¹ I gafo ɗagai, Yeso da vəri da wənduwa da mbashi i baka anku. ² Algi gawa da cacpai, da vaiki na aci. Se da təfi i kun gangam sawu aam, da mbashingəri kunu, algu mak darr'yi nakshi i ɗa aisawu baka ankugu. ³ Se Yeso da ramikshi bee gawa i kun ramamin gagənawa. Da ramma, "Na warrau ɗagai vəri dlama zəgəm. ⁴ Aca kun zəgəmgu tənu, se zadak gu jəgab da pi i baka dəvu, se ɗutatin da nai da cik'yi du. ⁵ Zadakgu jəgab kuwa pa i ɗa guguyak mi aɗau na gagai gawa bai. Na tasəna bai zadakgu da vərenaksh, gaɗa gagi rəwu pəɗəm bai. ⁶ Amman afa tleu tənu, da luksənu nakshi, gada akshi na arau bai, se da we'yi/rabu naksh. ⁷ Zadau jəgab pau i kun azəm jəjəm. Azəm jəjəmgu da rawu da zhibi na akshi. ⁸ Zadak gu jəgab ke da pi i ɗa gagai belan. Da aɗakshi tenu, da dlam ayawa bəlalmin; jəgab danamak, jəgab gumu zədu, jəgab ke gumu kwan. ⁹ Nən warra na aguɗ nin, da kərəmta/kəma. ¹⁰ Pukurraucingu da nai da rami Yeso ma, "Gada gəmo ka dlama rama, i algu i kun gagənawa?" ¹¹ Yeso da ngumi, da ramikshi ma, "Kun tənu, nda baru dikun banafo kə zəgi/sanuta ashərr/bik ajab kə garva dəsku, amman akshi, nda barikshi bai. ¹² Gaɗa tike mi na atu, nda səkuneci wam, ke, a bi na bee gawa wam. Amman nən tawanke mi na atu binin, bee mi aci na atu gu gum, nda gumba du. ¹³ Gaɗa kasən, na dlamekshi rama, i kun gagənawa gaɗa, ko, akshi a launau, dək na kasən, aksha lawangu bai. Zam, ko da aksha kǝrəmtau, kə jirre nin, akshu a kəmugu bai, balle da sanuci. ¹⁴ I aɗakshi ne, rama warra nabi Ishaya rammu, wakatəngara, mi ramma, 'Kə kerremta nin, kwa dlamadu/dəmudu, amman kwaye kəmugu bai; Kə lawan nin, kwa launa du, amman galte, kwa sanutau bai. ¹⁵ Gaɗa gəshi ndawa təku, dlaməngara aiwa pǝlək, dlam nakshi gauɗak i kəmu gu, ke, cimu na daakshi, gaɗa kasən, akshi a dlama lawan bai, na dakshi, ko kəmugu, na aguɗshi, ko sanutau, na gəshakshi, gaɗa kasən, akshi da məstina wam, se na ngaci na akshi. ¹⁶ Amman barka, i daa kun, gaɗa akshi a lawan; na aguɗ kun, gaɗa akshi a kəmugu. ¹⁷ Katanas, jirre na ramekun, nabaucin na ndak adallta/ndawa mi go aibu gawa, dlamu ndəlam lawan bayangu, mi kwa lawangu, amman akshi bau lawanshi. Dlam ndəlam kəmu bayangu mi kwa kəmugu təku, amman akshi bau da kəmakshi bai. ¹⁸ A kərrəmtina rama gagənawa i dak baci zəgəm gu. ¹⁹ Tike kərrəmtu təlam garva dəsku, amman sanutu bi nin, se baci kəlaɗogu, da nai da gumbu na bee mi nda zəgəmu, i kun gəshi gəru. Sutku zadak warra nda zəgəmi miyak dəvu gu. ²⁰ Mi warra nda zəgəmi ɗa guguyak mi gagai rrap tənu, aci ne nən warra kəma təlam