¹ Kana muri imi, makanga makafa mukudarika kwenyu nomuzviwi, ² izvo zvamaigara mazviri pamaitewera nzira dzenyika ino uye nedzomutongi weushe wemuchadenga. Iwo mweya unoshanda zvino muna awo wasingateereri. ³ Isu tose taigara pakati pawo wasingatendi pane imwe nguwa, tichikudza kuchiwa kwenyama yedu, yezviwi uye tichitewera zvido zvedu nezvataifunga. Sezvakangoita wamwe wose pakuzvarwa kwedu takanga tiri wana wekutsamwirwa. ⁴ Asi nekuda kwerudo rake rikuru kwatiri, Mwari, iye akapfuma pangoni. ⁵ Akatiita wapenyu muna Kristu kunyange zvedu takanga takafa mukudarika kwedu, makaponeswa nenyasha. ⁶ Uye Mwari akatimutsa pamwe chete naKristu akatigarisa kudenga muna Kristu Jesu, ⁷ kuitira kuti, munguwa dzinouya, aratidze pfuma yake huru yenyasha dzake zvichiratidzwa muunyoro wake kwatiri muna Kristu Jesu. ⁸ Nekuti makaponeswa nenyasha, kubudikidza nekutenda, uye izvi hazvibvi kwamuri, chipo chaMwari, ⁹ kwete nemabasa, kuti parege kuwa nemunhu anozvikudza. ¹⁰ Nekuti tiri basa raMwari, rakasikwa muna Kristu Jesu kuti tiite mabasa akanaka, akagadzirwa naMwari kare kuti tiaite. Tiri wamwe chete muna Kristu ¹¹ Naizvozvo rangarirai, kuti kare imi weDzimwe Ndudzi pakuzvarwa, uye muchinzi wasina kudzingiswa naawo waizviti “wakadzingiswa” uko kunoitwa pamuviri namaoko avanhu, ¹² rangarirai kuti panguwa iyoyo makanga makaparadzaniswa naKristu. Musingawerengwi muzvizvarwa zveIsraeri uye muri watorwa musungano dzechipikirwa, musina tariro uye musina Mwari munyika. ¹³ Asi zvino, muna Kristu Jesu, imi, makanga muri kure kare makaswededzwa pedyo naMwari kubudikidza neropa raKristu. ¹⁴ Nekuti iye pachake ndiye rugare redu. Akaita kuti wawiri wawe chinhu chimwe uye akaparadza mukaha iro ruswingo rekuwengana raiwaparadzanisa. ¹⁵ Nekuparadza munyama yake murayiro, mitemo yacho pamwe chete uye nezvakatemwa. Wawariro yake yakanga iri yekusika maari munhu mumwe chete mutsva kubva pawawiri, naizvozvo aite rugare, ¹⁶ uye mumuwiri mumwe chete uyu, Kristu ayananise wawiri awa kuna Mwari kubudikidza nemuchinjikwa, wakaparadza kuwengana kwawo. ¹⁷ Jeso akauya akaparidza rugare kwamuri imi makanga muri kure uye rugare kuna awo wakanga wari paduze. ¹⁸ Nekuti kubudikidza naJesu, isu tose tinosvika kuna Baba neMweya mumwe chete. ¹⁹ Saka zvino, hamuchisiri watorwa kana waeni, asi wagari pamwe chete newanhu waMwari uye mawa weimba yaMwari. ²⁰ Makawakwa panheyo dzawapostori newaprofita, naKristu Jesu pachake iye dombo rapakona. ²¹ Maari imba yose yakabatanidzwa pamwe chete uye inokura kuti iwe temberi tswene muna She. ²² Uye maari nemiwo makawakwa pamwe chete kuti muwe ugaro waMwari muMweya.