¹ I lakwtu Yeso vəru gafa putu yahudaucin, da ɗegi da kun kam au. Pukuraucingəri a kəmu maya, se da jəb kətl aɗa augu a verɗau a kidau. ² Amman parrisaucin ikakshi tenu, se da rami Yeso ma, "Aiki, pukurraucin ci a dlama bee kalkal bai, kə bee mi dumaya ramu i ɗa gafa putu yahudaucin." ³ Amman Yeso da ramikshi ma, "Ngalte kwa kərratu be mi Dauda dlamu bai, lakwtu mi aci a kemu maya, na ndawa mi aɗa gayi na aci tənu? ⁴ Kakə mi aci təfi wənduwa Kakasəku, da ci burrodi warra dumaya dabtu dici tau, harr na ndawa mi aɗa gayi na aci ngum dumaya dabtu dikshi da ci, amman se pərisaucin rukshi, dumaya arrdatu dikshi da ci ? ⁵ Cam kwa kerratu bai i kun dumaya, ma Pərrisaucin i kun wenduwa Səku a dlam bee mi dumaya ramma nda nda dlama bai Gafa Putu yahudaucin, amma ka akshi dlam aipu bai? ⁶ Amman jirre na ramekun, ɗagai, warra ɗəka na wənduwa Səku a ritku. ⁷ Da kwa zəga na bee mi sugu a tatkau/ ramau nin, 'Na rəma di ndəlam kanjəna ɗəka na kə sanaam,' da men, kwa wuda shariya i ɗak ndawa mi go aipu bai." V 8 Wəngənən rro məgənyi gafa Putu yahudaucingu. ⁹ Se Yeso da zərnakəngəri da rəwu da yi kun ləma cacpa yahudaucinshi. ¹⁰ Se so nən dagai mi amigəri garanak. Parrisaucingu da jayi Yeso ma, "Kalkal bi/ dumaya lamuntudu bi nda dlam ngata Gafa Putu yahudaucin?" Gaɗa akshi da mpi ci laipi aipu. ¹¹ Yeso da ramikshi ma, "Warrau tawan da kunakun, warra, aci na tumaku gaitak gara, se tumakuu da vəgəngara i kun vək mi pəɗəm. Gafa Putu yahudaucin, a jəbayu bai, da dai da kun vekgu? ¹² To, nəngaiwa ɗəka tumaku darraja bai? Gada kasən dumayagu, ardatəngara nda dlam bee bəlan Gafa Putu yahudaucin." ¹³ Se Yeso da rami warrau ma, "A ɗəmi amici." Acu da ɗəmi, se amigu da ngacingara, kalkal kakə amigəri gayu. Amman parrisaucin da vəri vəda, da jəb gabshu sapəra i aɗgəri. Akshi a maka dəvu təkna aci. ¹⁵ Yeso ika kasu tənu, se gwapəngəri da riwu. Ndiwa gawa da ɗəgaci, aci da ngacinakshi mak. ¹⁶ Aci da gaɓdakshi ma, akshi da ɗawa ɗagii da zəgaci bai. ¹⁷ Gaɗa da dlaɓi jirrewa; bee warra nda ramu da miya nabi Ishaya, ma, ¹⁸ "Aiki, gabayi ga, warra na zaɓetu, bi ntu ganai, warra gəshi ga arawai parrak na aci. Na dawa nənwaga i kunu gəri, acu aye wuda shariya, i ndawa mi zəga Səku bai. ¹⁹ Acu a dlama gamɗaya bai ko gərrən/ tlatli wura ; go nən mi aye kəmu wura geri i ngwapate/dak tarbobin. ²⁰ Aci a jukɓana na sesuwa warra a damtu kətl/gaza rap daktləngarabai; aci a tək aka petele mi a damtu mutu bai/gaza rap damcingara bai, se aci dena kənasar i sharriya. ²¹ Ndawa mi zəga Səku bai aye dlama aaman i kun dlugungəri/ shukurra na aci. ²² Se ndan na warra ɗagai dluguyu, dakuya ke, zam na zuwak a ɗa gəri; i ri Yeso, da ngaci na aci. Miya warrau da jeb na rama, daa gəri ke, da dlam na lawan. ²³ Algagin gu mak, a japtau da ramma, "A dlabu, nənangu ne wən Dauda gu bi." ²⁴ Amman parrisaucin kəma bik ajap təku tənu, se da ramma, "Nənangu a dəmu di zuwawin/kuliram bai se na kərrrmi ba'alzabuba, maryam zuwawin." ²⁵ Amman Yeso zəga na kurrarramshi, se da ramikshi ma, "Garva tawanke mi na gaaba a kunu nin, a dlamingara go paida/bi vatku, zam weəndəwa, ko marəm ɗa tawanke, mi na gaba i kunu gara nin, a dəmu mbasu