¹ Nekuda kwaizvozvi, ini Pauro, musungwa waKristu Jesu nekuda kwenyu imi, weDzimwe Ndudzi. ² Zvirokwazvo makazwa zvekugowerwa kwenyasha dzaMwari dzakapiwa, kwandiri nekuda kwenyu, ³ Kuti chakawanzika chakaziwiswa kwandiri. Nekuzarurirwa, sezvandakatonyora muchidimbu. ⁴ Mukuwerenga izvi, ipapo muchagona kunzwisisa maonero andinoita chakawanzika chaKristu. ⁵ Chisina kuziwiswa kuwanhu kana mamwe marudzi, sezvachakaratidzwa zvino neMweya kuwapostori nawaprofita watswene waMwari. ⁶ Chakawanzika ichi ndechekuti, kubudikidza nevhangeri, weDzimwe Ndudzi wawa waryi wenhaka pamwe chete newaIsraeri uye wawa nhengo pamwe chete dzomuwiri mumwe chete, wagowani pamwe chete muchiwimbiso chiri muna Kristu Jesu. ⁷ Naizvozvo, Ndakawa muranda wevhangeri iri nechipo chenyasha dzaMwari, dzakapiwa kwandiri kubudikidza nekushanda kwesimba Rake. ⁸ Kunyange ndiri muduku pawanhu wose, Mwari wakandipa chipo ichi, kuti ndiparidze vhangeri kune weDzimwe Ndudzi pfuma yaKristu isinganzwisisiki. ⁹ Chipo ichi ndechekuti ndiratidze pachena kuwanhu wose kugowerwa kwechakawanzika icho panguwa yakare chakanga chakawigwa muna Mwari, iye akasika zvinhu zvose ¹⁰ zvaaida zvino, ndezvokuti, kubudikidza nekereke, uchenjeri waMwari ukuru uziwiswe kuwatongi nawane simba wari muchadenga. ¹¹ maererano newawariro yake isingaperi yaakakwanisa muna Kristu Jesu, Ishe wedu, ¹² uye kubudikidza nekutenda kwaari, tinogona kusvika kuna Mwari takasununguka uye tisingatyi. ¹³ Naizvozvo ndinokukumbirai, kuti murege kuora moyo nekuda kwamatambudziko angu nekuda kwenyu, anowa kukudzwa kwenyu. ¹⁴ Nekuda kwaizvozvi, ndinofugama pamberi paBaba, ¹⁵ nekuti mhuri yawo yose iri kudenga nepanyika inowana zita rayo kubva kwawari. ¹⁶ Ndinonamata kuti akupei, kubva papfuma yekubwinya kwawo, wakusimbisei nesimba, neMweya wawo, mumunhu wemukati, ¹⁷ kuti Kristu agare mumoyo yenyu nekutenda, Uye ndinonyengetera kuti imi, muwe nemidzi uye musimbiswe murudo. ¹⁸ muwe nesimba, pamwe chete newatswene wose, kuti mubate kuti kupamhamha, nekureba uye kukwirira, nekudzika kwerudo raKristu kwakadii, ¹⁹ uye muziwe rudo ir muna Kristu, rinopfuura ruziwo, kuti muzadzwe kusvikira pachiyero chokuzara kwose kwaMwari. ²⁰ Zvino, iye anogona kuita zvikuru zvisingagoni kuyerwa kupfuura zvese zvatingakumbira kana kufunga, maererano nesimba rake riri kushanda mukati medu, ²¹ ngaawe nekubwinya mukereke uye nemuna Kristu Jesu, kumarudzi nemarudzi, nekusingaperi-peri. Ameni.