¹ Mu mayuva ogho Johanesan muyogholi aya nakuya yuvita mumburundu ya Judea nakughamba, '' ² Kushighurenu, ghuntungi wa liwiru papepi ghuna kara.'' ³ Ghuno ndje a ghambire muporofete Isaya, nakughamba ashi, '' Liywi lya ghumwe ana kukugho mumburundu. Wapayikenu Ndjira yaHompa, muture Ndjira yendi yivyukilire.'' ⁴ Johanesa kadwatanga vyuma vya huki da ngamero ntani na ruvya rwa shipapa mumbunda yendi. ndya dendi kwakalire shimbonde ntani na ghushi wamuwiya. ⁵ Makura Jerusalema, Judea nayintje, ntani namaruha mukunda gha kundurukido mukuro wa Jordan ava rupuka vayende kwendi. ⁶ ghuye avayoghire muMukuro wa Jordan, mukutongonona ndjo davo. ⁷ Ana ngoli apa amonine va Falisayi nava sadukayi vavangi kuna kuya kwendi aya vayoghe, ghuye a ghamba kwavo ashi, '' Anwe vana vava mbaroka, are amurondoro mukushenduka ghugara waunene ogho ghuna kuyo? ⁸ Yimenu viyimwa vyaviwa vya likutezururo. ⁹ Kapishi mughayare kughamba mukatji kenu, ' Atwe twakara na Abraham wava shetu.' Mpo ame nakughamba kwenu ashi Karunga kuvivura kurambwita vana va Abraham nampili mumawe ghano. ¹⁰ Likuva vana litura kare kundandani da vitondo. Kehe shino shitondo shadirango kuyima viyimwa vyaviwa kushiteta naku shivukumina mumundiro. ¹¹ ''Ame kuna kumu yogha namema ghali kutezururo. Ano ngoli ogho ngayo kunyima yande ghuye nkondo kupitakana ame, ntani kapi nawapera kumushimbira vicapa vyendi. ngaya muyogha na Mpepo yakupongoka ntani na mundiro. ¹² Shikenito mulighoko lyendi sha kara mukukenita rupare ntani nakupongeka rukokotwa rwendi mushishete. Ano ngoli nga shora rungu namundiro wakudira kudima''. ¹³ Makura Yesusa atundu ku Galileya ayende ku Mukuro wa Jordan aka muyoghe Johanesa. ¹⁴ Ano ngoli Johanesa ashetikilireko muku mukuva, na kughamba ashi, '' Nashana ghu ndjoghe ove, Ano ngoli ove kuna kuya kwande?'' ¹⁵ Yesusa a limburura na kughamba kwendi ashi, '' vipulitire ngoli weno, vyahungama kwetu kutikitamo ghuhungami naghuntje''. Makura Johanesa a mupulitire. ¹⁶ Muruku ghuye vanamuyogho, Mpo ngoli Yesusa ayaghukiremo mumema, na kumona, liwiru lina mugharukiri. ghuye a monine mpepo yaKarunga kuna kusheghumukira pendi yira liputukuwa ntani nakuya pwiyumukira papendi. ¹⁷ Kenga, liywi ali rupuka muwiru na kughamba ashi, '' Ghuno monande wakuhora. Ame ndje nahafanga kumwe naye.