¹ Daku yeso damu na gabaɗ i muwanaucin gəru tənu, se daivi na riwu i nye dlama gugza na wazək i kun marəmamin ɗakshu. ² Yahai baci baptisma kəmau da kun dəlo zada wananin mi Yeso dlamu tenu, se da dlam wanyi da miya pukurraucingəri ³ ma, "Ci ne baci ni gu bi, ko na nən ɗagi dama wam, mi japi da i makau? ⁵ Dluguyayin a bi lawan na dakshi, dukdadin a rakan na zəgərshi tər, agurrdadumamin ke a təka bi celta. Dakuyayin a təka kəmu rama wam na agudshi, nda təka tlatli nda mutu na arro, ndak fətkən ke nda təka bariksh labarr herr. ⁶ Baci barka ne, nən mi a bi kəma kurrtəm bai gadɗa ga. ⁷ Ndau jənakshi tənu, se Yeso da ɓanji rama i ɗak yahai baci baptisma i algagin gu, ma, "Kwa ya/Nda ya i fanfariya pata i lawan gəmo---azəm bi, warra zuwak a rəɓu? ⁸ Biwu kwa/nda ye launa gəmo----nən warra a ta'i kacum ləmis bi? Ai ndak ta'i kacum ləmis a mbasu wənduwawin dəgamcin. ⁹ Amman tam kwa ya i lawan gu---nabi? Jirre, na ramekun, rəma na nabi ngun. ¹⁰ Sutku aci ne, mi nda tarrnu rama game na aci, ma. 'Aiki, Na wanyi baci wanyi ga i kəma janpel ci, warra a sapərrata dəvaci, i kəma ci.' ¹¹ Na ramekun jirrewa, i kun ndawa mi 'yawakshi nin amatau, go nən mi ɗəka Yahai baci Baptisma. Dək na kasən, nən mi rəmadii gangam i kun garva dəsku, ɗəka na aci. ¹² Tin lakwtu yuwan Yahai baci Baptisma harr ni gususku, Garva dəsku a kun bone ruwawaɗ, ndak tagədlawa ke a təka gumbau na awayau. ¹³ Atərro nabaucin na dumaya mak a rama, i dak bee mi aye wakata harr lakwtu Yahai. ¹⁴ To ci ka gənyu nin, sutku aci ne iliya, warra a ni. ¹⁵ Nəm mi na agud kemu gu, aci da kərrəmta. ¹⁶ Na tam na kaktla zaman təku? Dlam gənawa na mamau mi a kawa i miyak asək, da mbasu, a daura i gatukshi, ¹⁷ a ramau ma, 'Ja fiyi kun shila, kwa dlam suwari bai, ja mbasu i ri jəba gamai, ke kwa dlam aɗan bai.' ¹⁸ Yahai deu a kiɗa burrodi bai, a sa aam inabi bai, se nda ramau ma, 'Acu na gwai-gwai.' ¹⁹ Wəngənən deu, a tau, a sau, se nda ramau ma, 'Aikina, so baci mbamba, na kuyo, manga ndak genyi arrajo na ndak aipapin!' Amman zəgaya rro, a tatəka aɗagara da ri wanagara." ²⁰ Se Yeso da banji kəlkəlta ɗa marəmamin warra aci dlam gawa wana geri, i kunakshi, gaɗa akshi dlam tubi bai. ²¹ "Wadarre kəm Korrazin! Wadarre kəm Besaida! Bee marəmamin gawa mi nda dlami kuna kun, daa kasən ke, nda dlama i Taya na Siidon nin, da tin kaɗe akshi dlam na tubi, i kun dina na bəbət. ²² Amman a dekidi 'yale i Taya na Sidon i gafa shariya da miya kekun. ²³ Kəm Kaparrnahum, ka tumangu ma ka bi na sukta i dəsku bi! O o, nda wurtayi na kəm i hadis. Da, bee marəmamin mi nda dlamu i kuna kəm tənu, nda dlame kun Sodom ke kasən nin, da Sodom dlaɓungara harr gusku. ²⁴ Amman na rame kəm, Sodom a remu du i bi rraama, gafa sharriya." ²⁵ I lakwtu, se Yeso da ramma, "Na sakərrtaci, Afək, Məgənyi dəsku na ɗa, gaɗa ka dəɓsu na bayangu, da zəgaya nda gərayu na ndak kəmugu/kərrəmtau, ka tatkudu/gugzhidu/bazarcidu/ ji na ashərrgu i ndawa mi na gugza bai/ba gugza bai/zəga bee bai, kakə mamau gangamin. ²⁶ Auwo, Afək, kasən rro rəmadii kalkal i rici. ²⁷ Tanke nda bardaa aamangu, da ri Afəkga. Go nən mi zəga wəngu, se Afku,ke go nən mi zəga Afəkgu se wengu, na tike mi wəngu dlam ndəlam ntututu tatkeci. ²⁸ Anne riga, mak kun mi a sa bone, na kun, ndak dukshi kakera; na bari dikun putu. ²⁹ Amiina dem wura ga, kwa dlam gugza da riga, gaɗa iyu rro, baci sukta aɗa bai/baci ada kəske , baci ankal/baci dləmatu gəshi bai, kwa bi na putu, i arro kun. ³⁰ Atərro, dəm wuraganai/kakəra dukshi bai, wana ga kə go bone.