¹ Kuninko dina kutunda dimutangu na kupira likuyuvho mukatji kenu? Kutundulira ku madogho ghenu ghama dona ogho amu rughanitango mukatji kenu? ² Anwe kudoghokera vininke, ano angoli kapi mwa viwananga. Makura kudipagha na kudoghokera waro ano ngoli kunderako ovyo mwawanangamo. Kutameka vita na dimutangu murwane. Kapi mwaviwananga mukonda ashi kapo mwa shungida kwa Karunga amupe. ³ Anwe nampili mushungide ano ngoli kapi mwavi wananga mukonda anwe kushungida mwamudona, ashi mudaniteko madogho ghenu amadona. ⁴ Anwe vatjoli nkwara? Kapi mwa viyiva ashi kukara ukwagho na Udjuni ne unkore na Karunga? Kehe ghuno akaro na lidogho waro aku kwate ukwagho na udjuni ogho kukara muna nkore na Karunga. ⁵ Ndi anwe kughayara ashi matjangwa kwa tanta vay maghoko-ghoko pa kughamba '' Mpepo oyo atura yitunge mu mwetu ya kara nalifupa lya linene''? ⁶ Ano ngoli karunga kwa tupa nkenda yayinene ya kupitakana, matjangwa kwa tanta, ''Karunga kwa nyenga vakukunene pita, ano ngoli kutapa nkenda kwavo vakuku didipita.'' ⁷ Kutapenu ngoli kwa Karunga. Kandanenu mudjonaghuli ghuye atundepo pa penu. ⁸ Yenu mushwene pepi na Karunga, ghuye akarae pepi nanwe. Kushururenu maghoko ghenu, anwe vana ndjo, kenitenu dimutjima denu, anwe vantu va dimuntjima koka. ⁹ Guvenu, kemenu na kulira! Renkenu kushepa kwenu kukare ligugho ntani ruhafo rukare utighona. ¹⁰ Kudidi pitenu kushipara sha Karunga, ghuye amunene pite. ¹¹ Kapishi muku ghambere mwamu dona ghumwe na ghunyendi vaghunyande. Kehe ghuno wa kughamba udona kwa ghunyendi ndi wapangura va unyendi ogho kughamba veta mwa mudona ntani ghuye kupangura veta. Ntjene ashi ove kupangura veta, ove kapi wa tikitangamo veta ano ngoli ove mupanguli. ¹² Pa kara ghumwe tupu ogho aturopo veta ntani ghuye ndje mupanguli. Ndje tupu pandjendi wa kuvhura kupopera monyo ndi kudjonaurapo. Ove po overe, ove wa kupangura vaghunyoye? ¹³ Weno teghererenu, anwe vakughamba, ''Namuntji ndi yona ngaktu yenda ku shitata, ngatu kakaremo mwaka naghuntje, tuka rughane ngeshefa na kuka shana limona lya linene''! ¹⁴ Are wakuyiva ashi vinke ngavi shoroka yona ndi liparu lyenu weni lyafana? Anwe kwafana yira muti wa kukarapo tupu shirugho sha shididi makura kudongonokapo. ¹⁵ Hasha tupu, nkene amughambanga, '' Ntjene ashi muvipanga vya Karunga, tukare na monyo ngatu vhura kurughana vino na vya weno.'' ¹⁶ Ano ngoli anwe kukutumba na kukupanda yika maghano ghama dona. Kuka panda yikira maghano aghurunde tupu. ¹⁷ Ano ngoli kwa kehe ghuno ayivho ghuwa ene ngoli kapi aghuruwananga, ogho muna ndjo.