¹ Yeso dauru pukurraucin gəri guma ayawau shirin, da barikshi kərrmai kə di nənwak zuwawin na ngata zadak dagas na fəra tawanke. ² Dlugwagwin muwanaucin guma ayawau shirin gu kasau. Kə səkurr, Siman (mi aci ɗauri Bitrrus), na Andrrawus yaganagəri; Yakubu wən Zabadi, na Yahai yaganagəri; ³ Pilibus, na Batalomi; Toma, na Matiyu baci gənyi arrajo; Yakubu wen Halfa,na yahuda, na ⁴ Siman baci mugurum na Yahuda Iskarryoti, mi baru Yeso. ⁵ Guma ayawau shirin təku warra Yeso wanau. Aci dlamikshi gabad ma, "Kwa da bai i ri tawanke, mi ndawa warra zəga Svəku bai a kunu, na ɗa tawanke kə samarriyaucin . ⁶ Amman ngalko adaa, i ri tumamkin mi ɗayu da kun wenduwa Israila. ⁷ Kwa təka nya nin ke, a jəbina wazək, kwa ramau ma, 'Garva Səku den gara i damtau.' ⁸ A ngatina ndak fera, kwa tlati ndak mutu, a cəita agurdadumamin, ke kwa ji zuwawin. Nda barikun i vatku, kun ke a barina i vatku. ⁹ Kwa ma rrhəpilla bai, ko dinarr, ko ayawa dagwda i kun lalitarr kun bai. ¹⁰ Kwa ma cizimi bai gaɗa buwa kun, ko kacum na sono damaa, ko zawa. Gaɗa lebəra/baci dangwanji batana bik ta gəri(kama tu na bik ta gəri). V 11 Ɗa marəm ko ɗa pata warra kwa təfu tawanke, a makina baci amaan i kunu, kwa mbashi riwu, harr se kwa buzu ɗagu. ¹² Lakwtu mi kwaye təfe wənduwau nin, a dlamina salaam. ¹³ Wənduwau na amaan nin, salaam kun da dlaɓan gara i ɗa wenduwau. Amman na amaan bi nin, salaam kun da katinangara i ri kun. ¹⁴ I akshi mi gənu kun bai, ko warra kərrəmtu təlalmin kun bai, lakwtu warra kwa ye vəra nakun da wənduwau, ko da ɗagu nin, a saspina na bərrbərr riwu da zəgər kun. ¹⁵ Jirre na ramekun, a ɗeki di rrakta/herr, i ɗa Sodom na Gumarra gafa sharriya ;da miya ɗagu. ¹⁶ Aikina, na wanyakun ka tumamkin i wita adayauwin, gaɗa kasən, a dlaɓina na gərayu/asəm kakə mbikɗaɗin, go kəmangarr/ɓana, kakə tatararin. ¹⁷ A ankaltina na ndiwa! Gaɗa aya na kun i kema majalis, zam da dlamikun gubǝɗ i kun lemakshi kə ri cacpa yahudaucin. ¹⁸ Zam nda ya nakun i kəma ngwamnanin na degamcin, gaɗa gaa, da dlaɓi shaida i akshi na ndiwa, mi zəga Səku bai. ¹⁹ Harr ndaye bari na kun nin, kwa dameta/kalwa bai, i ɗak nana, ko tam kwaye ramau, gaɗa nda bari dikun be mi kwaye ramau i kalkal lakwtu. ²⁰ Gaɗa kwaye raman kun bi rro, amman nənwa afakun ne, a rama da miya kun. ²¹ Yagana a bari na yaganagəri, nda təki, afək ke a barina matkamgəri. Mamau a tlayi ɗa ma'yawawinshi, da ɗawi nda teki na akshi. ²² Tike aye kura kun gaɗa gaa. Amman nən tawanke mi dlam kanadi/rraktu, harr i nye damak tamke nin, warrau a bi na raa. ²³ Nda ɗawu kun i bone/darari i ɗa təku nin, a rawina nakun, i ɗa kə kəma. Jirre na ramekun, kapen kwa vaiki ɗa-ɗa kə lardi Isrraila mak, Wən Gənən a ningəri. ²⁴ Pukurra a ɗəki malemgəri bai, go gabayi ke mi a dəsku baci wənduwagəri. ²⁵ Bata du i pukurra da dlabi kakə malemgəri, gabayi ke kakə baci wənduwagəri. Harr nda dauru baci wənduwau ba'alzabul nin, to nda kun wənduwau wam? ²⁶ Gada kasən, kwa kalwakshi bai, gaɗa, go bee mi da cima warra nda dəmu diwu i patata bai, go be mi da dəɓsa ke, mi nda zəgiwu bai. ²⁷ Bee mi na ramekun i kun asherr ye, a ramina i patata. Bee warra kwa kəmau i kun adalama ke, a gayina i adak səsau kwa dlam kagalau. ²⁸ Kwa kalwa ndak təka gənən rugara bai, warra akshi a dəmu tək arrogu bai. Da miya kaseən, a kalwina nən mi a deəmu na kambeta arrogu na təkau cam i jahannama. ²⁹ Imada ɗutatin shirin nda ɗəbət gu i kobo gayi? To, ko gayi da kunakshi a vəgi bai i ɗa, se na zəgaya Afakun. ³⁰ Ai ko yaɗ aɗakun ngun mak da naa. ³¹ Kwa kalwa bai, gaɗa kwa ɗəka na ɗutatin gawa, i darraja. ³² Gaɗa kasən, tike mi tatku ɗəga ga i kəma ndawa nin, Iyu ye na dlam shaida zəgaya gəri, i kəma Afəkga warra a dəsku. ³³ Amman aci mi dlam gamɗaya zəgi ga i kəma ndiwa, Iyu ye na dlama gamɗaya zəgi gəri i kəma Afəkga mi a dəsku. ³⁴ Kwa dlama tuman gu bai ma; na deu i ni na salam i duniya. Na deu i ni na salam bai, se dai kasakar. ³⁵ Gaɗa na deu ne i ɗawak nən da dlam gaba na afku, wənya ke na migara, amaa ke na saura gara gama. ³⁶ Ndak gaba na nən ke a dlaɓa nin nda gəri. ³⁷ Nən warra ntutu miwu ko afku da ɗəki na iyu nin, bata bai da dlaɓi kanai. Zam, aci mi ntutu wəngəri ko wənyagəri da ɗəki na iyu nin, bata bai da dlaɓi kanai. ³⁸ Nən warra a dəmu ma dəm dləga gəri da ɗəgi iyu binin, bata bai da dlaɓi kanai. ³⁹ Dək nən mi a ndəlam rak arro gəri nin, a bukadu. Amman nən tawanke mi buku arrogəri gaɗa ga nin, a bi du. ⁴⁰ Nən mi marraptu kun tawanke , marraptu na iyu, zam aci mi marraptu nayu i gəshi gəri cam nin, marraptu na aci mi wane iyu. ⁴¹ Nən mi marraptu nabi gada acu nabi nin, a gənyi tumanja zada kə nabi. Aci ke mi marraptu nən baci adalta gaɗa acu baci adalta nin, a ngənyi tumanja zada kə baci adalta. ⁴² Tike mi baru bee i gayi da kun gangamin mamau təku gaɗa acu pukurra nin, ko kopi gayi kə aam lailai yaye, jirre na ramekun, alambarram aci a buka tumanja gəri bai.