Ndima 5
1
Ngokudaro, itai vaedzerei vaMwari, kudai ngevana vanodikanwa;
2
Muhambe murudo, kudai ndiKristo wakatinda, akazvipira ngepamusoro pedu, kuita mudiro nomubairo kunaMwari zviite gwema rakanaka.
3
Asikuomba nezvinosvipisa zvese nokuemura zvisazoereketwa ndizvo pakati penyu, kudai ngezvinosisira pakati pevakacheneswa;
4
Musatendera kuti kuapo tsvina nokuti kuereketa zvoupezi kutsvinya zvisikasisiri, asi ngakuapo, kubonga.
5
Muwe negwinyiso reizvi, kuti akuna muombi nokuti munhu wakasvipiswa nokuti unoemura kuronza kuti mudiri wemiedzaniso, unoda nhaka mUmambo hwaKristo nohwaMwari.
6
Musachengedzerwa ngomunhu ngemazwi asina shwiro, ngokuti ngendaa yeizvi zviro ushungu hwaMwari hunouya padera pevana vokusikapurutana.
7
Ndizvo musazwanana navo.
8
Ngokuti imwimwi karetu mwaiya chidima, asi zvino muri kujeka muna Mambo; hambai kudai ngevana wokujeka.
9
(Ngokuti michero yokujeka inoneka kunazvese zvakanaka nokururama negwinyiso chokwokadi.)
10
Mechiedza kuziza zvinonasa kundakadza Mambo.
11
Musikanyini nemishando yechindima isina michero, asi ngazvibudiswe oakujeka.
12
Nokuti zvinotserudza kunyazwi kureketa ngeizvo zvinoitwa ndivo mukufishika.
13
Asi apo chiro kwese pachinobudiswa pakujeka chinooneka.
14
Nokuti chiro kwese chinooneka chiri kwokujeka, ndizvo ndinot: Muka, iwewe unoata, muka kubva kwevakafa, naKristo unozokuhenekera.
15
Ndizvo nasai kugwara mukuhamba kwenyu, musikadai ngevanhu vasikazi kungwara, asi mudai ngekangwera;
16
Mwechitenga mukuwo, nokuti mazuva ari akashata.
17
Ndizvo, musaite mampezi, asi mwechizia chiri kuda kwaMambo.
18
Musaradza ngevhini, iro rinoparara kusikadzibata, asi mwechizadwa ndiMweya;
19
Muchivereketa umwe kunoumweni ngenduyo nengoma nokuemba kwoMweya ngMwoyo; yenyu kuna Mambo;
20
Mechibonga kuna Mwari Baba ngezviro zvese ngeguva dzese ngezina raMambo wedu Jesu Kristo;
21
Mechifarirana umwe noumweni mukutya waKristo.
22
Vakadzi, pfairai vamuna venyu, kudai ngezvinoita kuna Mambo;
23
Ngokuti mwamuna uri soro romukadzi, kudai ndiKristo uri soro rechiara muiri uwo waari muponesi.
24
Asi, kudai ngechiara chinomupfaira Kristo, ndizvo vakadzi ngavapfaire vamuna vayo ngezviro zvese.
25
Vamuna, idai vakadzi venyu, kudai ndiKristo wakachida chiara, akadzipira ngepamusoro pacho;
26
kuti achichenese, achisuka ngokuchamab ngemvura neizwi,
27
Kuti adzisire chiara kwaari chiri chiara chinounaka, chisina ndemo nokuti kuonyana nokuti chiro chimweni chakadaro, asi kuti chiite chakachenetswa, chisina neara.
28
Ngokudaro imwimwi vamuna vade vakadzi vavo kudai ivona.
29
Ngokuti iwa anoda mukadzi wake anoda iwena pachake; Ngokuti apana munhu wakambonyenya nyama yake, asi unoikodza nokuingwarira, kudai ngezaanoitavo Kristo kunechiara.
30
Ngokuti isusu tiri nhengo dzomuiri wake.
31
Ngeinyi ndaa munhu unozosiya baba ake namai ake, unozonamatira kumukadzi wake, naavo vairi vanozoita nyama imwe.
32
Ichi chakafika chikurutu, asi ndinoereketa ngendaa yaKristo nechiara.
33
Asi umwe ngaumwe wenyu ngaade mukadzi wake kudai ngezvanodzidza pachake nomukadzi ngaangwarire kuti aremeredze mwamuna wake.