¹ Muruku yesusa vanamushampuruka mu Betelhem yamu Yudeya mumayuva gha Herodesa hompa, vakafumu vakukushonga vakughupumeyuva vayatikire mu Yerusalemu nakughamba, ² ''Kuninko oghu kuvashampuruka hompa wava Yuda? Atwe twamonine ntungwedi yendi kughupumeyuva mbyo tunaya tuyamoneke ghuye''. ³ Opo hompa herodesa ayuvire vino, ghuye vyamupiyaganikire, ntani nayintje Yerusalema kumwe naye. ⁴ Herodesa ayitire kumwe vapristeli vavakurona navantje ntani valirongi vamatjangwa vovantu, ntani ghuye avapulire vavo, ''kuninko kristus ngavamuyitira? ⁵ ''Vavo avaghamba kukwendi, ''Mu Betelhemu ya Yudeya, vino mbyo vatjanga vaporofete, ⁶ Ano ngoli ove, Betelhemu, mulivango lyaYuda, kapishi wamudidi mukashi kavapangeli muJuda, mumoye ngamutunda ghumwe ogho apangerango, ogho nga kungo vantu vande Israel. ⁷ Makura Herodesa mukaholya-holya ayitire vakafumu vakukushonga mukuyavapura vavo nawa-nawa shiruwo munke ntungwedi yamonikire. ⁸ Ghuye avatumine vavo kuBetelhem, aghamba, ''Yendenu ntani mukapapare nawa mwanukeghona.Apa anwe mukamuwana ghuye, ndjitirenu vitundwamo mpo ashi ame nganivure kuya nganiyamukarerepo ghuye. ⁹ Muruku vavo vanategherere kwahompa, Vavo avayendi mundjira yavo, ntani ntungwedi oyo vamonine kughupumeyuva yayendire kughuto wavo dogoro yayire ntani nakuyimana teghete mpopo akalire mwanukeghona. ¹⁰ Opo vamonine ntungwedi, avahafa makuruhafa. ¹¹ Vavo avayendi mundjugho ntani avamono mwanukeghona naMaria vawina. Avaghu vamukarere ghuye.Vavo varongwilire maghungagho ghavo ntani avamupe maghushwi ghangorodo, vitutumikida, ntani maghungongwera. ¹² Karunga avarondolire vavo mundjodi mukupira kuvyuka kwa Herodesa, Mpo vavyukire kushirongo shavo nandjira nayopeke ¹³ Muruku vavo vanatundupo, muengeli waHompa amoneke kwa Josef. Mundjugho ntani aghamba, ''Shapuka, ghupa mwanuke ntani navawina, ntani mutjwayukire kuEgipte. kakarenu nkoko dogoro Ame nganimutantere anwe, Herodesa ngapapara mwanukeghona ngamudjonaurepo ghuye.'' ¹⁴ Matiku ngogho Josef arambukire ntani aghupire mwanukeghona ntani navawina ntani vayendire kuEgipte. ¹⁵ Ghuye akakalire nkoko dogoro mfa daHerodes. Vino vyatikitiremo ovyo Hompa aghambire muvaporofeta, ''Pandje yaEgipte nakuwire monande. ¹⁶ Makura Herodes, opo amonine ashi vanamukongo vakafumu vakukushonga, agarapire ngudu. Ghuye atumu ntani nakudipagha vanuke vavamati navantje ovo vakaliro muBetelhem ntani namunyendi mulidingonoko maukonda ovo vakaliro pamwaka mbiri ntani kuntji, kutwara kushiruwo osho atatilire nawa-nawa kuvakafumu vakukushonga. ¹⁷ Makura vyatikiremo ovyo vaghambire mwa Jeremiya muporofeta, ¹⁸ ''Liywi kwaliyuvire muRama, malirankali ntani narugugho rwarunene, Rakere kuna kulilira vana vendi, ntani ghuye ashwena mukumushengawida, mbyoyo vapilire.'' ¹⁹ Opo a fire Herodes, makura, muengeli waHompa amonekere mundjodi Josef muEgipte ntani aghamba, ²⁰ ''Shapuka ntani ghupa mwanuke ntani navawina ntani yenda kushirongo sha Israel, Ovo vashanino kudipagha mwanuke vafa.'' ²¹ Josef arambuka, aghupu mwanuke navawina, ntani vayire kushirongo sha Israel. ²² En engoli opo ghuye a yuvire ashi Arukeraus kuna kupangera muJudeya mulivango lyavashe Herodes, ghuye atjilire mukuyendako.Muruku karunga anamurondora mudjodi, ghuye ayendi kulidingonoko mukunda wa Galileya ²³ ntani akatungire mushitata vatwenyanga Nasaret. Vino vyatikitiremo ovyo vaghambilire muvaporofete, ngavamutwenya muNasareti.