¹ Apa Rehoboyamu a kalire muJerusalemu, aka pongeka mundi waJuda ntani waBenjameni, 180000 vakafumu aka horowire vakare vakavita, varwanite vaIsrael, mukuvyutirapo lipangero lya Rehoboyamu. ² Ene ngoli nkango yaHompa a yiya kwa Shemayiya muntu wakarunga, kughamba, ³ ''Ghamba kwa Rehoboyamu mona Saromo, hompa waJuda, ntani kuvaIsrael navantje vamuJuda, naBenjameni, ⁴ ' Hompa ana ghambo vino, '' Mwasha homokera ndi mu ture vita kuvaghuni venu. Kehe uno a vyuke kumundi wendi , morwa ame na renko vino vi shoroke.'''' Makura ava di dtikitamo nkango daHompa nakuvyuka mukudira kuhomona Rehoboyamu ⁵ Rehoboyamu kwa tungire muJerusalemu nakutunga nkurumbara muJuda mukukupopera. ⁶ Uye a tungu Beterehema,Etamu,Tekoya, ⁷ Betesuru,Soko,Adaramu, ⁸ Gti,Mareshana,Sipa, ⁹ Adoriyamu,Raseka, ¹⁰ Sora,Ayaroni, ntani Heburoni. Dino ndo nkurumbara dadinene muJuda na Benjameni. ¹¹ Uye adi nkondopeke mukukupopera nakuturamo vakavita, namaupungwiro ghandya,maghadi,ntanivinyu. ¹² Uye a turako vikupopilito ntanimaghonga munkurumbara nadintje nakurenkadi kare nkondo unene. Makura Juda ntani Benjameni ava hamene kukwendi. ¹³ Vapristeli ntani vaLevi va kaliro muIsraelnayintje kava yendanga kukwendi kutundilira kuvirongo vyovo. ¹⁴ VaLevi va shuvire mavango ghavo ghakutakamitira vimuna ntani vininke nvyavo mukonda shi vaye kuJuda naJeruslemu, Rehoboyamu ntani vana vendi vavakafumu ava vava tjidamo , mukonda kapishi ngava rughane nka virughana vyaupirisiteli kwa hompa. ¹⁵ Jeroboyamu ali horoweremo mwene va pristeli pamavango ghakuwiru ntani mpendje ntani lifano lyashitanaeli a rughanine. ¹⁶ Vantu vakutunda kumarudi naghantje gha Israel kava yanga kuruku rwavo, ava va tuliro dimushima davo mukupaparaHompa ,karunga waIsrael; ava ya vatunde kuJerusalemu mukuya tapa ndjambo kwaHompa, karunga wavashavo. ¹⁷ Makura vavo ava nkondopeke uhompa waJuda nakurenka Rehoboyamumona wamukafumu wa Saromoa kare nkondo mumwaja ntatu, ntani vavo ava yendi mundjira ya Ndafita ntani Saromo mwaka ntatu. ¹⁸ Rehoboyamu a ghupuko mukamali wanaumwendi:Maharati,mona wamukamakli waJerimoti,mona Ndafita wamukafumu, ntani wa Abihaliya,mona wamukamali waEliyaba,mona wamukafumu wa Jesse. ¹⁹ Uye a mu yitire vanuke vavakafumu:Jeyushi,Shemariya, ntni Sahamu. ²⁰ Kuruku rwaMaharati,Rehoboyamu a ghupu ko Mayaka,mona Abisaromo wamukamali; uye a muyitire Abiya,Atayi,Sisa, ntani Sheromete. ²¹ Rehoboyamu a holire Mayaka, mona Abisaromo wamukamali, kupitakana vakamali vendi vamwe ntani vihora vyendi[uye a ghupu vakamali morongo navatano navakamali vatatu ntani vihora dimorongo ntano navihora murongo ,ntani uye aya kara sha wa vana vavakafumu dimurongo mbiri navana vatano navatatu ntani vana vavakamali dimurongo ntano namurongo.] ²² Rehoboyamu a toghorora Abiya mona Mayaka a kare mukurona, mpititi mukatji kavakuru navauni vendi; uye kwa kalire nalighano lyakumutura hompa. ²³ Rehoboyamu ka pangeranga na ndunge;uye kwatire vana vendi vavakafumu mushirongo nashintje shaJuda ntani Benjameni kunkurumbara dadinene. Uye nka ava pa ndya dadiyingi naku va paparera vakamali vavo.