¹ ومن خلّص يسوع هذا الكلام رفع عيونه للسماء، وكال: << يا آب، إجتي الساعة! مجّد إبنك، حتى يمجّدك إبنك همين، ² لأنه إنطيته السلطة على كل البشر، حتى ينطي كل إللي انطيتهم إله حياة أبدية. ³ والحياة الأبدية هيه أن يعرفوك إنته الأله الصدك وحدك، ويسوع المسيح إللي دزيته. ⁴ آني مجّدتك عل أرض، وكملت الشغل إللي كلّفتني. ⁵ فمجّدني بحضرتك هسة، يا آب، باللي إللي من مجد عندك قبل تكوين العالم. ⁶ كشفت إسمك للناس إللي انطيتني ياهم من العالم، كانو إلك، انطيتني ياهم. وسووا بكلمتك، ⁷ وعرفوا هسة أنو كل إللي انطيته إللي هو منك، ⁸ لأني وصلتلهم الوصايا إللي وصيتني بيهه، فقبلوهه، وعرفوا صدك آني جيت من يمك، وآمنوا إنه إنته دزيتني. ⁹ علمود هذولة أصلي إلك. مدا أصلي هسة علمود العالم، بس علمود إللي إنطيتهم إلي، لأن همه إلك. ¹⁰ وكل إللي إلي هو إلك، وكل إللي إلك هو إلي؛ وآني إتمجدت بيهم. ¹¹ هذولة باقين بالعالم؛ بس آني مو باقي بيه، لأني راجع يمك. يا آب القدوس احفظ باسمك إللي انطيتهم إلي، حتى يصيرون واحد، مثل ما إحنه واحد. ¹² من كنت وياهم، كنت أحفظهم بأسمك. فإللي إنطيتهم إلي، اهتميت بيهم، وما هلك منهم واحد إلا إبن الهلاك، حتى يتم الكتاب. ¹³ بس هسة آني راجعلك، وأحجي بهذا وآني بعدني بالعالم، حتى يكون فرحي إلهم كامل بيهم. ¹⁴ كلتلهم كلمتك، فكرهوههم العالم لأنه همه مو من العالم. ¹⁵ وآني مدا أطلب أن تاخذهم من العالم، بس أن تحفظهم من الشرير. ¹⁶ فهمه مو من أهل العالم وآني مو من العالم. ¹⁷ قدسهم بالحق؛ لأنه كلمتك هيه الحق. ¹⁸ ومثل ما دزيتني إنته للعالم، دزيتهم آني همين إله. ¹⁹ وعلمودهم آني أقدس ذاتي، حتى يتقدسون همه همين بالحق. ²⁰ ومدا أصلي علمود هذولة بس، دا أصلي علمود إللي راح يؤمنون بيه بسبب كلمة هذولة، ²¹ حتى يكون الكل واحد؛ يا آب، مثل ما إنته بيه وآني بيك، خلي يكونون همه همين واحد بينه، علمود يؤمن العالم إنه إنته دزيتني. ²² آني انطيتهم المجد إللي إنطيتني، حتى يكونون واحد مثل ما إحنه واحد. ²³ آني بيهم، وإنته بيه، حتى يكملون ويصيرون واحد، حتى يعرف العالم إنه إنته دزيتني وإنته حبيتهم مثل ما حبيتني. ²⁴ يا آب، أريد هذولة إللي انطيتهم إلي أن يكونون وياية وين ما أكون آني، فيشوفون مجدي إللي إنطيتني، لأنك حبيتني قبل تكوين العالم. ²⁵ يا آب البار، العالم ماعرفك، بس آني عرفتك، وهذولة عرفوا إنه إنته دزيتني، ²⁶ وعرفتّهم إسمك، وراح أعرفهم همين، حتى تكون بيهم المحبة إللي حبيتني بيهه، وأكون آني بيهم>>.