¹ Rehoboam ayendi kushekemu, vaIsrael navantje ava yendi kushekemu mykukamutura Hompa. ² Apa Jeroboam mona wamukafumu waNebati avi yuvire vino (ghuye kwakalire mu Egipite, mo atjayukilire aduke Hompa Salomon), aka vyuka ku Egipite. ³ Makura avatumu nakukamushimba, ntani Jeroboam nava Israel navantje ava ya; ava ghamba kwaRehoboam nakughamba, ⁴ ''Vasho kwa renka Joko yetu yiditope. Weno ngoli, renka kurughana unene kwa vasho kurerupeko, ntani kurerupikako udito wa Joko oghu atura papetu, ntani ngatukukarera.'' ⁵ Rehoboam aghamba kukwavo, ''Ngamu kaye nka kwande kunyima yamayuva matatu.'' Makura vantu ava kavyuka. ⁶ Hompa Rehoboam atantereko vakurona vavakafumu ava kava yimanango kumeho ya Salomon vashe ghuye shimpe muyumi; ghuye aghamba, ''Mpenuko maghano ashi weni omo ngani tapa liimbururo kuvantu vano vano?' ⁷ Vavo ava ghamba kukwendi ashi, ''Ntjene ve ghumuwa kuvantu vano nakuva kanderera nakughamba nkango dadiwa kukwavco, makura vavo ngava kara varughani voye.'' ⁸ Ene ngoli Rehoboam a ncenuna makorangedo vamupire vakurona, nakukapura vakafumughona ava akalire navo ava kava shapukango kumeho yendi. ⁹ Ghuye aghamba kukwavo, '' Makorangedo munke mumpako, mposhi tuka tape lilimbururo kuvantu ava kava ghambo kukwande na kughamba, ''Rerupita joko eyi vasho vatura papetu?'' ¹⁰ Vakafumughona vakaliro na Rehoboam ava ghamba nakumutantera ashi, 'Weno mo uka ghamba kuvantu ovo kavaghambo ashi vasho Salomon kwarenka joko yavo yiditope, ene ngoli ashi ghuyi renke yirerupe. Vino mbyo ghuka ghamba kukwavo, ' Nyara yande yayididi yinenepe kupitakana mumbunda yavavava. ¹¹ Makura weno, nampiri ngoli vavava vatura penu mudigho wa joko yaudito, ame kuni wedererapo pa joko yenu. Vavava kava mutengekanga na ngora, ene ngoli ame nganimutengekange nava Nge.'' ¹² Makura Jeroboam natni vantu navantje ava ya kwa Rehoboam muliyuva lyautatu, yira moomu avi ghambire Hompa, '' Kayenu kukwande kunyima yamayuva matatu.'' ¹³ Rehoboam aghamba kukwavo mwamudona, kuncenuna makorangedo ghavakurona. ¹⁴ Ghuye aghamba kukwavo kukwama kumakorangedo ghava kafumughona, kughamba, 'Vavava varenkire joko yenu yikare udito, ene ngoli ame ngani wedererako. Vavava kava mutengekanga nangora, ene ngoli ame ngani mutengekanga nava Nge.'' ¹⁵ Hompa kapi ateghelire kuvantu, kwa kalire likutjindjo muvilika ayitire kuhamena Karunga, ashi Hompa ngashimba nkango dendi ashi Ahiya wakushilo aghambire kwamJeroboam mona wamukafumu wa Nebati. ¹⁶ Apa vaIsrael va monine ashi hompa kapi ateghelilirekukwavo, vantu ava mulimburura kkwendi na kughamba, ''Likutapero munke twa kara nalyo mwa Ndafita? Atwe kwato upingwa mu vana va Jess! Kehe uno wenu a yende a vyuke ku tende, yendi, Israel. Weno kenga kundjugho yanaumoye ,Ndafita. '' Makura vaIsrael navantje avavyuka kutende davo. ¹⁷ Ene ngoli kuvantu vaIsraelavav va tungiro munkurumbara yaJuda,Rehoboyamu kava pangeranga. ¹⁸ Makura hompa Rehoboyamu a tumu Adoniramu,oghu a kaliro mulipititirolyakutura vantu muvirughana,ene ngoli vantu vaIsrael ava mu vhumanga namawe va mu dipaghe. Hompa R ehoboyamu a rondo wangu mu mukarukara kendi nakudukira kuJerusalemu. ¹⁹ Makura vaIsrael va kaliro nalidiro kukuyuva pakatji kao namundi wa Ndafita nakuliyuva lino.