¹ Kwaiwapo mumwe murume wewafarisi, wainzi Nikodimo, mukuru wewaJuda. ² Iye akauya kuna Jesu uri wusiku, akati kwaari: Rabhi, tinozia kuti muri mudzidzisi wakabva kunaMwari; nekuti munhu unokwanisa kuita zwiratidzo izwi zwamunoita kana Mwari asiri naye. ³ Jesu akadaira achiti: Zwirokwazwo zwirokwazwo, ndinoti kwauri, kana munhu asingaberekwi paswa haanga woni wuMambo waMwari. ⁴ Nikodimo akati kwari: Munhu unoberekwa sei patswa, amukuru? ungadzokazwe mudumbu ramai wake, akaberekwa? ⁵ Jesu akadaira achiti: Zwirokwazwo, zwirokwazwo ndinoti kwauri, kana munhu asingaberekwai nemvura neMweya, hangapindi muwuMambo waMwari. ⁶ Chinoberekwa nenyama, inyama uye; chinoberekwa neMwaya, iMweya. ⁷ Usashamiswa nekuti ndakati kwauri: munofanira kuberekwa patswa. ⁸ Mhepo inovhuvhuta painoda napo unoswa inzwi rayo; asi hauziwi painobva nepainoenda; mumwe nemumwe wakaberekwa neMweya wakadaro. ⁹ Nikodimo akadaira, achiti: Zwinhu izwi zwinoitika sei? ¹⁰ Jesu akadaira achiti: Iwe uri mudzidzisi waIsraeri, haunzwisisi zwinhu izwozwi here? ¹¹ Zwirokwazwo zwirokwazwo, ndinoti kwauri; ndinotaura zwandinoziwa, tinopupura zwatakawona; asi imi amugamuchiri kupupura kwedu. ¹² Kana ndakakuwudzai zwinhu zwenyika, mukasatenda, munotenda seiko, kana ndichikuwudzai zwinhu zwemweya? ¹³ Akuna munhu akakwira Kudenga, asi Iye akabva Kudenga: iye Mwanakomana weMunhu. ¹⁴ Mosesi sezwakasimudza nyoka Murenje, saizwozwo Mwanakomana weMunhu unofanira kusimudzwawo, ¹⁵ kuti aninani unotenda kwaari asaparare awe neupenyu wusingaperi. ¹⁶ Nekuti Mwari akada nyika nekudaro, kuti akapa Mwanakomana wake; akaberekwa arienga kuti wese uya unotenda kwaari asaparare, asi awe neupenyu usingaperi. ¹⁷ Nekuti Mwari haana kutuma Mwanakomana wake panyika kuti arase nyika; asi kuti nyika iponeswe; ¹⁸ Ani unotenda kwari haatongwi; asi usingatendi kwaari watotongwa; nekuti haana kutenda kuzita reMwanakomana waMwari wakaberekwa enga. ¹⁹ Uku diko kutongwa: kuti chiedza chakauya panyika, asi wanhu wakada rima kupfura chiedza nekuti mabasa awo akanga akaipa. ²⁰ Nekuti wese uya unoita zwakaipa unowenga chiedza haauyi pachiedza, kuti mabasa ake asabudiswe pachena. ²¹ Asi uya unoita zwokwadi unouya pachiedza, kuti mabasa ake awonekwe, kuti akaitwa munaMwari. ²² Shure kwaizwozwo Jesu akauya newadzidzi wake munyika yeJudhea; akangarako newadzidzi wake achibhabhatidza. ²³ NaJohani wakanga achibhabhatidzawo paAinoni, pamwepo naSarimi, nekuti paiwa nemvura yakawanda; waiuya ipapo, wachibhabhatidzwa, ²⁴ nekuti Johani wakanga asati waiswa munjeri. ²⁵ Zwino nharo dzakamukapo pamusoro pekuzwinatsa pakati pewadzidzi waJohani nemumwe muJuda. ²⁶ Wakauya kuna Johani, akati: Rabhi, uya waiwa nemi mhiri kweJordani, wamaipupurira, tarirai iye unobhabhatidza, uye wose wanouya kwaari. ²⁷ Johani akadaira, achiti: Munhu haanga gamuchiri chinhu, kana asina kuchipiwa chichibva Kudenga. ²⁸ Imi chaiwo mungandipupurira kuti, ndakati: Ini handisi Kristu ini asi kuti ndakatumwa pamberi pawo. ²⁹ Uya unemukadzi, nemurume; asi shamwari yemurume, inomira ichimunzwa, inofara zwikuru neinzwi rechikomba. Naizwozwo kufara kwangu uku kwadzadzika. ³⁰ Iye unofanira kukura, asi ini ndinofanira kuhafura. ³¹ Iye unobva kumusoro, ndiye uri pamusoro pawese; neunobva panyika, ndewenyika, unotaura zwenyika. Uya unobva Kudenga ndiye uri pamusoro pawese. ³² Zwakawona ne zwakanzwa, ndizwo zwanopupura; asi akuna munhu unogamuchira kupupura kwake. ³³ Uya wakagamuchira kupupura kwake, wakasimbisa kuti Mwari ndewe zwokwadi. ³⁴ Nekuti wakatumwa naMwari, ndiye unotaura mashoko aMwari; nekuti haapi Mweya achiera. ³⁵ Baba wanoda Mwanakomana, wakamupa zwose muruwoko rwake. ³⁶ Uya unotenda kuMwanakomana uneupenyu wusingaperi; asi uya usingatereri kuMwanakomana haangawoni wupenyu usingaperi, asi kutsamwa kwaMwari kunogara pamusoro pake.