¹ Gaɗa kasən go kambeta iiɗa ndawa waarra aa kunu Masipu Yeso. ² Atərro duvu Nənuwa Səku kə aarro ii kunu Masipu Yeso gumbə na iyu da kunu duvu aipu na mətu. ³ Atərro be waarra dumaya aa dəmu dlamo bai ii kunu təka gaɗa təka na awayu bai, Səku dlamu du. Aci waneu Wən gəri kə aɗa gəri ii kunu gənawa təka mii aipu da dlaɓən gəri bii sanam gaɗa aipu, aci ke da gwapə naa aipu da kunu təka. ⁴ Aci dlamu kasau gaɗa bee waarra ndacu ii kunu sharrya mak da jibkən gara ii kuna wa, wa waarra waa rakəna aa kunu təka bai, amman ii kunu Nənuwa Səku. ⁵ Akshi waarra mbasak shi aa kunu təka ankal shi aaɗa be waarra kə təka, amman akshi waarra mbasak shi aa kunu Nənuwa Səku ankal shi aaɗa be waarra kə Nənwu Səku. ⁶ Atəro mpii arro iiɗa hal waarra kə təka dadəgəri nən mətu, amman mpi arro iiɗa bee waarra kə Nənwa Səku aani naa arro na salam. ⁷ Mpi aarro iiɗa bee waarra kə təka aa gaaba na Səku, gaaɗa atu aa dəmu ɗəga sharrya Səku bai , kurru atu aa dəmu dlamo bai. ⁸ Ndaama waarra aa kunu təka aa dəmu da mpi gəshi Səku bai. ⁹ Gaɗa kasən, kwa kunu təka bai amman kwa kunu Nənuwa Səku, Nənuwa Səku aa kuna kun jiirre nən. Amman nən na Nənuwa Masipu binən, aci kəri bai. ¹⁰ Masihu a kuna ci nən, to təka gamtak ii gaaɗa aipu, amman Nənuwa Səku naa aarro gaɗa adalda. ¹¹ Nənuwa Səku waarra tlatla Yeso da kunu mətu da mbasu aa kuna ci nən, aci wara tlatla Masihu da kunu mutu aa bari naa aarro ii təka ci mi mutu dari Nənuwa gəri, waarra da mbasu aa kuna ci. ¹² Gaɗa kaasən, yaaganaucin, hal təka naa paida wambai ii aɗa wa waarra harr wa mbasu ii dəɗa gara. ¹³ Atərro kwa mbasu ii kunu təka nən, kwaaye mutu na kun, amma ii kunu Nənuwa Səku nən kwaa tək na wanak təka, kwaaye dlaɓa naa aarro. ¹⁴ Atərro mak ndawa waarra aa raakan ii kunu Nənuwa səku, akshi kutli Səku. ¹⁵ Atərro kwa gənu nənuwa kə kabiine wambai waarra aa ɗaawa kun kwa dlamu kalau. Ii sərrin gu, kwa gənu Nənuwa Səku waarra kwa dlaɓə naakun kutlai, waarra waa ɗaurau, "Abba Afək" ¹⁶ Nənuwa Səku na aɗa gəri bari na saida iiɗa nənuwa wa maa wa kutli Səku. ¹⁷ Wa kutli nən, kaane wa ndak ta gaado, ndak ta gaado Səku. Wa dlaɓə nawa ndak ta gaado ii ɗa gayi na Masipu, wate wa sa boone na aci nən waaye bii na saksakta cam na aci. ¹⁸ Atərro naa lawangu kabine kə gusku kasau bata bai nda kwabci na saksakta waarra ndaye tatke wa. ¹⁹ Atərro kəmar kə mpi aarro waarra Səku dlamu aa dəri nda takki kutli Səku. ²⁰ Atərro bee mi nda dlamu katan gara kə vatku, gaɗa ntu gara bai, amman kǝ aci waarra ɗaawu atu. Dək naa kasən tabbas naa ɗawa aarro, ²¹ bee nda dlamu ke nda laata naa atu da kunu guzəɓkwiina naa tərraɓu, gaɗa da bi aɗa gəra kə saksakta kə kutli Səku. ²² Wa zəgadu be waarra nda dlamu mak aa məzəm naa butkəna ii kunu dləra ii aɗa gayi harr yagənangu. ²³ Sən rrugara bai, amman ko wa naa aɗawa, wara kutli Nənuwa Səku Kə sukurr cam waa məzəm ii kunu gəsha wa, waa zaaga nda gənyi təka wa. ²⁴ Atərro nda ra nawa dari mpi gəshi gu. Amman be mii waa mpi gəshi iiɗau gusku yaye waika bai, wate aa dərri bee waarra aci iika du nən tai? ²⁵ Amman wa naa tabbas ii be waarra waika bi nən, to se wa dəri atu na kəmar. ²⁶ Kaasutku, Nənuwa Səku a baanaataawa ii kunu taskikwina wa. Gaɗa wa zəga dlama maagiita bai, amman Nənuwa Səku naa adagəri a maagiita gaaɗawa naa məzəm tlaparr. ²⁷ Aci waarra aa bəɗiya kunu gəshi zəga naa bee waarra aa kunu gəshi Nənuwa Səku gu, gaɗa aci aa maagiita gaɗa nda ɗəga ii kunu ntu Səku. ²⁸ Wa zəga du ndaawa waarra aa ntu Səku rro, aci aa dlama tanke ii kunu adalta gaɗak shi waarra nda daurak shi dari bee mii aci ancu. ²⁹ Gaaɗa kaasen ndaawa waarra aci cikɗu ii gagaya, aci ɗawu du daamə na gənawa Wungəri, waarra matkam sukur nən aci ii gadava yaganaucin gawa. ³⁰ Ndaawa waarra aci ɗawu naa akshi ke aci aa ɗaura naa akshi. Ndawa wara aci ɗauru, aa ra naa akshi ke. Akshi waarra aci rakshi, aa saksakta naa aksi ke. ³¹ Wate waa rama gəmo iiɗa bitku? Seku aaɗa gayi naa wa nən, makuraawa nən tai? ³² Aci waarra iivu matkam gəri da shi bone amman da bara ci gaaɗa wa mak, gaɗa gəmo aci a bari ci naa wa cam tamke tlapar bai? ³³ Aa gaada ndaawa waarra Səku cikɗən tai? Səku naa aɗa gəri ram kasən. ³⁴ Nən tawan baci hagatau? Masipu waarra mətu gaɗa wa, kasən rrugara bai, nda tlatla naa aci cam. Aci aa təka garva naa Səku ii wənduwak saksakta, kurru aa magita gaɗawa nən aci. ³⁵ Aa ɓəra gadava wa nən tai naa ntu Masipu? Bone bi, ko dləmatu gəshi, kabine bi, ko maya, buuka kaacum bi, ko bari kalau, ko ngaz? ³⁶ Kakə mii nda tarnu, "Ndaa rəba ja fatawanke gaɗa kwa ci rrerre gu. Nda katana ja kaa tumamkin Zayaɗ" ³⁷ Ii kunu bitku mak wa rəma na nda kənasar dari aci waarra ntutu wa. ³⁸ Iyu naa tabbas ko mətu, ko aarro, ko malekawaɗ, ko garvaucin, ko lamar kə zaman, ko lamar be waarra aaye ni ii kəma, ko kərmai, ko dəsku, ³⁹ ko pǝɗǝm ii dəɗa, pǝɗǝm ii ko mak be waarra nda dlamu, aa dəmu da ɓəri wa bai dari ntu Səku, waarra aa kunu Masipu Yeso Magənyawa.