¹ I gəre lakwtu, Hirridus dəgəm kəma labar Yeso tənu, ² se da rami gabayayin gəri, ma, "Ai sutku Yahai Baci Baptisma ne, nda tlatla naci da mutu. Gaɗa kasən ne, kərrmai gawa təku a təka wana i kunu gəri." ³ Gada waci HIrridus jəbu yahai da taushi na aci, da ɗawi na aci dəlo gaɗa Hirrudiya, amak yaganageri Filibus. ⁴ Gaɗa wacigu, Yahai Baci Baptismau ramici ma, "Ai, dlamu kalkal bai, atuu, da dlaɓi amaci." ⁵ Hirridus ji tək na aci, amman kalwun gəri ndawa, gaɗa akshi gu, mau na aci ka nabi. ⁶ Amman gafa ngəmurri tərra warra nda 'yawu Hirridus deu tənu, wunya Hirrudiya da dlam səwari i kəma ndiwa, harr Hirrudus da kəmi na karakgu tlaparr, ⁷ harr da ci yinda baritu bee tawanke mi atu jayu nin. ⁸ Aku miwu gaɓɗatu tənu, se atuu da ramma, "A bara nai, aɗa Yahai Baci Baptisma i kun dəba/gadakuwa təku." ⁹ Se gəshi dəgəmgu da dləmacingara, amman gaɗa ta yinda warra aci dlamu, na ndawa mi a ri ta ngemurrigu na aci mak tin, se da ɗawi ma, dolle nda dlami. ¹⁰ Aci da wanyi, nda karmi aɗa Yahaigu, i kun dəlogu. ¹¹ Se ndan na aɗau, i kun dəba/gadakuwa, nda bari wunyau, da yi du i mi gara. ¹² Se pukurraucingəri da nai, da mi guvu, da dabgi du. Da ku sənu, akshi da yi da rami Yeso. ¹³ Yeso kəma kasu tənu, se da təfi sawu aam, da yingəri, i ri warra go nen. Algagin gu kəma kasən tənu , se da ɗəge na aci, na zəgər, da kun marəmamin ɗa-ɗa. ¹⁴ Se Yeso da nai i kemakshi, daiki algi gawa. Aci da kəmi na kanjinokshi, da ngaci na ndak fəra mi a kunakshi. ¹⁵ Dagaduwau dlamingara tenu, pukurraucingu da nai i ri gəri da ramma, "Ritku rro go nən, so afa na bai ke. A sallamaci na algagingu, gaɗa akshi da yi kun ɗa patatingu, da mashi masana i gaɗa aɗkshi." ¹⁶ Amman Yeso da ramikshi ma, "Ai dolle bai akshi da yi. A barinekshi bee ɗagai ba, da ci." ¹⁷ Akshi da ramici ma, "I ritku nin, ja na burrodi vaɗ jaɓ, na vənakau shirinshi." ¹⁸ Se Yeso da ramikshi ma, "Anna da akshi." ¹⁹ Se Yeso da ɗawi algu da mbashi ɗak azəm gatla. Aci dami burrodi vadgu, na vənakau shiringu. Da sukci aɗagəri dəsku, aci da barrkaci, da gejaji , da bari pukurraucingəri. Pukurraucingu da ɓəri i algi gu. ²⁰ Akshi mak da ci da wayi. Akshi da cacpi na gagezhin dugulalin masanau, harr daɓərr ganiyak guma ayawo shirin. ²¹ Ndiwa warra tau gu, dlamna gamsak danamak vaɗ, banda amatau na mamau. ²² Se da ɗawi pukurraucingəri da təfi sawu aam, da katərri nakshi i baka təu, da kau gu, aci na aɗagəri da sallamaci na algu, da yi nakshi. ²³ Da ku aci sallamatu na algu jinakshi tənu, se dayingəri i aɗa zəgawu, rrugeri i magita. Lakwtu aduwau vəgengara cak-cak tənu, aci a riwu rrugəri. ²⁴ I lakwtu kuwa sawu aamgu a kum gadərrau fak i gadava aam, na nən a demu ta aɗagara bai; gaɗa ganjau na zuwak a gaba na atu. ²⁵ I gəre ƙarpe kwan kə dəviɗ, se Yeso da ɗime rikshi, a rakan i aɗa anku. ²⁶ Pukurraucingu ikaci, a rakan, i dak aamgu tənu, se kalau da jəb na akshi, da ramma, "Sutu kulirram." se akshi da dlam kurwa a kun kalau. ²⁷ Amman na tasəna bai, se Yeso da dlamikshi rama, da ramma, "A dlaɓina na zhigom! Sugu Iyu! Kwa kalwa bai!" Bitrrus da ngumi da ramma, "Məgənyi, su ci nin , a ɗawayu na nai i ri ci, i aɗa aamgu" ²⁹ Yeso da ramma, "Ayen." Se Bitrrus da vərai da kun sawu aamgu da rakənyi da ɗa aammgu, i nye ri Yeso. ³⁰ Amman lakwtu Bitrrus ika zuwak aɗa aamgu tənu, da dlamgəri kalau. Aci bandu 'yamungəri tǝnu, se da dlam kurwa, a ramau ma, "Məgənyi, arayu." ³¹ Yeso da ɗəvari amigəri kaɗe-kaɗe, da jəbai Bitrrus, da ramici ma, "Ci baci gangam iman, gaɗa gəmo ka shakka?" ³² Se lakwtu mi Bitrrus na Yeso təfi kun sawu aamgu, zuwakgu da ri'yingara cik. ³³ Se pukurraucin mi a kun sawu aamgu da dlam nakwana i Yeso, da ramma, "Katanas jirrewa, ci wən Kakasǝku." ³⁴ Akshi katərru nakshi tənu, se da fuwai i lardi Janasarrata. ³⁵ Ndak riwu sanutu Yeso tənu, se akshi da dlam wanyi i rawanke i karkara lardu, nda dici tike mi a dagas, ko ngabai. ³⁶ Akshi da dlamici wili/ dladliyaci ma, aksha linta miya dəɗa kacum gəri jaɓ, se gawakshi mi lintugu, da bi na ngata.