Səku, da gənyi du, na kuno kaɗe-kaɗe. ²¹ Dek na kasənu, aci dlam awayau i kun gara bai, gaɗa na araubai. Lakwtu bone ko darari deu/tleu gaɗa təlamgu nin, na tasəna bai a dagamun gəri. ²² Warra nda zəgəmu, i kun azəm jəjəm tənu, aci ne nən warra kəmau təlam Səku, amman rəwawaɗ duniya, na mbalastak ləman/bərəɗ da zhibi na telamgu, se da b̂ədaməngara bari ɗi. ²³ Warra nda zəgəmu i ɗa gagai mi belan tənu, sutku ne nən mi kəmau təlamgu, da sanucidu. Sutku, aci ne mi a bari kutlai kə jirrewa harr nda rarmi. ɗi gu jəgab zəgər danamak, jəgab gumu zədu, jəgab gumu kwan." ²⁴ Yeso dlamikshi rama gagənawa dama wam, ma, "Nda kaktla garva desku na nən ɗagai mi zəgəmu zadak bəlan i kam gəri. ²⁵ Amman, lakwtu mi ndawa dlam nakshi i yiwan tenu, se baci gaba geri da nai, cam da zəgəmi azəm gaɓshu i kunu alkamau, da yingəri. ²⁶ Lakwtu mi kangu ɗuwayingara, a bari ayawa tənu, se azəm gabshu ke daa tlai. ²⁷ Gabayayin baci kam gu danai, da ramici ma, 'Alangəbro, biwu ka zəgəmu zadak belalminn bai i kam ci? Na kuwa na gabshu azəm? ²⁸ Aci da ramikshi ma, 'Makuri ga ne dlam sutku.' Gabayayingu da ramici ma, 'To kancu jayi ja pici na akshi bi?' ²⁹ Baci kamgu da ramma, "O o, kwa prətu gabshu azəmgu nin, kwa pəta na alkamau i witakshi. ³⁰ Aivinakshi mak, da rawi ɗagayi, harr lakwtu karam/raram. I lakwtu karam/raram nin, na rame ndak raramgu ma, "Səkurr, a pətina na gabshu azəmgu dəgo, se kwa me'ya'yi/meɗaɗi du, nda bakədu, amman a cacpina na alkamau i gadli ga."" ³¹ Se Yeso da dlamikshi rama dama wam i kun gagənawa. Garva dəsku dlam gənawa na ayawa mustad, warra nən ɗagai zəgəmu i kun kam gəri. ³² Ayawa mustad təkugu, rəma na ayawa zadak tawanke i gangam. Amman lakwtu vəreu da rawi tənu, se da ɗəki na waka tawanke i kamgu, harr ɗutatin dəsku danai, da dlam sakakinshi i gaptatingu." ³³ Yeso da dlamikshi rama i kun gagənawa wam, ma, "Garva dəsku dlam genawa na apta yist warra ama a ngwau da tamtli i dagayi na apta kwano kwan, se dlamu tlatlaru." ³⁴ Yeso ramu bayangu mak i algagingu i kun rama na gagənawa. Na bee mi ramikshi wamba, se i kun rama na gagənawa. ³⁵ Sutku dlabu kasən gaɗa bee mi nda ramu da miya nabaucin, da dlaɓi jirre. Lakwtu mi aci ramu ma, "Na rəpta miya ganai i rama na gagənawa, Na ram bee mi da debsa, tin lakwtu dlamak duniya." ³⁶ Se Yeso daivi na algagin gu da təfəngəri kun wənduwa. Pukurraucingəri da nai i ri gəri, da ramma. "A pasaltija rama gagənawa kə ɗa gabshu azəm kunu kamgu ba!" ³⁷ Yeso da ngumikshi ma, "Aci mi zəgəmu zadak bəlangu nin wəngənən. ³⁸ Kamgu