bai. ²⁶ Ləspərr a rarka/di ləspər nin, na gaba i gatukshi ke nan. to garva gəri a rri'yi nana? ²⁷ Ke, na dau zuwawawin na kərrmi Ba'alzabuba nin, wate na kərrmi gaye nda ɗəga kun a diwu? Gaɗa kasen, akshi a dlaɓa nakshi liyararin kun. ²⁸ Amman na da zuwawin na kərrmi Nənwa Kakasəku nin, to garva Səku dengara i ri kun. ²⁹ Dəgo warrau tawan, a dəmu təfa da kəri karrai da kun wənduwa baci awayau, amman səkurr takwsu baci awayau gu bai? Se nda dəmi ngwa karrai gəri da wənduwa gəru. ³⁰ Nən warra a ɗagayi na iyu bi nin, a gaba na iyu kenan, ke nən mi a cacpau na iyu bi nin, a wayau. V 31 Gaɗa kasən, na ramekun, nda təpta na zada aipu tawanke, na rama muwa i ɗa Kakasəku, amman rama muwa i ɗak Nənwa Səku, nda təptau bai. ³² Ke, tike mi dlam rama muwa i ɗa Wəngənən nin, nda təpta dici. Amman tike mi dlam rama muwa i ɗa Nənwa Səku nin, sam, senu nda təpteci bai, ko i duniya, ko i zaman mi aye ni. ³³ Ko ndabi waka belan na ɗi belan, ko waka gabshu na ɗi gabshu, gaɗa nda zəgi waka da zadak ɗi gara. ³⁴ kun kutli mbəkɗaɗin, kun kəlado tənu, kwa dəmu na rama bee bəlaləmin na? Gaɗa rama miya rro, a vərayi da kun bee mi a kun gəshi. ³⁵ Nən bəlan a dii bee bəlan da kun berrid bəlan kə kun gəshigəri, kəlado gənən ke, a dii bee gaɓshi da kun geshigeri mi kelado. ³⁶ Wato na ramekun, i gafa shariya, ndawa aye bari lissapi rama vatku tawanke mi akshi dlamu. ³⁷ Gaɗa da ri ramamin kun kwa bi na ra/dii mafiya/ gumba, ke da ri rama kun nda tək na kun." ³⁸ Se malamci dumaya na parrisaucin dagai da ngumi Yeso da ramma, "Maləm, jancu jaiki gənawa beɗagai da rici." ³⁹ Amman Yeso da ngumi da ramikshi ma, "Zaman warra kəlado na mi tapai a makau daiki gənawa bee. Amman na gənawa bee warra nda tatke kun bai, se dai gənawa nabi Yunusa. ⁴⁰ Kake mi Yunusa dlabu i kun bazhi vənakau kə nawa kwan na yuwan kwan, kasən ke wəngənən a dlam nawa kwan na yuwan kwan i kun gəshi gagai. V 41 Ndak Nineba a rri'yi gafa sharriya na ndak zaman təku akshi da wədikshi sharriya. Gaɗa akshu tubatu nakshi i lakwtu wazək Yunusa, aikina, ɗagi warra ɗəka na Yunusa a ritku. ⁴² Marryam kə aɗau aye tlayi, i lakwtu sharriya da wəji sharriya, i ndak zaman təku. Atu deu fak da akwayu duniya, gaɗa da kəmi gərayu sulemanu, daiki. Sotai ɗagai a ritku, mi deka na Sulemsnu. ⁴³ Gabshu zuwak vəru da təka gənən nin, a jəba rakan, a maka ri təfa, amman ba bi nin, ⁴⁴ Se da ramma, ' Na kacinganai, i wənduwa ga mi na vəreu.' Katau, tasa wənduwau, nda kasudu tamke bəlan nin. ⁴⁵ A kaci, da ngwai zuwawin gatkasa, warra ɗəka na aci gabshu wam, akshi mak a təfayi, da mbashi nakshi i riwu. Da kugu, təka warrau a dlaman gara gabshu da rəmi na kə səkurr gu. A dlaɓan gara kasau na gabshu zaman təku. ⁴⁶ Lakwtu mi Yeso a rama i algagin gu tenu, se so, migəri na yanaucin gəri darr'yi vəda, a maka dlameci rama. ⁴⁷ Ɗagi da ramici ma, "Aiki, mici na yaganaucin ci darr'yi a vəda , ancu dameci rama" ⁴⁸ Amman Yeso da ngumi da rami warrau ma, "Tai miga? Ke, Yaganaucinga nin ja gaye" ⁴⁹ Se da ɗəvari amigəri i girre pukurraucingəri da ramma, "Aiki, ndo miga na yaganaucinga! ⁵⁰ Gada tike dlamu bee warra Afəkga mi dəsku ancu nin. warrau ne afəkga. na miganaga.