¹ Zvinhu izvi ndakakutaurirai kuti musagumburwe. ² Wachakubudisai musinagogi; asi nguwa inosvika, mumwe nemumwe akakurayai, uchati unobatira Mwari Basa. ³ Zvinhu izvi wachazviita, kwamuri, nekuti hawana kuziwa Baba kana Ini. ⁴ Asi ndakakutaurirai izvi, kuti kana nguwa yazosvika mozorangarira, kuti ndakakutaurirai imi; andina kukutaurirai kubva pakutanga nekuti ndanga ndiri nemi. ⁵ Zvino ndakuyenda kune wakandituma; akuna mumwe pakati penyu uchandibvunza kuti: Murikwendepi? ⁶ Zvino, nekukutaurirai zvinhu izvi, moyo yenyu yakazara neshungu. ⁷ Asi Ini ndinokutaurirai chokwadi, kana ndichiti, zvirinani kwamuri, kuti ndiyende, nekuti kana ndisingaendi, Munyaradzi hangauyi kwamuri, asi kana ndikaenda, ndichamutumira kwamuri. ⁸ Iye kana asvika iye uchaziwisa nyika pamusoro pezviwi,n nepamusoro pekururama, nepamusoro pekutongwa. ⁹ Pamusoro pezviwi, nekuti hawatendi kwaandiri; ¹⁰ Pamusoro pekururama, nekuti ndinoenda kuna Baba wangu amuchazondiwoni; ¹¹ Pamusoro pekutongwa, muchinda wenyika ino watongwa ¹² Ndine zvakawanda zvandirikuda kukutaurirai asi izvezvi amukwanisi kuzvigamuchira. ¹³ Asi kana wasvika mweya wechokwadi, uchakutungamirirai muchokwadi, nekuti haangatauri zvake asi, zvakadzwa, ndizvo zvachataura, uye achakuparidzirai. ¹⁴ Iye uchandikudza, nekuti uchatora pane zvangu, akakuparidzirai. ¹⁵ Zvese zvina Baba ndezvangu; sakei ndakati: Uchatora pane zvangu akaratidza kwamuri. ¹⁶ Nguwa shoma yasara, amuchazondiwoni. ¹⁷ Zvino wamwe wewadzidzi wakataurirana wachiti: Zvirikutaureiko izvi zvaarikutaura: Kuti, nguwa ishoma yasara, amuchazondiwona, uyezve nguwa shoma yasara amuchazondiwoni; uye nekuti: Ndirikwenda kuna Baba? ¹⁸ Zvino wakati: Chiko charkutaura? Nguwa Shoma? Atiziwi Zvaarikutaura. ¹⁹ Jesu akazviziwa kuti warikuda kumubvunza, akati kwari: Murikubvunzana here pamusoro pechinhu chandataura pakati penyu ndichiti: Pasara mguwa shomana, amuchazondiwona, uye nguwa ishomana yamuchandiwona? ²⁰ Zvirokwazvo, zvirokwazvo, ndinoti kwamuri: Muchanyunyuta, muchachema, asi nyika ichafara; Imi muchadzwa shungu, asi shungu nzenyu dzichashanduka mufaro. ²¹ Mukadzi kana arikobereka anodzwa shungu, nekuti nguwa yake inege yakwana; Asi kana abereka mwana haachafungi matambudziko, nekufara kwake, nekuti munhu berekwa panyika. ²² Zvino imi muneshungu, asi ndichakuwonaizve, nemoyo yenyu ichafara; akuna munhu uchakutorerai mufaro wenyu. ²³ Muzuwa iroro apana chamunondibvunza. Zvirokwazvo, zvirokwazvo, ndinoti kwamuri: Zvinhu zvese zvamunokumbira kunaBaba wangu muzita rangu achakupai. ²⁴ Nanasi amusati makumbira chinhu muzita rangu; kumbirai muchapiwa, mufaro wenyu udzadziswe. ²⁵ Zvinu izvi tangutaurirai nemufananidzo; nguwa inouya yandisingazotauri kwamuri nemifananidzo; Asi ndichakuparidzirai pachena zvaBaba. ²⁶ Muzuwa iroro muchakumbira muzita rangu; Andikutauriri kuti ndichakunyegetererai ini kuna Baba kwamuri. ²⁷ Nekuti Baba wangu wanokudai , nekuti imi makandida, makatenda kuti ndakabva kuna Mwari. ²⁸ Ndakabva kuna Baba, ndikauya panyika; Zvekare ndichasiya nyika, ndikaenda kuna Baba. ²⁹ Wadzidziwake wakati kuna Jesu: zvino mataura pachena pasina mifanananidzo. ³⁰ Zvino takuziwa kuti munoziya zvese, amunsvaki kuti munhu arikubvunzei. Sakei tinotenda kuti makabva kuna Mewari. ³¹ Jesu akadaira achiti: Zvino makutenda here? ³² Zvino nguwa inouya, uye yatosvika, yamuchaparadzirwa mumwe nemumwe kunezvake, muchandisiya ndiri ndega. Asi andisi ndega nekuti Baba warimandiri. ³³ Zvinu izvi ndakakutaurirai kuti muwe nerugare mandiri; panyika munotambudzika; asi sungai moyo, ini ndakakunda nyika.