¹ Sezvo ndiri musungwa waShe, zvino ndinokukurudzirai kuti murarame upenyu wakafanira kudanwa kwamakagamuchira, ² raramai upenyu wekuzvininipisa, netsitsi uye mupfawe, muite moyo murefu murudo. ³ Mushingaire kuchengeta humwe weMweya kubudikidza nechisungo cherugare. ⁴ Pano mwiri mumwe chete neMweya mumwe chete, sezvo makadanirwa kutariro imwe chete pamakadanwa. ⁵ Ishe mumwe, kutenda kumwe, rubhabhatidzo rimwe, ⁶ Mwari mumwe naBaba wawose. Ari pamusoro pawose uye kubudikidza naose, uye muna wose. ⁷ Asi kuno mumwe nemumwe wedu kwakapiwa nyasha sekugowerwa kwadzakaitwa naKristu. ⁸ Ndosaka zvichinzi: “Paakakwira kudenga, akatungamirira dungwe renhapwa reKarvhari, uye akapa zvipo kuwanhu wake.” ⁹ Zvinorewei kuti “akakwira”, asi kuti akaburukawo kumatiwi ari pasi penyika? ¹⁰ Iye akaburuka ndiye chaiye akakwira kumusoro-soro kupfuura kudenga denga, kuitira kuti azadze pasi pose. ¹¹ Ndiye akapa wamwe kuti wawe wapostori, wamwe kuti wawe waprofita, wamwe kuti wawe wevhangeri, uye wamwe kuti wawe wafudzi newafundisi. ¹² Kuti wagadzirire wanhu wake watswene pabasa rekushumira, kuitira kuti muwiri waKristu uwakwe. ¹³ kudzamara isu tose tasvika paumwe mukutenda uye nemukuziwa Mwanakomana waMwari nepamunhu akura, asvika pachiyero chese chekuzara kwaKristu. ¹⁴ Ipapo hatingazorambi tiri wacheche, wanosundirwa shure nemberi wachipeperetswa kuno neuko nemhepo ipi zvayo yedzidziso, uye nekunyengera neusvinu wawanhu mukutsausa kwekunyengera kwawo. ¹⁵ Asi, tichitaura chokwadi murudo, tichakura pazvinhu zvese maari, Iye musoro, iye Kristu. ¹⁶ Kristu anowaka muwiri wose, wakasanganiswa uye wakabatanidzwa pamwe chete nenhengo dzose dzichiusimbisa unokura, uye, unozviwaka murudo, sezvo mutezo mumwe nemumwe uchiita basa rawo, Kurarama sawana wechiedza. ¹⁷ Saka ndinokuudzai izvi, uye murambire pazviri muna She: kuti hamufaniri kuramba muchirarama sewaHedheni, muupenzi wendangariro dzawo. ¹⁸ mukunzwisisa kwawo uye wakaparadzaniswa neupenyu waMwari nekuda kwekusaziva kuri mawari nekuda kweukukutu wemwoyo yawo. ¹⁹ Wasisina nyadzi, wakasvika kuutera kuitira kuti wagoita mabasa ose etsvina, nekuchiwa zvakawanda. ²⁰ Kunyange zvakadaro imi hamuna kuziwa Kristu saizvozvo. ²¹ Zvirokwazvo makanzwa nezvake uye makadzidziswa maari maererano nechokwadi chiri muna Jesu. ²² Makadzidziswa, maererano namafambiro enyu ekare, kuti mubvise munhu wenyu wekare. Anoodzwa nekuchiwa kwokunyengera. ²³ kuti muitwe watswa mukufunga kwendangariro dzenyu, ²⁴ uye mufuke munhu mutswa akasikwa kuti afanane naMwari, mukururama kwechokwadi neutswene. ²⁵ Naizvozvo mumwe nemumwe wenyu anofanira kubvisa nhema uye ataure chokwadi kune muwakidzani wake, nekuti isu tose tiri nhengo dzemuwiri mumwe. ²⁶ Mukutsamwa kwenyu, musatadza. Musarega zuwa richiwira muchakangotsamwa. ²⁷ Musapa dhiabhori mukana. ²⁸ Uyo akanga achimboba ngaarege kuzobazve; asi anofanira kushanda, achiita zvinhu zvinobatsira nemaoko ake, kuti awe nechaangagowera awo wanoshayiwa. ²⁹ Musarega kutaura kwakaora kuchibuda mumiromo yenyu, asi chete zvinobatsira pakuwaka wamwe maererano nezvawanoshayiwa, kuti zvigobatsira awo wanozwa. ³⁰ Uye musachemedza Mweya Mutswene waMwari, uyo wakaitwa chisimbiso chenyu pazuwa rekudzikinurwa. ³¹ Bvisai shungu dzose, hasha nekutsamwa, kupopota namakuhwa pamwe chete nekuwenga kwose. ³² Muitirane moyo munyoro uye munzwirane tsitsi, muchikanganwira mumwe nemumwe wenyu, sezvamakakanganwirwa naMwari muna Kristu.