¹ Kapishi shingi shenu ashi mukare varpngi, vaghunyande mwayivha nawa ashi ku kwetu atwe varongi ngava katu pangura mwa mudito, ² Mukonda ashi atwe mapuko ghetu mangi. Ntjene mpwali ghumwe adirango kukupuka mukughamba nkango, ogho ahungama, na rutu rwendi naruntje ghuye kuvhura kuru pangera. ³ Atwe kutura vitoma mutunwa twa nkambe mposhi tukimburukwe kukwetu, mposhi tupangere marutu naghantje. ⁴ Ghayarenu tupu vikepa, nampili weyo vyanenepa ntani kuyenda nampepo yankondo, ku shighuka ku karuhuli kakadidi kehe kuno ana shana mushingi. ⁵ Mundjira ndjoyino, ruraka kwa kara ruha rwa rudidi kururtu, ano ngoli kuku nene pitira vininke vyavinene unene. Monenu waro ashi kamundiro kakadidi kuveveka mutitu na wiya wa unene. ⁶ Ruraka waro naro mundiro, shirongo shaghundjoni shakaro mumwetu sha kuvhura kunyateka maruha gha rutu naghantje. Ruraka kunyateka rutu mudima, kutura ukaro na liparu mudima mumundiro, ntani kutura liparu lya muntu mumundiro wa naruntje. ⁷ Mukondashi kehe rudi viwa vikorama, vidira, mayoka navina monyo vya mulifuta vantu va videghurango. ⁸ Ano ngoli kwato wa kuvhura kudeura ruraka. Rwaro kwakaa naghudona wa unene, ntani kwayura ghushungu wa kudipagha. ⁹ Atwe kururughanita tupande Hompa na shetu, ntani kurughanita tufinge vantu, ova vahunga ku shishwi sha Karunga. ¹⁰ Momu mukanwa kamwe tupu kutundamo matungiko na mafingo. Vaghunyande, ovino vininke kapishi vi shoroke. ¹¹ Ngoli shili kumu lihu ghumwe tupu kuvhura kutunde mema ghamawa na mema gha ghururu? ¹² Shiri vaghunyande kushitondo sha Ukuyu kuvhura diyime ko ndjwe ndi? Ndipo kushi ndjembere kuyime Ukuyu ndi? Vyaggushiri ku mema ghamungwa kuvhura atundeko mema a shuka. ¹³ Are wa ghukonentu na mukwati lighano mukatji kenu? Ghuye aneghede ghukaro wa ghuwa muvirughana vyendi vya ghukonentu na kuku didi pita. ¹⁴ Ano ntjene wakara na mfudu ya yidona kumwe nalidogho lya mumutjima, walye mwaku pandayikanga ashi muture vimpempa ngo ghu karo ushili. ¹⁵ Oghuno kapishi ghukonentu wa kutunda muwiru. Ano ngoli, kwatunda pa ntunda ya livhu, wa mpepo dadidona da ghu satana. ¹⁶ Mukonda kehe kuno kwa karo mfudu na lidogho, kwa kara na mapiyagano ntani navi rughana vya vidona. ¹⁷ Ano ngoli ghukonentu wa ku tunda muliwiru shakuhova wa kushuka, kwa kara na mpora, kwa kara na mbili, kukara na ma kuyuvho, kwa yura ufe nkenda navi yimwa vya viwa, kapi kwa kara maruha na ukupaki. ¹⁸ Viyimwa vya Uhungami kwa vikunanga na mbili ntani kwavo vakaro na mbili.