¹ Wate waa rama gəmo? waa ta kəma ii kunu aipu herr Səku ke da dladlɓi? ² A dlama bai. Wa warra wa mətu nawa ii kunu aipu, aa dlama nana wa dlama wa mbashi nawa ii kunu gara? ³ Kwa zəga bai ndawa mak wara nda dlamikshi Baptisma ii kunu Masihu Yeso nda dlamdikshi baptisma i kunu mətu gəri? ⁴ Nda dabgənawa, naa aci, dari Baptisma ke dari mutu gəri. Sutku wakatu gaɗa nda tlatla naa Masipu da kunu mətu tənu, dari saksakta Afku, wa cam wate wa jiba rakan ii kunu kaarara arro. ⁵ Wa kwabtəna aɗa naa aci ii kunu gənawa mətu gəri nən, wa kwabta naa aɗa naa tlayi gəri ɗa mətu. ⁶ Wa zəgaɗu, nda dləgəna nən gazgara wau naa aci ii ɗa gayi, gaɗa nda dləmci naa təka aipu. Nda dlamu kasən gaɗa wa dlaɓa guzabcin aipu wam bai. ⁷ Nən wara dlamu naa mətu zada sutku, nda gumbə na aci dari mətu. ⁸ Amman wa mətu nawa naa Masipu nən, wa barna jiirewa aaɗa waye dlaɓa aaɗa gayi naa aci. ⁹ Wa zəgadu nda tlatla na Masipu da kunu mətu sərram, aci gamtak wambai. Mətu na garva aaɗa gəri wambai. ¹⁰ Atəro mətu wara aci dlamu gaɗa nda aipu dlam zigər getak gaɗaƙ ndawa mak. Be aci aa kunu tawanke, mbasu gəri kə Səku. ¹¹ Gaɗa kasən ci cam ka bari naa aɗaci ii mutu gaɗa aipu, amman ka dlaɓu na aaro ii kunu Səku ii kunu Masipu Yeso. ¹² Gaɗa kasən kwaiva aipu da dlamu garva ii aɗa təka kun bai kapa kwa dlamu na gaɓshu mangarta gara. ¹³ Kwa bara kurarin təka kun ii wana aipu bai, karre wana buka adalta ke. Amman a bari na aɗa kun ii Səku, kaa ndawa warra nda tləɗak shi daku mətu. A barina kurarin təka kun ii Səku kakə karre wana waarra ndaa dlama ampa ii wana adalta. ¹⁴ Kwaiva aipu da dlamu garva ii aɗa kun bai. Atəro kwa dəɗa sharya bai, amman kwa dəɗa herr Səku. ¹⁵ Nana wate? Waa dlama aipu bi gaɗa waa dəɗa dumaya bai, amman aa dəɗa herr? Su ngalte aa dlama bai. ¹⁶ Kwa zəga bai nən wara kwa bari aɗa kun kakə guzub ii aci kwa dlama nakwana ii aci, aci ke dolle kwa dlami ci nakwana? Jirewa ko kwa dlaɓi guzuɓ aipu waarra aya naa kun ii kunu mətu, ko kwa dlaɓi guzuɓ nakwana waarra aya na kun ii kunu adalta. ¹⁷ Amman sambakata tabbas kə Səku! Atəro waci kun guzaɓci aipu, amman kwa dlamu na nakwana na gəshi gayi ii ɗa zada gugza waarra nda dlami kun. ¹⁸ Nda laatə na kun da kunu aipu, kwa dlaɓə na kun guzaɓcin adalta. ¹⁹ Na rama na kun kaa nəngaiwa gaɗa taskinkwina kə təka. Atəro kakə waarra kwa bari kurarin təka kun kakə guzuɓ ii bi nyanya na be gabshu, kasən wam, a barina kurarin təka kun guzuɓ ii adalta gaɗa kwa dlamu wana waarra goo aipu. ²⁰ Atẹro lakwtu wara kun guzaɓcin aipu tənu, lambe kun bai na wana adalta. ²¹ To kwa ba paida tawan ii lakwtu, iiɗa wana waarra kwa kəmu zhirau gu gusku kaasau? Atəro dadəgəri jandau nən mətu. ²² Amman gusku kasau nda latə na kun da kunu aipu, kwa dlaɓu nakun guzaɓcin Səku, kwaa təka ta rrerre kə buuka adalta. Ampa gara nən arro waarra goo dadəgəri. ²³ Atəro laada aipu nən mətu, amman aayaɗ (bari) Səku nən arro waarra go dadəgəri ii kunu Masipu Yeso Məgənyawa.