¹ I Tunda wa ba naa gumba gaaɗa bari jirewa, wa ba naa salam na Səku dari Yeso Masipu. ² Dari gəri wa ba naa təfa ii herr waara waa kunu təku, gaɗa bari jirewa wa. Waa pərɗai naa bari awayau waara Səku bari wa sərən be waara aani aa waakaata, awayau wara waa biwu ikun saksakta Səku. ³ Amman gaaɗa su rugara bai, amman wa kuno naa sa boone wa. Wa zəgadu sa bone aa niina kasakta, ⁴ Kasakta ke aa niina arrdaata, zam arrdatau ke aani naa bari awayau ii bewara aa wakata ii kəma. ⁵ Atu bari awayau təku aa bari zhiru bai, gaɗa nda pa diiwa ntu Səku ii kunu gəshawa dari Nənuwa Səku, wara nda bariwa. ⁶ Lakwtu warra waa kunu tasku, ii kalkal lakwtu warra Masipu mutu gaɗa nɗawa warra zəga səku bai. ⁷ Atərro a dlaɓa təta nən damci gaɗa baci jiirewa. Dawanange nda biina nən wara a dumuna mutu gaɗa baci adalta. ⁸ Amman Səku tatkə diwa ntau gəri, lakwtu warra wa kunu aipa wa, Masipu mutu gaɗaawa. ⁹ To, wa bana aɗawa darik dədəm gəri tənu, atu a ra na wa da kunu shitan Səku ¹⁰ Atəro wa nda kuri Səku yaye, nda saloti na wa na aci dari mutu Wən gəri, to, nda saloti nawa tənu, waa bina ra dari aro gəri. ¹¹ Gaɗa kasən rugara bai, amman wa kuno na Səku dari Məgənya wa Yeso Masipu, warra wa ba salota dari gəri. ¹² Gaɗa kasən, aipu təfeu ii kunu duniya ɗari nən gayi, kasən ke mutu cam təfeu da rik aipu. Mutu ke dladlɓən gara ii gadava ndaawa mak, gaɗa ndawa mak dlamu na aipu. ¹³ Tun damba duumaya, aipu aa kunu duuniya, amman nda ma aipu iiɗa be bai gaɗa naa duumaya bai. ¹⁴ Dək na kasən, mutu naa garva tən lakwtu Adamu kapa lakwtu Musa, kapa naa ndawa wara dlamu aipu buuka nakwana zada Adamu bai, aci warra nda tatku aye ni. ¹⁵ Amman aayaɗ (bari) daama na aipu gu. Atəro gaɗa aipu nən gayi deena mutu ii ɗak ndawa gawa nən, kaane herr Səku na aayaɗ gu ke, herr gu ke barka nən gayi, Yeso Maspu, aa dlaɓa tlaparr ii ndawa gawa. ¹⁶ Atəro aayaɗ (bari) gu zada be waakatu kə baci aipu gu bai. Gaɗa kasən, hagata mutu warra nda dlamu gaɗa aipu nən gayi. Amman aayaɗ (bari) gu nda dlamu atu gaɗa aipapin gawa, dee na ra dari Səku nən atu. hagata mutu nən atu. ¹⁷ Mətu dlamu garva gaɗa aipu nən gayi tən nən, kane herr gawa warra ndawa gənu naa aayaɗ (bari) kə adalta aaye dlama garva dari arro nən gayi gu, wato Yesu Masipu. ¹⁸ Gaɗa kasən, ka ki wara aipu nən gayi deena hagata ii ɗak ndawa mak, kasən ke dari wana adalta kə nən gayi aa niina bi aro ii ndawa mak. ¹⁹ Atəro dari buuka nakwana nən gayi ndaawa gawa dlabu nakshi nda aipu, kasən ke zam darik nakwana nən gayi ndaawa gaawa aa biina adalta. ²⁰ Sharya rro deu, gaɗa aipu da dlaɓu gawa. Amman ri wara aipu dlaɓən gara gawa nən, herr ke aa dlaɓan gara gawa tlaparr. ²¹ Sutku rro wakatu, tənda aipu dlamu garva naa mətu, kasən ke herr aaye dlama garva ii kunu adalta na aaro go dadəgəri dari Yeso Masipu Məgənya wa.