¹ Ngokudaro, inini, ukadhiti waMambo, ndinokuvujai imwimwi kuti fambai kuti mwakadhanijua tinga muakadhanijua, ² kuzvichepesa wese nokukururpa; nokusengerera, nowamweni, ngorudho. ³ Mechiswanga kuchegueta mweya ngechisungo chounyararo. ⁴ Uripo muiri umwe noMweya umwe, kudai mwakandhanijua mukungoda kumwe kwoudaidza kwenyu. ⁵ Mambo umwe, gonda rimwe, kubhabahatidza kumwe; ⁶ Mwari umwe, vari Baba weveshe, vari padera pavo veshe, vanoshanda kubundikidza ndivo vehe, naye urimukati mwavo vese. ⁷ Asi nyasha dzakapuwa kuneumwe ngaumwe wedu kudai ngechipimo chechipo chaKrisito. ⁸ Ndizvo ndinoti: Apo pakakwira mudenga, wakakweva vabatwa, akapa zvipo kuvanhu. ⁹ (Mukati wakakwira, zvinoronzeyi asi kuti wakadzakazve kundau dziri pashi munyika?) ¹⁰ Uwo wakadzaka ndiyedze wakakwira ngeoadera pematenga, kuti azazike zvese zviro. ¹¹ Naye wakapa vamweni kuti vaite vapostori, wamweni vaite vaprofita, vamweni vaite vavhageri, vamweni kuita vaushi nevadzidzisi. ¹² Kuti vakacheneswa vanasirire kumushando wokushandira, kuka muiri waKristu; ¹³ metsa teshe taguma pakutenda kumwekwo noruziyo rwomukororo waMwari, kuita vanhu vakaperera, kuchipimo choukuru hwakapera hwaKristo. ¹⁴ Kuti tisangare tiri vana vadoko, techizunguyiswa mberi nesure nokuvhuvhutwa ngemhepo yokudzidzisa kweshe, ngemazanoakashata avanhu nourimbi, kuti vatipause ngokuchengedzera. ¹⁵ Asi techiereketa gwinyiso murudo, tikure mwaari ngezviro zveshe, uwo uri soro, munaKristu. ¹⁶ Kubva mwaari muiri weshe, unorimbadzwa nokumbatanidzwa pamwepo ngenhengo dzese ngomushado wakanaka wenhungo imwe ngaimwe, unoita kuti muiri ukure kuti udziake murudo. ¹⁷ ngokudaro ndinoti, ndonopa chapupu kuna Mambo, kuti musahamba kudai ngevemadzidza muupenzi wemipinimidzo yavo isina shwiro. ¹⁸ Kwavari muchidima mukuzwisisa kubva, vari vapara mukupona kwaMwari ngendaa yekusazia kwavo nendaa yokukonza kwomwoyo yavo. ¹⁹ Vakarashikirwa ngounhu hweshe wakadzipira mukuemura, vechishanda zveshe zvine tsvina ngokuboka. ²⁰ Asi imwimwi amuzi kudzidza zvakadaro ndiKristo; ²¹ ngegwinyiso mwakamuzwa mukadzidziswa ndiye, kudai ngegwinyiso riri munaJesu; ²² Mwakadzidziswa kuti murashe munhu wekarutu, kunoronza kupona kwenyu kwekarutu, uwo unooreswa ngokuemura kwokuchengedzera; ²³ Kuti mumusidirwe mumweya womupinimidzo wenyu; ²⁴ mupfeke munhu mutsva, uwo wakasikwa akadai ndiMwari mukururama nokucheneswa kwegwinyiso. ²⁵ Ngokudaro, rambai kunhepa, ereketai gwinyiso munhu weshe kuno muakinwana wake; ngokuti tiri nhengo umwe kunoumweni. ²⁶ Tsenekai, musikashaishi; musatendere kuti zuva ripote mwakatsaneka; ²⁷ Musapa ndau kuna maDhiabhorosi. ²⁸ Mbavha ngairekere kuba, asi paugaro peizvo ngaishande, yechishanda zvakanaka ngenyara dzayo, kuti ione zvokupa kwaari unotama. ²⁹ Musatendere kuti kuereketa kwakachata kubude mumiromo yenyu, asi kwenga kwakanaka kunoka, kudai ngezvinoitamika kuti, kupe nyasha kwavari vanokuzwa. ³⁰ Musatsamiswe Mweya wakachena vaMwari, womwakaisirwa chioniso mwaari mtsa kuguma kuzuva rokuripirwa. ³¹ Rasha kubva kwomuri kushata, kweshe ushungu, kutseneka, bope, kutuka nokhururu kweshe. ³² Muitirane nyasha umwe kunoumweni, muano mwoyo yakapfaa, mwechirekererana umwe noumweni kudai ndiMwari wakamurekerera muna Kristo.