¹ Muzuwa rechitatu pakawa nemutambo wekurora paKana reGarirea; namai waJesu wanga waripo. ² Uye Jesu newadzidzi wake wanga wakakokwawo pamutambo wekurora. ³ Waini yakati ichishota, mai waJesu wakati kwari: Awasisina waini. ⁴ Jesu akati: Ndineiko nemi mai? Nguwa yangu aisati Yaswika. ⁵ Mai wake wakati kuwaranda: Itai zwese zwanokutaurirai. ⁶ Zwino paiwa nemakate matanhatu emapuwe, anga aiswapo maererano netsika yawaJuda, yekuzwinatsa Rimwe nerimwe raidzadzwa nezwiero zwiwiri kana zwitatu. ⁷ Jesu akati kwari: Dzadzai makate nemvura. Iwo wakadzadza kuswikira apamiromo. ⁸ Akati kwari: Cherai muendese kumukuru wemutambo. Zwino wakaendesa. ⁹ Zwino mukuru wemutambo wakati araira mvura yakashaduka waini asingaziwi kwayabva, asi waranda wanga wachera mvura, mukuru wemutambo akadaidza chikomba, akati: ¹⁰ Munhu umwe nemumwe unotanga abudise waini yakanaka, neisinganaki kana wamwa kwazwo wadakwa, wanonyanyisa; Asi iwe wachengeta kuzwikira nanasi. ¹¹ Ichi chiratidzo chake chekutanga Jesu akachiita paKana reGarirea, akaratidza kubwinya kwake; uye wadzidzi wake wakatenda kwaaeri. ¹² Shure kwaizwozwo akabudikira kuKapernaume, Iye na mai wake nehama dzake, newadzidzi wake, akagarapo mazuwa mashomanani. ¹³ Pasika yewaJuda, yanga yakuswika zwino Jesu akakwira Jerusarema. ¹⁴ Akawona muchechi murikutengeswa mombe, nemakwai, nenjiwa, newaitsinhanha mari wakagaramo. ¹⁵ Akaruka tyawayorwonzi, akabudisa kunze kwemuchechi, makwai, nemombe; akaradza mari yose yawatsinhamhira, nekudonesa matafura awo. ¹⁶ Waya waitengesa njiwa, akawati: Bvisai zwinhu izwi muno; musaite imba yaBaba wangu imba yekutengesera! ¹⁷ Wadzidzi wake wakafunga kuti zwakanyorwa kuchiti: Kushingirira imba yenyu kuchandipedza. ¹⁸ Zwino waJuda akadaira, wachiti: Ungatiratidza chiratidzo cheiko zwaunoita zwinhu izwi? ¹⁹ Jesu akadaira achiti: Putsai chechi iyi, Ini ndichaimutsazwe nemazuwa matatu. ²⁰ Zwino, waJuda, wakati: Chechi iyi yakawakwa nemakore anemakumi mana nematanhatu, zwino Iwe ungaimutsa nemazuwa matatu here? ²¹ Asi iye waitaura chehci yemwiri wake. ²² Zwino wakati wamutswa kuwakafa, wadzidzi wake wakatenda kuti Iye anga akazwitaura izwi; wakatenda Magwaro, neShoko rakataurwa naJesu. ²³ Zwino nguwa yanga ari muJerusarema pamutambo wepaseka, wakawanda wakatenda muzita rake, wachiona zwiratidzo zwaiita. ²⁴ Asi Jesu haana kuzwiisa mumaoko awo, nekuti waiziwa wanhu wese. ²⁵ Wanga wasinga tswaki kuti munhu mumwe, apupure zwemunhu, nekuti waiziya iye zwirimumunhu.