomboloka ha svona, svosvi nyiketani svirho sva n'wina kuva svitirhi sva kululama, lesvaku miyendla lesvitengeke ha svona. ²⁰ Hikuva loko mahali svitirhi sva kujoha, amitshunxiwile hi tlhelo ra kululama. ²¹ Xana amitshovela yini minkameni yoleyo, hi kuyendla svilo lesvi svosvi svimikhomisaka tingana, ke? Hikuva makumu ya svona i rifu ²² Kambe svosvi, mitshunxiwile kujoheni, mihundzukile vatirhi va Xikwembu, kutani mihandzu leyi miyitshovelaka svosvi yimiyisa kutengeni; kuheteleleni, mitakuma vutomi lebzingaheliki. ²³ Hikuva hakelo ra xijoho i rifu, kambe nyiko leyinyikiwaka ntsena, leyihumaka ka Xikwembu, i vutomi lebzingaheliki, ha Yesu Kriste Hosi ya hin.