atune duniya; zadak bəlalmin ke, akshi ne kutli garva dəsku. Azəm gabshu nin kutli kəladogu, ³⁹ makuri warra zəgəmakshi gu nin ləspərr. Raram gu nin damak duniya, ndak raram gu ke maleikaucin. ⁴⁰ Gada kasən, kakə mi nda cacpu gabshu azəm nda baki du na aka tənu, kasən ke a wakata i lakwtu damak duniya. ⁴¹ Wəngənən a wanayi maleikaucingəri, da cacpina tamke warra a ɗawa aipu, da ji na akshi cak-cak; da kun garvagəri, harr na ndak wana dləmatu ngum. ⁴² Akshi a vərka na akshi i kun aka; mi a baka tlaparr, i ri warra ndaye aɗan na gada/kiɗa yanau. ⁴³ I lakwtu ne ndawa mi na adalta aye wiɗa/ɓədla kaa afa, i kun garva Afekshi kə dəsku. To, baci aguɗ da kərrəmta/kəma. ⁴⁴ Garva dəsku ka ləman mi da dəɓsa i kun kam. Nən dəguru/bau tenu, se da dəɓshi du, dayingəri a perrdai. Dan da ɗəɓjina betawanke mi aci na atu, da nai da mashi na kamgu. ⁴⁵ Zam, garva dəsku dlam gənawa na baci bərrəɗ, baci maka guguyayin kuza mi ɗəkadii dagwda. ⁴⁶ Aci bau guguyakgu gayi mi dagwda tlaparr tənu, se dayi da ɗəɓjina betawanke, mi aci na atu, da mashidu. ⁴⁷ Zam wam, garva dəsku, dlam gənawa na ragaya jəba vənakau warra nda taɗi kun gadərra, da cacpi zadak di/vaya kun aam tawanke. ⁴⁸ Ragayau niyingara tənu, se nda jəba/shiyi/suwa vənakaugu da 'yiwai, i miya aamgu. Akshi da mbashi da cik'yi bee bəlaləmingu i kun gwabobin, amman bee gabshashingu da wayi du. ⁴⁹ A dlaɓa kasən i lakwtu damak duniya/duniyatu. Maleikaucin ani da ɓəri na ndak kəmangar/azəm kunu da witak ndak adalta. ⁵⁰ Akshi a vərka na akshi i kun aka, mi a baka tlaparr. i ri warra ndaye aɗan na gada yanau. ⁵¹ Kwa sanutu na bayangu mak bi?" Pukuraucingu da ramici ma, "Auwo." ⁵² Se Yeso da ramikshi ma, "Gaɗa kasən, maləm dumaya tawanke warra dlaɓəngeri pukura dlaməngəri kakə nən baci wənduwa, warra a ngwa bee gamana na karara da kun ləmangəri/gadligəri. ⁵³ Lakwtu mi Yeso damu na rama na gagənawawin təku tənu, se da dabingəri da riwu. ⁵⁴ Se Yeso da təfi kun lardi gəri da jəb gugze ndawa i kun ləmakshi kə ri cacpa yahudaucin. Gaɗa kasen, sə akshi da jəb ajap, a ramau ma, "Wrrangu bau zəgaya təku na rama gagənawawin təku da rawan? ⁵⁵ Biwu nənangu wən kapənta bai? Miwu nin Marryamu bai? Yaganaucingəri akshi ne Yakubu na Isubu , na Simon, na Yahuda bai? ⁵⁶ Na yaganaucin gəri gamaɗ, makshi a witawa bai? To, da rawan, nənangu bau bətku mak? ⁵⁷ Gəshakshi dləmatungara gaɗa gəri. Amman Yeso da ramikshi ma, "Nabi na daraja i rawanke, amman go-atu, i lardi gəri na kun wənduwakshi." ⁵⁸ Ke, a dlama bik ajab i riwu bai gaɗa kuri jirrewakshi.